هاذا الرز انا معتمدته واحط عليه كشنه لذيذ رز بسمتي هندي اي نوع الي ترتاحين له بصله متوسطه مفرومه وفصين ثوم احمسيها مع زيت وأول مايذبل البصل حطي الدجاج تكونين قائمته نصفين او ربعين الي تحبين وغاسلته ومنظفته حطي الدجاج وكوب مويه حطي البهارات التأليه عود قرفه فلفل حب هيل حب مسمار حب حبة فلفل احمر او اخضر وملح وملعقة ماجي ابيض وسكري القدر عشر دقايق على نار وسط بعدين حطي مويه مغليه الين يتغطى الدجاج وخلي الدجاج يستوي شيلي الدجاج وحطي عليه بهارات تبين تحطين عليه صفا رحطي وحمريها في الفرن وشيلي بالملاس كل الي في موية الدجاج حتى الفلفل وصفي موية الرز وحطي الرز وضبطي المويه والملح وحلي النار عاليه وغطيه الين يشرب كل المويه الي فوق قصري النار مره وحطي حبتين فلفل الكشنه بصل مقطع صغار حطي فنجال زيت في قدر صغير او قلاية بيض حطي البصل وملح وخليها الين يتغير لون البصل على نار صغيره وكل شوي قلبيها وبعد مايتغير لون البصل حطي عليه بهارات مشكله ليمون اسود مطحون اذا عندك برأس الملعقة وكمون وفلفل اسود وحركيها وشوي صفار برأس الملعقة وشيلي شوي من الزيت جيبي شوي من الرز خذي شوي من فوق واخلطيه مع الكشنه وحطيه على وجه الرز ورجعي الفلفل وحطي حبة ليمونه سوداء خلي الرز ساعه مغطى الكشنه ممكن تحمسين مع البصل جزر مبشور ممكن تحمسين زبيب وتحطينه على الكشنه ممكن تحمسين صنوبر لحاله وتخلطينه مع الرز والكشنه ممكن تسلقين مكرونه سباغيتي وتصفينها وتخلطينها مع الكشنه والحين اذا جيتي تعرفين الرز وخري الكشنه في صحن جانبي وحركي الرز من تحت لفوق حطيه بعدين حطي الكشنه بعدين الدجاج