أسأل الله العظيم ، رب العرش العظيم ، أن يشفي أبنائنا
شوفي ياقلبي ادعي ربك كل ماشفتيه انه يعوضك وان شالله ربي يستجيب لك
انا عندي بنت هي بكري عمرها الحين 3 سنوات معها نقص اكسجين سبب لها ضمور وتشنجات والله انها ماتحس فيني ولا تشوف مع ذالك اموت فيها انا وزوجي والحمدلله عندي غيرها بنت ولد ربي عوضني فيهم بس انا بدونها ولا شي عيالي اخليهم ينامون عند الشغاله بس هي لا تنام عندي تدرين اني دايم ادعي ان الله يطول بعمري عشانها مالها غيري واني اقول ياربي اذا مت اموت انا وياها ماخليها وراي مافي غير قلب الام الحنون وانا ادري انتي مستحيل ماتحبينه الامومه غصب عنك لو يغيب عنك شوي تنجنين بس احمدي ربك واستغفريه ودعوة الام مستجابه الله يشفيه ويحنن قلبك عليه ماله بهالدنيا غيرك
لو بقولك عن وضعي الحين مع بنتي صار عمرها 11 سنه لو تشوفينها هي ماتتكلم ولاتمشي وعقلها صغير مرره لكن قلبها علي وتحن علي اكثر من اخوانها الطبيعين وصدقيني ماتدرين يمكن تكون سبب في دخولك للجنه ويكفيك ان الله علمه بحبه لك وابتلاك فيه احسن من اللي يتمنى يعرف هل له محبه ومقدار عند ربه ..تدرين الكل يحسدني على الاجر العظيم والكل يقولي ياحظك بالاجر وتدرين انهم بركه بالبيت يمكن لانه توه صغير لو جلستي معاه فتره بتعرفين وبتشوفين بنفسك ان محبته فوق ماتتصورين
تدرين بنتي قربت من البلوغ وانا اعاني من الربو وربي لو تشوفين كيف حالي لاجيت اشيلها عشان احطها بسريرها اوارفعها عشان ااكلها والا لما احممها يالله كيف احس قوه الالم النفسي والجسدي ومايعلم فيها الا الله والحمدلله ع كل حال كل هذا اعشقها وااعشق ترابها من حبي لها اسمي كل شي باسمها وحتى المعرف حقي هنا واسميها قمر ملاك كل شي اسميها بسم الله عليها ايه من الجمال
بس الله اراد لي ولها هالخيره والحمدلله في البدايه لانها بكري وكانت ثاني صدمه لي بعد صدمتي الاولى بالزواج وبعدي عن اهلي والحين الحمدلله رب العالمين احسن من اول وربي مكرمني من جهتها ولو تشوفين الدعااوي لي ولها من كل الناس حتى اللي ماعرفهم يفرحني والله هالشي ..
وتدرين اتعب مع اخوانها المتعافين اكثر منها هي مكانها اشرب وااكل والبس واهتم بس مشكلتنا بالطلعه هي اللي مثقله علينا لانها بسم الله عليها طولت وكبرت وصعب شيلتها بس لبى قلبها وفديت قلبها اللي بين ضلوعها اموت انا ولاهي تروح وتخليني بدونها
ياقلب قلبي عليها لاجيت اسولف لها وانشد لها تضحك وتمسك يدي وتلمس وجهي ياحبي لها ولعيونها ونظراتها لي تدرين تنزل راسها تبي تبوسني ياحياتي عليها تراهم يحسوون لاتجرحين مشاعرهم هالفئه تدرين وقت ماروشها واطلعها على الغرفه واحط الكريم بجسمها اجلس ابكي عشاني تعبت ولاعندي من يساعدني الارب العباد تجلس تطالعني بعيونها وتحسينها تتالم عشاني وتعرف انها تتعبني بشيلتها تجلس تمسك يدي بطريقه طفوليه لها معاني كبيره واذا شافت دموعي تحرك راسها تقول لا كانها تقول لاتبكين وتحاول ترفع يدها عشان تساعدني بتلبيسها وتحاول تجلس قدر المستطاع عشان البسها بدون لاانحني لها وتتعب ياربي ارحم ضعفي وضعفها ..ياقلبي يالغاليه تعوذي من الشيطان وصدقيني ماتعرفين قدره الا اذا كبر وبتحسين الشعور هذا ..واهم شي ان ربي يبارك لك بحياتك من جهته وبتحصلين شي ماحصلتي وسعاده ماشفتيها ابدا مع هالاطفال اللي ربي اختار لهم هالخيره الطيبه
وعسى ان تكرهوا شيئا وهو خيرا لكم ..
افرحي وفرحي نفسك تصنعي المحبه وصدقيني بتحبينه ادعي ربي يحببك فيه وادعي ربي يصرف كلام الناس الجارح عنك واهم شي قدام الناس والاطفال قربيهم منه عشان بكره يصير الوضع عادي عندهم ويلعبون معاه حتى انتي تحسين ان طفلك طبيعي ومافيه شي ..ترى اذا علمتي نفسك هالشعور باستمرار بتحصلين احساسك ومشاعرك تغيرت من النظره الاولى اللي كنت تحسينها تجاههه وتجاه حالته ولو بتسمعين كلام وبتشوفين نظرات الناس مابتعيشين وراح تتعبين انتي اكثر عشان انك خليتي مجال لهم وبكلامهم ونظراتهم بحياتك خلي الدعوه عااديه عشان انتي والكل يتقبل واهم شي الاب اذا زرعتي فيه هالشعور راح يصير مثلك وبكره لو حبيتي ولدك يصير مشاعرابوه تجاهه ماتتغير لانك انتي عودتي زوجك من الاول على هالشعور وصار مايحبه ..انتبهي ثم انتبهي ..ثم انتبهي ..
وانسى كلام الناس لان هالشي مو بيدك ولابيده وخلي الناس اخر اهتماماتك وعلميهم ان ربي خلقه مثل ماخلقكم ويقدر ربي بين لحظه ولحظه يغير حاله للافضل ويغير حالكم يالناس الى الاسوا مثل ماعطاكم يقدر ربي يعطيه وبدال ماتدعون له تسوون مثل هالحركات والا طنشيهم كل ابوهم كانك ماسمعتي شي واضحكي وفرفشي واحضني ولدك قدام الناس وبوسيه والعبي معاه ولاتهتمين لاحد
لان الناس ماخلت المتعافيه في حالها تبينها تخليك انتي ناس مريضه فكريا وهم اللي معاقين فكريا
لان لو يعرفون ان هذي خلقه الله ماقالوا هالكلام وتذكري رضى الناس غايه لاتدرك ..
شوفي الحمدلله انا كنت مثلك بالبدايه الكلام اللي ماله داعي والنظرات والحين الكل يتقبلها ويحبها ويدعي لها ويجلسون يسولفون معاها لاني حبيتها لحالي وقدام الناس بينت محبتي لها ومارضى احد يتكلم عليها او يسميها معااقه ابدا ابدا ..واخلي الاطفال يختلطون معاها ويحبونها واقولهم لهم رنا تحبكم كلكم واذا سالوني اقول ربي خلقها كذا ربي يحبها لانها عسل وحلووة وحتى هي تنبسط تحسين انها تفهم وش تقولين يالبى قلبها ..ربي مايحرمني منها يارب ..ويعظم اجري واشوفها والتقي بها بالجنه وتكون مبسوطه تعبت في الدنيا وارتاحت في الاخره ..
ولاتزعلين مني بس حبيت تعرفين ان مجرى الامور بيتغير للاحسن ان شاء الله في السنين الجايه لك وله وللي حولك وبتذكرين كلامي
ولاتنسين دعواتك له ولنفسك في اخر الليل فانها لاتخطي ان امر الله بين الكاف والنون يقول كن فيكون ماتدرين لعل الله يغير من حال اسوا الى حال افضل ..والله يكتب لك وله خيرته الطيبه ويسعد قلبك ويفرح قلبك فيه وماتشوفين حياتك بعد الله الا في عيون ولدك الغالي ..
وحطي ببالك ان مو انتي الوحيده اللي عندك ولد تعبان كثير عندهم والبعض تحصلين اربع وخمس
وقولي باستمرار الحمدلل على كل اي احد يكلمك او يسالك وبينك وبين نفسك ارضي بقدر الله عشان ربي يرضى عليك دنيا واخره وتذكري انه اختارك لان يحبك وحري فيها قلوب المرضى النفسيه ...
وواضح وضوح الشمس انك تحبينه والا ماجيتي تشكين لنا الا انك تحبينه بس كلام الناس هو اكبر همك ..الله يفرج همك ويبدل حزنك سعاده ويبدد كل متاعبك ورددي دائما ان لله وان اليه راجعون اللهم اخلف لي في مصيبتي خيرا منها ..وقولي للناس المريضه قدر الله وماشاء فعل وخليها كلمتك المعتمده للناس المريضه نفسيا ولنظراتهم المستهزئه ..
ويارب يجي اليوم اللي اشوفك فيه تغثينا بسواليف وحركاات ولدك وعشقك ومحبتك وجنونك معاه وفرحتك فيه ..
تدرين بنتي قربت من البلوغ وانا اعاني من الربو وربي لو تشوفين كيف حالي لاجيت اشيلها عشان احطها بسريرها اوارفعها عشان ااكلها والا لما احممها يالله كيف احس قوه الالم النفسي والجسدي ومايعلم فيها الا الله والحمدلله ع كل حال كل هذا اعشقها وااعشق ترابها من حبي لها اسمي كل شي باسمها وحتى المعرف حقي هنا واسميها قمر ملاك كل شي اسميها بسم الله عليها ايه من الجمال
بس الله اراد لي ولها هالخيره والحمدلله في البدايه لانها بكري وكانت ثاني صدمه لي بعد صدمتي الاولى بالزواج وبعدي عن اهلي والحين الحمدلله رب العالمين احسن من اول وربي مكرمني من جهتها ولو تشوفين الدعااوي لي ولها من كل الناس حتى اللي ماعرفهم يفرحني والله هالشي ..
وتدرين اتعب مع اخوانها المتعافين اكثر منها هي مكانها اشرب وااكل والبس واهتم بس مشكلتنا بالطلعه هي اللي مثقله علينا لانها بسم الله عليها طولت وكبرت وصعب شيلتها بس لبى قلبها وفديت قلبها اللي بين ضلوعها اموت انا ولاهي تروح وتخليني بدونها
ياقلب قلبي عليها لاجيت اسولف لها وانشد لها تضحك وتمسك يدي وتلمس وجهي ياحبي لها ولعيونها ونظراتها لي تدرين تنزل راسها تبي تبوسني ياحياتي عليها تراهم يحسوون لاتجرحين مشاعرهم هالفئه تدرين وقت ماروشها واطلعها على الغرفه واحط الكريم بجسمها اجلس ابكي عشاني تعبت ولاعندي من يساعدني الارب العباد تجلس تطالعني بعيونها وتحسينها تتالم عشاني وتعرف انها تتعبني بشيلتها تجلس تمسك يدي بطريقه طفوليه لها معاني كبيره واذا شافت دموعي تحرك راسها تقول لا كانها تقول لاتبكين وتحاول ترفع يدها عشان تساعدني بتلبيسها وتحاول تجلس قدر المستطاع عشان البسها بدون لاانحني لها وتتعب ياربي ارحم ضعفي وضعفها ..ياقلبي يالغاليه تعوذي من الشيطان وصدقيني ماتعرفين قدره الا اذا كبر وبتحسين الشعور هذا ..واهم شي ان ربي يبارك لك بحياتك من جهته وبتحصلين شي ماحصلتي وسعاده ماشفتيها ابدا مع هالاطفال اللي ربي اختار لهم هالخيره الطيبه
وعسى ان تكرهوا شيئا وهو خيرا لكم ..
افرحي وفرحي نفسك تصنعي المحبه وصدقيني بتحبينه ادعي ربي يحببك فيه وادعي ربي يصرف كلام الناس الجارح عنك واهم شي قدام الناس والاطفال قربيهم منه عشان بكره يصير الوضع عادي عندهم ويلعبون معاه حتى انتي تحسين ان طفلك طبيعي ومافيه شي ..ترى اذا علمتي نفسك هالشعور باستمرار بتحصلين احساسك ومشاعرك تغيرت من النظره الاولى اللي كنت تحسينها تجاههه وتجاه حالته ولو بتسمعين كلام وبتشوفين نظرات الناس مابتعيشين وراح تتعبين انتي اكثر عشان انك خليتي مجال لهم وبكلامهم ونظراتهم بحياتك خلي الدعوه عااديه عشان انتي والكل يتقبل واهم شي الاب اذا زرعتي فيه هالشعور راح يصير مثلك وبكره لو حبيتي ولدك يصير مشاعرابوه تجاهه ماتتغير لانك انتي عودتي زوجك من الاول على هالشعور وصار مايحبه ..انتبهي ثم انتبهي ..ثم انتبهي ..
وانسى كلام الناس لان هالشي مو بيدك ولابيده وخلي الناس اخر اهتماماتك وعلميهم ان ربي خلقه مثل ماخلقكم ويقدر ربي بين لحظه ولحظه يغير حاله للافضل ويغير حالكم يالناس الى الاسوا مثل ماعطاكم يقدر ربي يعطيه وبدال ماتدعون له تسوون مثل هالحركات والا طنشيهم كل ابوهم كانك ماسمعتي شي واضحكي وفرفشي واحضني ولدك قدام الناس وبوسيه والعبي معاه ولاتهتمين لاحد
لان الناس ماخلت المتعافيه في حالها تبينها تخليك انتي ناس مريضه فكريا وهم اللي معاقين فكريا
لان لو يعرفون ان هذي خلقه الله ماقالوا هالكلام وتذكري رضى الناس غايه لاتدرك ..
شوفي الحمدلله انا كنت مثلك بالبدايه الكلام اللي ماله داعي والنظرات والحين الكل يتقبلها ويحبها ويدعي لها ويجلسون يسولفون معاها لاني حبيتها لحالي وقدام الناس بينت محبتي لها ومارضى احد يتكلم عليها او يسميها معااقه ابدا ابدا ..واخلي الاطفال يختلطون معاها ويحبونها واقولهم لهم رنا تحبكم كلكم واذا سالوني اقول ربي خلقها كذا ربي يحبها لانها عسل وحلووة وحتى هي تنبسط تحسين انها تفهم وش تقولين يالبى قلبها ..ربي مايحرمني منها يارب ..ويعظم اجري واشوفها والتقي بها بالجنه وتكون مبسوطه تعبت في الدنيا وارتاحت في الاخره ..
ولاتزعلين مني بس حبيت تعرفين ان مجرى الامور بيتغير للاحسن ان شاء الله في السنين الجايه لك وله وللي حولك وبتذكرين كلامي
ولاتنسين دعواتك له ولنفسك في اخر الليل فانها لاتخطي ان امر الله بين الكاف والنون يقول كن فيكون ماتدرين لعل الله يغير من حال اسوا الى حال افضل ..والله يكتب لك وله خيرته الطيبه ويسعد قلبك ويفرح قلبك فيه وماتشوفين حياتك بعد الله الا في عيون ولدك الغالي ..
وحطي ببالك ان مو انتي الوحيده اللي عندك ولد تعبان كثير عندهم والبعض تحصلين اربع وخمس
وقولي باستمرار الحمدلل على كل اي احد يكلمك او يسالك وبينك وبين نفسك ارضي بقدر الله عشان ربي يرضى عليك دنيا واخره وتذكري انه اختارك لان يحبك وحري فيها قلوب المرضى النفسيه ...
وواضح وضوح الشمس انك تحبينه والا ماجيتي تشكين لنا الا انك تحبينه بس كلام الناس هو اكبر همك ..الله يفرج همك ويبدل حزنك سعاده ويبدد كل متاعبك ورددي دائما ان لله وان اليه راجعون اللهم اخلف لي في مصيبتي خيرا منها ..وقولي للناس المريضه قدر الله وماشاء فعل وخليها كلمتك المعتمده للناس المريضه نفسيا ولنظراتهم المستهزئه ..
ويارب يجي اليوم اللي اشوفك فيه تغثينا بسواليف وحركاات ولدك وعشقك ومحبتك وجنونك معاه وفرحتك فيه ..
الصفحة الأخيرة
اكثري من الاستغفار