الله يسامحك حرام طالعي عيونه لما يطالعك ترى مايشوف ولا يحس الافيك ...
انت دنيته كلها انت ملاذه ...مشكلتك انك حساسه مررررررررررررررررررره تفكرين بكلام الناس ..اش عليك منهم
انظري له يا حياتي اذا انت رفضتيه وانت امه من يقبله من العالم الي حوله ..
عزيزتي توكلي على الله وبوسيه وضميه بالنيابه عني والله اني بكيت عليه مو عليك لان امه رفضت تقبله ...
اقبليه ياعسل ولا تعجزي من امر الله ..فالله اختار لك الصالح ..
ياليت تقرئين قصتي في المنتدى وتتعظي منها ..موضوعها..
ماتت ابنتي المعاقه وانا بعيده عنها ومنعت من رؤيتها) الله لايوريك مكروه ويجبر قلبك ويربط عليه ويغرس في قلبك رحمة وحنان عليه ..
يالله قومي امسحي دموعك وضميه وبوسيه وقولي الحمدلله ..

اختي صدقيني انتي تحبين ولدك وتموتين فيه بس مجتمعنا غبي ما يهمه الا الشكل ولو شاف معاق كانه شايف انسان من الفضاء

انا اول لو مرضت بنتي احاتي كيف باخذها الطبيب من نظرات الناس الي ماترحم الحين ولا احد يهمني


ولو احد ناظر حتى لو رجال اصرخ فيه خير وش فيك تدور شئ عندي

والله ياقلبي كلنا تجينا حالات ضعف لكن اسأل الله انه يجبر كسرنا ويشفي اعيالنا اللي هم فلذات اكبادنا

مو عشان انهم معاقين بس عشان تعبنا وحملنا فيهم هذا بحد ذاته يخلينا نموت فيهم

أنا بنتي عندها طيف توحد عانيت معها كثير روحات وجيات مع المستشفيات والمصيبة ماشخصو مرضها بدري

بعدين اخذت صولات وجولات اخرى بين المراكز وبين الرئاسة وبين المدارس
وبرضوا ماعرفت وين مكانها الطبيعي لان الكل له كلام مختلف

جلست ست سنوات مابين هذا كله ولله الحمد ربي ماتركني وتركها وعوضنا بالمكان المناسب وساعد بنتي انها تتخطى مرضها

والله اني اشوفها وريدي اللي يغذي جسمي الله يخليها لي ويشفيها شفاء كامل ويصب العافيه في جسمها وعقلها


بس أنا اتوقع بنتي معها عين قوية فعشان كذا قلت لابد من الرقية الشرعية وأنتي بعد يالغالية ارقي طفلك دايم وأهم شيء ضميه لصدرك بقووووووووووووووووووووووووووووووووووووووة وربي راح تحسين انه قلبك اللي ينبض

بنات انبسطووووووووووووووووووووو
افرحووووووووووووووووووووووووووو
هذا كنز في يديناااااااااااااااااااااااااااا
ربي اعطانا هم
لجل الخير
ياحبي لكل طفل من ذوي الاحتياجات الخاصه
واعشق بنتي يالبى قلبها

طيب هو وش ذنبه ناظري عيونه وشوفي البراءه فيها

لاتصيري انتي والزمن عليه ولا يهمك نظرات الناس وش بتنفع قوليلي


الناس الناس ووووووالناس اخذتي اجازه عشان الناس واعتزلتي الخروج عشان الناس


خليك قويه وواثقه وتحدي اي عقبه تواجهك وماعليك من الناس اللي مارح ينفعونك

بل بيضروك ويضرو ولدك ونفسيتك


ولدك هذا اذا ربيتيه وقمتي بعنايته بيشهد عليك يوم القيامه


بينجيك من العذاب واهول الجحيم

وفي الدنيا بيفتح عليك ابواب الرزق صدقيني


قوي نفسك واتركي عنك وسواس ابليس ماحبه وعجزت اتقبله وووو .....


خليك قويه وقولي الحمدلله على كل حال وشوفي الأطفال اللي حالتهم اشد من حالت ولدك


صدقيني مارح ينفعك تحسرك وقهرك لا بيقدم ولا بيأخر شي

بس بتتعب نفسيتك على الفاضي ابدي حياة جديده انسي كل شي عاملي ولدك

زي ماتعاملي اي طفل طبيعي وماعليك من احد لان محد بينفعك

حبيه وشري له احلى الملابس واضحكي معه وربيه وكبريه


خليك اقوى من الظروف وصدقيني حياتك بتمشي طبيعي والله بياجرك على كل تعب تتعبيه معه