احنا سبب مصيبتنا

اخواتي الكرام مصيبتنا نابعة من عادات الأكل السيئة اللي صارت جزء من حياتنا وانا حبيت اسلط الضوء عليها حتى نحاول على قدر الامكان ان نتجنبها وبالنهاية ممكن تساعدنا على المحافظة على صحة اجسامنا:

من العادات السيئة الموجودة في حياتنا:

1-كلنا او معظمنا نسولف اثناء الاكل وما تحلى السوالف الا اثناء الاكل والمصيبة ان السوالف تجرنا الى الاكل بصورة مومعقولة وللاسف ممكن نوصل حق مرحلة الشبع بس سوالفنا ما خلصت وبالتالي نستمر بالاكل حتى تنتهي السالفة.

2-عقب ما نقوم من وجبة الغدا مثلا نفرش سفرة ثانية حق الحب والمكسرات والحلويات والشاي والقهوة وهذي بروحها مصيبة يعني المعدة مسكينة موملحقه على الهضم.

3-اوقات الاكل ومواعيده عندنا ملخبطه بكل حزه وبكل وقت ناكل.

4-اكلنا الزايد حق الحلويات والمصيبة التنافس اللي قاعد يصير بينا على تقديم اطباق الحلو بكل انواعه تدرون بعد ان كل وحدة تبي تثبت وجودها وتبي تصير طباخه عالمية بنظر الكل.


الحل شنو؟

1-نحاول نقلل من سوالفنا على السفرة كثر ما نقدر ونقوم ونكمل السوالف بعد الاكل.

2-نستبدل الحب والمكسرات والحلويات باشياء اخرى افضل منها مثل الفواكه الطازجه ونقلل من شرب الشاي والقهوة وبعد ما ننسى ان نعطي فرصة للمعدة ترتاح شوية من الاكل.

3-نحاول ننظم مواعيد اكلنا هم كثر ما نقدر وعلى قدر المستطاع.

4-ياريت يصير التنافس بينا على الاطعمة والاطباق اللي تساعد على نقصان الوزن.

اتمنى مساهمتي البسيطه تعجبكم واكون دوم عند حسن ظنكم