اختي الصغيره بتتزوج قبلي وانا ﻻ

السﻻم عليكم
مو عارفه احكي لمين فيني هم الله يعلم فيه اختي الأصغر مني انخطبت قبلي لولد عمي انا فرحانه لها وادعي لها وماتمنى لها وربي يشهد علي غير السعاده وربي يتمم لها على خير ومو حاسدتها لكن قلبي يتقطع على حالتي اختي هذي مو اول مره تنخطب كم مره تنخطب وامي ترفض المره هذي الولد مافيه عيب وعارفينه وانا وﻻ مره انخطبت حتى لو كلام بس دوبي متخرجه من الجامعه وقلت خﻻص الدنيا بتضحك لي وببدء اعيش حياتي بس خطبة اختي جات مثل الكف على وجهي خايفه اواجه الناس وشايله هم كﻻمهم ونغزاتهم المجتمع اللي انا فيه مايرحم وغير كذا لو ربي يسر لها وتمم على خير بتنخطب اختي الأصغر منها كمان حتى هي كم مره ناس يخطبوها من الهم مو قادره امنع دموعي كل يوم ابكي على مخدتي دون ماحد يعرف احس اني منبوذه ماحد يبيني وبعيش حياتي لحالي بالنهايه وكل اللي حولي بينشغلون بحياتهم تعبت نفسيا مو عارفه ايش اعمل