اخواتي المغتربات طلبا لا امرا الحضانة بالخارج ..

^
^
^

+ هل تبين علشان طفلك و إلا ( اللي فهمت من كلامك ) علشان تسوين مشروع حضانة ؟

بسوي مشروع حضانه بالسعوديه وابي اخذ افكار عن حضانات بلاد الغرب وافكارهم وش المميزات اللي عندهم ودكم تتوفر عندنا ومن هالشغلات

هلا

بالنسبه لمدينتي صغيره

فالحضانات حليوه

يكون مبنى دور واحد وتقريبا تقولين غرف مفتحه على بعضها

تدخلين الحضانه برقم سري تدخلينه عند الباب(اعجبتني الفكره) يعطونك اذا سجلتي عندهم

بعدين تدخلين تلقين اول شيء غرفة المديره والرسبشن

بعدين تلقين باب ثاني بعض الحضانات يكون برقم سري بعد تفتحينه وتدخلين تلقين

صاله كبيره مقسمه

قسم للكمبيوتر وقسم طاوله وكراسي للدراسه وطاوله فطور وغدى وسراير على جنب علشان ينامون الظهر
وقسم للالعاب وفيه حديقه برى تكون فيها مراجيح


تلقين غرفه مسكره تكون للاطفال اللي اقل من سنه يكونون معزولين

فيها سراير وفيها العاب بهم وكراسي هزاز وطاولة تغيرللاطفال

بالتوفيق

اللي عندنا عاديه مافيها اي شي غريب

ومنطقتنا امنه عشان كذامافيها ارقام سريه ولا شي بس ورقه فيها الاسماء وتوقعين فيها

انا عندي شقه تفتح على ملحق من غرفتين وحده 5x5 وحده5x4 وصاله 5x6 ودورة مياه .... .....ابي اسوي حضانه منزليه ولا اعرف وش احط بالملحق الان جهزته كصبغ وفرشت موكيت نقشات اطفال بخلي غرفه لنوم وغرفه لتلوين واللعب والصاله لمشاهدة التلفزيون لتلفزيون الفئه العمريه اللي بستقبلها من مولود الى سن 3 سنوات..اييش النشطات اللي اسويها لهالفئه مع ان عندي اطفال بس ماشا الله كبرو نسيت كل فئه عمرية وش تجتاج....ياليت كل وحده تقولي كل مرحله عمريه وش اوفر لها كالعاب ورسوم متحركه وفئة 3 سنوات وش يتعلمون بهالسن وش يلفت انتباهم...هذي بداية مشواري لمشروع بسيط وان شاء الله اطوره الى مبنى اكبر بس بالاول ابي اخذ خبره ثم افتح هالمشروع على نطاق اكبر شوي...فياليت اخواتي اللي تودي اطفالها لبيبي ستر (حاضنه منزليه) وش تسوي للاطفال انتي كام وحطيتي طفلك عند حاضنه وش ودك توفره لطفلك غير وسائل الامان بالمكان فياليت خبرتكم ونصايحكم...لانه مهم بيكون دخلي الشهري لاني تابعه لضمان الاجتماعي ولا يغطي مستلزمات اسرتي فاحتاج احسن دخلي بمشروع ناجح لان ظروفي الماديه ما تسمح لي اسوي اكبر من هالمشروع والمهم والمطلوب بسوق العمل...فراح اكون لكن ممنونه وبتكسبن الاجر بي لو افدتني باي معلومه

اشكر اخواتي اللي شاركن واختي بوادي بامريكا جزاك الله خير ماقصرتي تلقينها بموازين اعمالك ان شاء الله وياليت تفيديني بخبرتك بهالمجال...وشكرا