اخواتي الي في الاربعين والخمسين وفوق ابيكم تنصحوني

السلام عليكم وكل عام وانتم باتم الصحة والعافية


اخواتي الي بالاربعين والخمسين وفوق احتاج مساعدتكم


انا بالثلاثين واحس اني ما انجزت الاشياء الي اتمناها والي اطمح لها والي يضايقني اني شعرت اني ضيعت اجمل سنين عمري العشرينات في معارك وحروب عائلية وماعطيت الاولوية لاطفالي
كان ولازال دوامي طويل جدا والحين اشعر بالمرارة والالم على كل لحظة ما قضيتها معهم احس بالندم اني ماكنت احضر الايام المفتوحة بالمدرسة ولا ايام النشاطات ولا يوم الام الزائرة
لان الظروف كانت جدا ماتسمح


ولما كنت في نهاية العشرينات انفصلت ولا فكرت بعدها بالارتباط وشعرت ان حياتي كعازبة اجمل و اخف ضغط

لكن الحين لما تقدمت شوي بالعمر اشوف جمالي يذبل و ما اعرف ليه انصدمت وماعرفت اتاقلم مع تقدمي بالعمر مع انه شي منطقي ان الشخص ماراح يظل على شكله العمر كلة بس ما ادري ليه نفسيا تعبني هالشي وبديت اشكك في كثير من قراراتي واولوياتي

الي ابي اطلبة اخواتي الغاليات الي اكبر مني بشوي لو رجعتك للثلاثينات وش ممكن تغيرين من قراراتك ووش اكثر شي كنتي بتركزين عليه اتمنى انكم فهمتو وش ابي اقول

يعني مثلا انا لو احد بيرجعني للعشرينات بركز اكثر شي على اولادي وبحاول ارتبط بشخص كويس وما اهمل هالجانب واقول مو مهم مثل ماكنت افكر بذاك الوقت

المكرفون لكم