اختي "حب الرمان" جزاك الله خيراً على مرورج وعلى كلمتك الطيبة..
ومثل ماكاتبه في توقيعج "كن كالنحلة .. تأكل طيباً وتخرج طيبا"
حبيبتي
انا عانيت من اهل زوجي والحمد لله اقولها لكن بقوة الايمان كسبت ودهم.. صح ساعات تستوي لي ظروف ما يعلم بها غير رب العالمين فكان الدعاء هو سلاحي الوحيد خصوصا ان زوجي متعلق بأهله وااايد وانا ماأقدر اقول كغير الكلام الطيب عنهم.. ما باليد حيلة
الله يسخر لكم ازواجكم واهل ازواجكم وتسعدوا في الدارين..

الفكرة الثانية:

ليلة العيد:

خواتي هذي المرة للعيد الفكرة..

يعني حركة حلوة وبسيطة ولفته منج تسوينها لأهل زوجج بس بتكون في الذاكرة على فكرة..عن تجربة..

طبعاً دام انكم على النت يعني اكيد عنكم كمبيوتر.. هههه حلوة بس بايخة بس حلوة..

المهم..

تطبيعين كلمات عن العيد تهنين اهل زوجج بالعيد مثل:
* كل عام وانتوا بخير
* عيدي هو فرحة لقاكم.. عسى أيامنا كلها اعياد.. وعيكم مبارك.."
............... الخ من كلامكم الحلو.. عاد انتوا تفننوا بعبارات العيد لأهل ازواجكم مو بس تتفنون بالمسجات لأزواجكم بعد لأهلهم.. وحطي توقيعج او توقيع عيالج تحت.. وانا افضل احط توقيع عيالي.. لأنهم اول الاحفاد واهل ريلي متعلقين بهم وااااااايد وصورة صغيرة لهم بجنب اذا في امكانية

المهم تكون الطباعة مثلا على شكل دائرة وانتي عاد اطبعيها وعق لصقي عليها ورد مجفف مثلاً او خلي لها خلفية حلوة..
وعقب هاتي عصا ضعيفة وصغيرة.. مثل الاسياخ الصغيرة الخشبية مالت الطبخ اللي ساعات نحط فيها خضروات ونشويها او للزينه.. والله ماحضرتني الكلمة احينه .. يارب تكونون فهمتوني

او انتوا تفنونوا المهم يكون شغل ايدكم يعني يحس الواحد انج تعبتي لهم

وبعد ماتخلصين شغلج .. جهزي عدد منهم على عدد ابواب الغرف في بيت اهل زوجج..
وليلة العيد بعد مايرقد الكل بسرعة لأن باجر العيد .. عاد انتي يا ساحرة اشتغلي

لصقي على باب كل غرفة نوم هذي الكلمات..

حق لما يقومون الصبح للعيد تكونين اول وحدة تهنينهم بدون ما يشوفونج.. وتكون حركة ولفته حلوة منج..

واذا ساكنه بروحج بعد اتفقي مع وحدة من خوات ريلج او حتى خدامتهم انها تساعدج وتسوي لج الحركة وانتي في بيتج مرتاحة بس تحسسينهم انج تفكرين بهم..
واذا بعدكم ملجات "عاقدات" خلواازواجكم يساعدونكم بالحركة.. يعني اتصلي على زوجج ايي للبيت عندكم وعطيه الاغراض ويسوي لج الحركة لهم..

وانتي بعد جهزي مثلا عيديات لأهل زوجج.. هدايا..
مب شرط تشترين شي غالي يعني هدايا بسيطة اوعطورات..
واللي عندهم يهال صغار
حاولي تشترين اكياس صغيرة بس راقية شويه وحطي فيها حلويات او بدله اذا كان الطفل بعده عمره شهور مع عيديه.. او لو في الروضة حلويات ولعبة ذكاء او الوان علبة صغيرة والعيدية.. وغلفيها وحطي توقيع عيالج عليها..

واذا ساكنه عندهم حطي الهدايا على مخداتهم او سرايرهم..

وطبعاً بعد هذا كله لا تنسين زوجج.. لازم يكون له نصيب الاسد من هذا كله..

على خزانه ملابسه او على باب الحمام اكرمكم الله او باب غرفتكم تحطين مثل هذي البطاقات يشوفها اول الصبح..
خشي عيديته في ملالسه الداخلية للعيد ..
يعني وهو يتسبح حطي الهديه داخل ملابسه اللي تكونين مجهزتها له ومب شرط هدية تكفي بطاقة بخط ايدج تقولين له "كل عام وانت حبيبي بخير.. وعيدك مبارك يا احلى عيد في حياتي" مثلا من هاي الكلمات..

ويجعل ربي ايامكم كلها عيد مع ازواجكم وعيالكم واهل ازواجكم..

وانتظروا المزيد..
لكن خواتي بعد انتوا اتحفونا بافكاركم وساعدوا غيركم
وجعل عملكم في ميزان حسناتكم

و الله انج عجييييييييييييييييييييييييييييييييييييييبة

افكار مبدعه



انا متابعتنج خطوة بخطوة



انتظر المزيــــــــــــــــــــــــــــد


تحياتي لج يا الفنـــــــــــــــــــــانة:23:

الله انج عجييييييييييييييييييييييييييييييييييييييبة

افكار مبدعه



انا متابعتنج خطوة بخطوة



انتظر المزيــــــــــــــــــــــــــــد


تحياتي لج يا الفنـــــــــــــــــــــانة :26: :26:

بصراحه افكارك قليله عليها كلمة روعه
الله يعطيك الف عافيه ويسخر لك زوجك واهله
والله يحرسك
انا عني ماعندي شيء لان اهل زوجي بديره وانا بديره ونعايدهم بالتلفون بس
يعني ماعندي فرصه
تحياتي لك:26: