انا زوجي يمووووووووووت على اهله ويبيني كل قاعده معاهم ...
مشكوره ياعمري على هالفكره..بس انا مااقدر اسويها

الغاليات

يبت لكم فكرة وايد بسيطة ان شاء الله تعجبكم
وخاصة للي اهلهم يحبون الحلويات والكيك

الفكرة الرابعة

عزيزاتي
طبعاً كل وحدة ريلها يحبها تقعد مع اهله
تحاضيهم وتقدم لهم وتخدمهم بعد

انا عني اهل ريلي يحبون الحلويات والكيك وخاصة بالكاكاو
وانا ماشاء الله علي ما امدح عمري بس حسي بالحلويات احسن بالاكل الثقيل
واكثر شيء اسوي لهم حلويات وكيك وشوكولاته وعصاير ابتكر فيها
وهذا شيء سهل تقدر كل وحده تسوي لأهل زوجها..
وانا لما خبرت اختي بهاي الفكرة قالت ان اهل ريلها يحبون الفطاير
فدايماً تتفنن بالفطاير والبسكويت وتاخذ معاها لما تزور اهل ريلها لأنها ساكنه في بيت روحها وكم يموت ريلها على هذي الحركة. وجي هي كسبت ريلها بصفها

المهم..
عاد هاي الايام القعدة حلوة مرة في الحوش
رتبي امورج عدلج في الحوش
اسقي الزرع
ورشي الحوش ماي
وروحي المطبخ وجهزي حلويات وكيك وعصاير "عاد المنتدى البنات ماشاء الله عليهم ماقصروا اخذي افكارهم وسوي شيء يديد ما اكلوا من قبل منه"
وشوي عصاير وقهوة وشاي وشاي حليب او سحلب او حليب بالمكسرات "على فكرة السحلب والحليب بالمكسرات يدفون بالجو مثل هذي الايام" او حليب بالكاستر

ورتبي القعدة افرشي سجاد ومساند وانتي بعد رتبي من عمرج وحطي مكياج لأهل رزوجج مثل ما تحطين لريلج.. وخليهم يقعدون على العصرية برع واليهال يلعبون ولازم ريلج يكون موجود
ويشوف انتي شو سويتي

العصير تفنني في طريقة تقديمة


وبقولكم شيء انا سويته
هو مقلب.. هو طرافة.. هو حركة او لفته.. يعني اللي تسمونه

تعرفون حلاوة توبلرون المثلثات السويسرية اللي تنباع بالجمعيات

انا صراحة رحت سبينس مرة وشفت علبة كبيرة منه
اشتريتها ويتني الفكرة هذي وسويتها
يعني رتبيت كل شيء برع وكنت ومسيةه كيك وسويسرول وحلويات وعصاير
وبعدين جهزت الصحون والملاعق
وبعد ماقعدوا كلهم
خذيت معاي للغرفة كم صحن بدون ما يحسون..
وخذي هذي الحلاوة وقعدت اكسر قطعة قطعة.. واحط كل قطعة بالصحن وعداله ملعقة صغيرة
ونزلت بعدين تحت
ولما شافوا الحلاوة ما يت في بالهم انها حلاوة توبليرون.. ظنوا انها قطعة كيك.. الكل لما حاول يدخل الملعقة ويقطع قطعة ماقدر قعدت اضحك على اشكالهم وهم مندمجين يحاولون بعدين قلت لهم هاي حلاوة توبليرون مب كيك

الكل قال ههههههههه ضحك وقال مقلب سهيف بس حلو
واستغربوا كيف حصلت انا على هاي الحلاوة بها الحجم!!!!!!

وسلامتكم

بس الجو كان رهيب والكل قعد مستانس
بالعصير والدلع والاكل والحلويات

وانتواعاد كل وحدة وشطارتها

والله يسخر لكم ازواجكم لكم وذريتكم ويصلح حال جميع الازواج والمسلمين

شو رايكم :30:

أفكار ج حلوه
الله يهنيج ويتمم عليج
ويكفيج شر عيون خلق الله
لي عوده أن شاء الله
وأقول لكم شنو سويت لحمولتي ( أهل زوجي بالكويتي )

ما شاء الله عليك يا طائر الطنان...

عليك أفكار فيها ابداع خطير و الله...

الله يعطيك على قد نيتك... :27:

اعترفلك الغالية.. اله يخليج الغالية.. الحمد لله من لا ينسى ربه ويذكره في الليل والنهار.. واذكار الصباح والمساء يكفيه شر الناس ان شاء الله.. اللهم احفطني وزوجي وعيالي يارب العالمين من شر عيوووون الحساد :07:
وننتظر افكارج الغالية

وينكن بنات وين افكاركن.. شو ولا اهل الزوج مالهم ابد نصيب.. عيل كيف تكسبون ازواجكم..

الكل في الانتظار
:26: