الغاليات : مشكورات على مروركن وكلماتكن اللطيفة وجزاكم ربي كل خير.. وعلى دعواتكم لي

الغالية "Saudi girl": حبيبتي مب شرط لما تسوين حركة لو مرة لأهل زوجج تلزمج طوووول العمر تسوين لهم حركات.. بعدين العيد بس مرتين بالسنه يعني مب وااااااااايد.. بعدين "تهادوا تحابوا" صح!

والله يوفق الكل ويسعدكم مع ازواجكم وعيالكم واهاليكم
ويرزق كل واحده تأخرت بالحمل او حرمت من الاطفال بالذريةالصالحة من حفظت القرآن والسنه النبوية يلبسونكم بها تاج الوقار

بارك الله فيك ورزقك الله بر عيالك مثل ما بريتي اهل زوجك

احلى شي رضا الزوج خصوصاً لما يسمع المدح من أهله يحس بالفخر

الفكرة الثالثة:

يوم على الدراجات

الغاليات

انا سويت هذي الفكرة بمساعدة زوجي وهي..

اني طلبت منه نستأجر دراجات من النوع اربع اطارات الكبيرة مالت البر.. وبعد ترلات او قالوصات او عربات السحب مالت الدراجات..

وبعدين جهزت مع خوات ريلي كل اغراض الرحلة للبر..
حصير + مساند + مفارش اكل + العصاير + الماي + الحلويات + ....الخ

كل هذا بدون علم عمي وعمتي..

بعدين على الفطور من الصبح خبرناهم كل شيء وجهزنا السيارات لأن الحمد لله انا جمس وبيك آب من النوع الكبير فقلصنا الدراجات ورحنا للبر بعيد عن الناس..

صراحة كانت فرحة بالنسبة لأهل زوجي هذي الحركة.. وزوجي كان اكثر المستانسين

بس تصدقون .. انا ما استانست عنهم.. صح فرحت لفرحتهم بس ماسويت شيء..
لأني ما اظهر جدام اخو ريلي والكل كان مستانس ويسوق الدراجات.. وانا عاد قعدت زعلانه :44: بس فرحانه لوناسه الكل..

بس بعدها بشهر من هاي السالفة
عمي لأن عنده معرض سيارات.. وصلت عنده طلبية دراجات من نفس النوع واشترى لنا 4 دراجات..

وبعدها سووا لي مفاجأة .. عزمنا عمي للبحر مكان مستور "عند سيح شعيب" لبنات الامارات اللي يعرفون المكان.. هناك مظلات وحمامات سباحة والبحر نظيف..كان باتفاق مع زوجي..

يعني ومستور.. وعزمنا عمي على البحر وقال وحدة بوحدة وأشر علي.. وظهر لي دراجة وقال اركبي..

عااااااااااد انا على الدراجة .....وااااااااااااااااااو

صراحة كان شيء حلو

وبعدها بفترة يمكن شهرين.. وصار الجو حلو.. قلت اعزمهم على البحر بحيث الكل بعد يستانس ونشوي.. وجهزت مع خوات زوجي عدة الشوي وخبرنا عمي اللي استانس من الحركة وصك المعرض ويانا على طووول

وطلعنا في الليل بعد العشا..

وهناك شوينا والبحر هايج ..
وبعد ما رقدوا العيال رحنا الحريم نتسبح لأن خالة ريلي معانا .. وتسبحنا ولعبنا بالماي.. وعقبها ركبنا الدراجات.. والناس راقدة الساعة 1 في الليل..

صراحة الشيء حلو شفناه هناك وز.. وبعد صلاة الفجر وقبل تطلع الشمس بشوي شفنا دلافين

ياربي كيف روعة

والجو ضبابي شوي

وريلي ركب دراجة وردفني وراه وخذاني مكان بعيد..

قال هناك انتي من وين لج هذي الافكار؟
قلت له:
رضاك خلاني مافكر بس فيك.. افكر في كل اللي تحبهم..

وعقبها خلاني اركب الدراجه وهو قاعد وراي وقال روحي صوب اهلي.. ولما شافوني اسوق وريلي راي الكل ضحك ..

وكان روعة للعيال والكل..

سويت سباقات جري بين البنات.. وبين عمي وريلي.. وبعدين بيني وبين البنات وعمي وعمتي وريلي.. وهدايا للفايزين

وسباق من اكثر واحد يقدر يقعد تحت الماي
احسن سباح على الظهر و على الوجهه

بس كل هذا والبحر هائج..امواجه عالية

و سباقات بالدراجات الصغيرة مالت الاولاد الصغار

..

وهذي كانت رحلتنا..

يعني رحلة البر ما استانسنا بها وااااااااايد
بس رحلة البحر كانت اكثر من وناسة


يعني انتوا لو تغيرون ... شيء حلو.. والتأجير بعد مب غالي
كل شي يرخص لأجل عيون الحبيب

يعني تقدر الوحدة تغير من الفكرة شوي.. وتسوي حركات ثانية
لو عزيمة بالبيت بس برع في الحوش
يعني تشوي مثل ماقلت في اول فكرة
سباقات اثناء الشوي:
1- مطارحات
2- سباقات جري
3- شد حبل
4- الغاز
.
.
.
.الخ

والله يديم الفرحة على قلوب الكل
ويجعل ازواجكم واهل ازواجكم راضين عنكم
ويسعدكم

وان شاء الله القادم أكثر

:26: :24: