أنا مجربه الريجيم الكيميائي وعدته مرتين ..
بس المرة الأولى النزول فيها أكثر عن المرة الثانية ... المرة الأولى تقريبا نزلت 8 كيلو مب مذكرة الصراحة ... والمرة الثانية نزلت عليه تقريبا 7 لكن الحق يقال بس سويته في المرة الثانية 3 أسابيع يعني ما كملته ... بس كان نزولي مرضي ومقتنعة فيه :)
ويبان النزول عليج أكثر شي في الاسبوع الثالث ...
لكن في مشكلة بعض البنات يعانون منها أثناء اتباع هالنظام وهي سقوط الشعر بعد فترة :(
أنا الصراحة عانيت من هالمشكلة بس مب لمرحلة الرعب ...
لكن بعد ما خلصت الكيميائي قمت وخذت لي فيتامينات .. والحمدلله

عزيزاتي والله اللي اعرفه عن هذا الرجيم انه سئ وعن تجربه
انا سويته قبل 10 سنين ونزلت 12 كيلو ولكن بعد ما سبته بفتره
وكنت اكل عايدي زدت الضعف وطاح شعري واتغيرت ووبعدها الجسم يتلخبط والهرمونات لأنه يغير كيميائية الجسم ويلعب بالغدد والهرمونات
انا ما انصح فيه وكل وحده لها رأيها والله يوفق الجميع وينحفون من غير شر

بالنسبه لتكرار الريجيم .. عادي ممكن تكررينه باي وقت تحبين

صحيح ان النزول كل مره يقل عن المره اللي قبلها بس هذا طبيعي لان الشحوم اللي بالجسم تقل

و اخر 5 كيلوات للوصول للوزن المثالي هي اصعب كيلوات و ممكن اقول مستحيل تنزل عن تجربه

بالنسبه لتساقط الشعر .. صح ...لكن مو من اول شهر .... بعد الشهر الثالث بدا يتساقط شعري بشكل مخيف ... فوقفت الريجيم و خذيت حبوب و رجع شعري احلى و اطول من قبل
يعني فزت بالجسم و بالشعر

والحمد لله لا تخربطت هرموناتي ولا رجع وزني بالعكس صارت بشرتي ناعمه و صافيه و توحد لون جسمي باختصار صغرت 10 سنين بدون مبالغه ..

عانيت ايضا من الامساك القاتل مع الريجيم الكيميائي

اختي اللي سألت عن الريجيم الكيميائي هو ريجيم الدكتور اسامه حمدي تلاقينه في ارشيف الريجيم و كاتبته الاخت فلسطين

و سامحوني عالقصور والتأخير

مكشورة اختي الكيكة على الرد
اما بالنسبة للتوقيع الوزن اختاري ويت مو ويت جينج عشان يطلع عدل
تحياتي