اذا جوك ضيوف ايش تقدمين لهم

بسم الله الرحمن الرحيم

نبدء هههههههههههههههههههههههه هلا اختي رويم انا على حسب الضيووف اذ بيتغدوون معانا ولا جايين على العصرية لو هم يتغدوون معانا طبعا اول اقدم لهم العصيير وبعديين اقدم الغذاء وبعد مايتغدو اقدم الحلو زي البودنج بالفواكه او اعمل سلة فواكه مشكلة واحطها في الوسط و اجييب صحون صغيرة واقدم فيها من كل نووع واحد وبعديين يرتاحو شوي واقدم الشاي واقهوة الشاي اقدمه في طقم الشاي الكامل والقهوة في دلة مع فناجيين اقدم مع الشاي والقهوة الحلويات زي البيتيفور والكيك وانواع اخرى من البسكوت وخلا لكن لو بيجوون في العصرية اقدم في الاول عصير واحب دووم اقد عصاير طازجة واتفنن في زينتها ههههههههههههه وبعدين اقدم الشاي والقهوة في اطقم مع الحلويات وفي الا خير اقدم الحلى مع عصير .

شكلي طولت اتمنى اني قلت شي زين:26: :26:

منكم نستفيد اخواتي....... انا اذا كان الضيوف قرايب او غرب معزومين على الغداء اعمل زي ما قالت الاخت مريووووم وهم طالعين اقدم حبات شكلاته المغلفه بسله حلوه

لكن اذا جايين صديقاتي او اخواتي مع زواجهم زياره عاديه اقدم عصير مع المكسرات ( مخلوطه ) وبعدين الشاي مع الحلو او المعجنات واخيرا القهوه المره بس ما اقدم لهم اقدم حبات شكلاته المغلفه عشان عيالهم ( ماخدين وجه و مكترين ما يستحوا ) خخ خخ خخ بس بمزح انا اعطيهم عمري

واذا كانت اختي جايه لوحدها مع عيالها بدون زوجها اقلها اختي افتحي الثلاجه وضيفي نفسك والحقيني على الصاله عشان نسولف خخ خخ بمزح
وشكرا
ام تامر

عزيزتي ريوم


إنتي وإبتكاراتك يعني ما في قاعده عامه لازم تتلتزمين فيها

بس تقدرين تتبعين هذا النظام :

أول ما يجون الظيوف ويقعدون ويرتاحون وتبدي السلامات والسوالف
يدخل العصير ويكون منوع مو نوع واحد أفضل لك ولهم علشان يلاقون شي يحبونه
ويكون طازج أو مثلج ( فراوله مثلا أو مانجا ) وتجنبي المعلبات أو العصاير الجاهزه
كلش تعطي غنك مالك خلق ومستعيله تبين تعطينهم أي شئ ..


بعد ما يشربون العصير تبدين تقدمين الموالح والكبه والسنبوسه والمعجنات
وتقدمين معاها الشاي وياليت أكثر من نوع مثلا شاي ليمون وشاي أخضر وشاي مخفف
وهذا إذا جوا الضيوف بالليل وما يبون يسهرون قدمي لهم شاي مخفف من الكافيين .

بعد ما ياكلون الموالح ( إنتي وشطارتك وتنوعك فيها حطي شغلات غريبه وحشوات مبتكره )
قدمي لهم الحلو ( كيك / تشيز كيك / حلو طبقات ) الي تختارينه ومعاه الشاي طبعا لا خلصت الإستكانه
تصبين لهم زياده ( دخلي صينيه فيها كلاسات ماي يمكن يعطشون مع الحلو )..

وبعدين وقبيل ما يمشون تقدمين حلوو القهوه أو حلويات شرقيه مع القهوة العربيه

وبس وما أعتقد إنك راح أحد يطلع وما يتشكر حسن ضيافتك

وبالتوفيق



:26:

على كذا ماحنجلس مع الضيوف كل شغلنا في المطبخ ولا انا غلطانه
لا تقولو علي بخيله مابغى اقدم شي بلعكس احب اضيف ضيوفي شي بسيط قهوه وشاي وموالح وجاتوه
وهم جايين يزوروني ولا هم جاييين ياكلون فقط والله الوحده مننا من الصبح وهي تشتغل وبعدين مايكلو
والاسراف مو زين الرسول ماوصى عليه ولا انا غلطانه.
لاتوخذوني على الكلام .:26: :26:

مريووووم : طريقتك والله حلوه وقريبه من طريقتي بس انا اختلف عنك اني بعد
القهوه والشاي أقدم اطباق موزع فيها ورق عنب + كبه + فطائر السبرنغ رول
وكلها تكون بأحجام صغيره اقدمها مع العصير بس احنا نبي طرق جديده في التقديم
ويعطيك العافيه وكل اللي تقولينه زين مثلك





أم تامر : يعطيك العافيه وكلامك صح ودمك عسل





وحدة كووول : تسلمين اختي على اضافتك وافكارك الجميله وهي كثير اعجبتني
وممكن استفيد منها وهو فعلا مافي قاعدة بس الواحد احيانا خلاص من كثر التجديد
استهلك كل افكاره وابتكاراته
يعطيك العافيه





لولو : انتي صادقه في كلامك الوحده الحين اذا بغا يجيها ضيوف تبدأ تستعد قبلها
بكم يوم وش نسوي بعد هذي ضريبة التحضر والمدنيه ( مالت ) يازينا من اول وبس
يعطيك العافيه

والاخوات اللي عندها شي تشاركنا وممنونه لكم