اذا زوجك من اهل السهر ماذا تفعلين؟

اخواتي وصديقاتي انا متاكدة اني لن اجد اصدق منكن لطرح مشكلتي عليه..... بصراحة صار لي متزوجة 7 سنوات ومشكلتي نفسها لم تتغير مع اني استخدمت عدة اساليب لحلها .. ولكن ما فيه اي تغيير ..ياليت تدلوني على الحل السليم .... مشكلتي ان زوجي يحب يسهر دائما ومتعلق باصحابه كثير ولازم يوميا يخرج من بعد العشاء الى الساعة 11 او 12.. تقريبا في البداية زعلت وعصبت بس ما نفع وبعدين صرت ازعل وما اكلمه بالايام وبرضه ما نفع وبعدها صرت اقرقر على راسه كثير وبرضه مانفع وبعدين قلت خلني اجرب السلام وصرت اغض النظر عن سهراته وهو مستمر.. وبعدين قلت خلني اجرب اني اتعلق بصديقاتي يمكن يحس ويرجع.. بس للاسف بالعكس كنت كل ما طلبت اروح لفلانة ولا علانة يوافق الا اذا عنده ظرف .. طبعا ما اخفيكم اني شكاكة جدا وعلى طول يروح تفكيري لاشياء سيئة اذا طلع خارج البيت علما اني ما صدته من قبل في شيء وهو يعرف اني شكاكة!.. ( واذ كان زعلان مني يستفزني من خلال هالنقطة ) .. احس الموضوع صار كأنه عادة لايمكن الاستغناء عنها.. على فكرة انا ما اعرف اسولف معه اوبالاحرى ما اعرف كيف اشده لسواليفي لانه يشوف سواليفي كلام حريم .. وكان دايما يقول لي اقرئي كثير وانقلي لي المعلومات اللي قرأتيها مثل كتب الدين وتربية الاطفال.. طبعا انا مااقول هالكلام عشان اتقبل موضوع سهره بس فيه رجال كثير ما يطلعون من البيت وزوجاتهم ما يكملون جملة مفيدة .. يا ليت اللي عانت من نفس مشكلتي وقدرت تحلها تدلني على الحل وادعي لها على طول ويكفيها قول الرسول صلى الله عليه وسلم : " من فرج على مؤمن كربة فرج الله عليه كربة من كرب يوم القيامة" ودمتم !!!