طيب هو قالك السبب يوم قالك سوالف حريم معناه يبغى احد يتكلم معاه بنفس اهتماماته هو حاولي تشوفين وش الاموراللي يحب يتكلم فيها مثلا بعضهم يجب الكمبيوتروكل اللي يتعلق فيه حاولي تشوفين كل شيء جديدواخرالتطورات وتكلمي معاه فيها صدقينيراح يستانس لانك تكلمتي بالشيء اللي يهمه
طبعا اذاكان متعلق باصحابه صعععب تخلينه ينساهم مره وحده لاشوي شوي
وحاولي تغيرين بحياتك شوي لان الروتين يملل
مثلا اعزميه على عشاء بمطعم منها انك تنسينه السهره ومنها انكم تغيرون جووتغيرون نظامكم شوي حاولي تهدينه
فاجئيه بين فتره وفتره
العبي انتي واياه صدقيني راح يستاااااااانس بشكل ماتتخيلين ولاتنسين اهم شيء
انك تدعين له
وبالتوفيق

انا زوجي يسهر من 3 الي 6 ايام في الاسبوع اذا كانت ليلة دوام الى 12 اما اذا ليلة خميس ولا جمعه السهرة صباحي لين 2او3 لا والل يقهر في رمضان يسهر وبعدين يجيك قبل الاذان بربع ساعه يبي يتسحر كان طفحت مع ربعك قبل لا تجي

بس انا تعودت على الموضوع مرة اول كنت انهبل بس الحين بالعكس اذا قعد لي 3 ايام ورا بعض ما طلع انهبلت صرت اصيع ياامل عند اهلي يا اما عند خوياتي ولا ام زوجي الله يخلي لياهم كلهم ولا افضى لنفسي احوس بالنت ولا اطبخ لي شي غريب ولا اروح انا وولدي لملاهي يعني الحمد لله انا حاط لي سواق وفي يدي مصروف البيت عشان كذا مرتاحه شوي


بس انا اسوي حركه قليلة ادب اذا سهران ما اصلح له عشا ولا سحور اذا جا ويبي اكل يقول لي واصلح له حتى احيانا نطلع السوبر ماركت الساعه 2 3 نجيب اغراض الاكل اذا ناقصه ولا نشتري من برا بالمرة وحجتي طبعا ما ادري متى بتجي واخاف اطبخ وتصير اكلت مع اخوياك........................


مو قصدي شي بس مو المساله على كيفه ما يحصلني ويحصل السهر مع اصحابه في نفس الوقت يا انا يا هم



اول ما تزوجت كنت اهبله اذا سهر برا نمت بدري عشان ما يقدر ياخذ مني اللي يبي وهو سهران بس صار اصحى مني الحين اذا جت في مزاجه اخذها في النهار او قبل لا يطلع يعني صار افلح مني!!!!!!!!!!!!!!!!!!!


هذي تجربتي وانا لي 4 سنين على ها الحاله

وعلى فكرة نسيت اقولك انا انسانه مثقفه جدا واحب القرايه دايم على النت اقرا مقالات عن التغذيه والصحه والسياسه اقراها عشانه ولا انا ما احبها واتناقش معه في ها المواضيع دايم احيانا اتكلم معه في سوالف الحريم بس مو دايم اكثر شي السوالف اللي تعجبه لكن ما قعده هذا الشي في البيت بعدين انا ما اقول كذا من راسي لا هو هذا كلامه حتى الحين هو يدرس ماجستير برا ويقول لي على ان الحريم اللي معنا يدرسون ماجستير و متوظفين في وظايف قوية و اكبر منك الا انهم تافهات في تفكيرهم مو مثلك

أنا زوجي يومياً سهر لحد 12 أو 1 بالليل..
غير آخر الأسبوع...
كنت أزعل علية ولا أكلمة وأنواع العتب والملام...
ولما حسيت إنها خربانة خربانة إستسلمت للأمر الواقع..
وماحاولت أركز عليها كمشكلة وأقلمت روحي عليها..
وصرت أحاول أستغل هالوقت وأخذ راحتي فيه بدال ماكان يضيع على صياح ودموع....
وصار إذا جاء يطلع أقول :
الله معك..خذ راحتك...بنشتاق لك...:23:
صار يستحي مني وقبل مايطلع يستئذن..
على الأقل يطلع ونفسي راضية بدال نظرات مال أبوها داعي..:30:

فماله داعي تركزون يابنات على كل شي وتحطون منة مشكلة...
أقلموا نفسكم مع حياتكم بدال حياة المد والجزر..
وخصوصاً إذا مافية مشكلة تستاهل..

وبعدين ترى الرجل إذا كان يدخن أو يشيش يكون صعب يترك السهر..
فلا يروح فكرك لبعيد...:26:

أأأااأأأاأاأاأأاأأأأأه فتقتي جروحي أأأأأأاااااأااااه
ياليت تعطونا حل