عزيزتي ....
ليش تفكرين في الموضوع بشكل سلبي خليها نقطه لصفج
بمعنى اخر خليها اسعد لحظات حياتج بما انج مزوجه 7 سنين
مع الاطفال والزوج اكيد انج اصقطي جزء كبير من اهتمامك بنفسك
حدد الوقت هاتي ورقه وقلم ضعي المشاكل الي تولدت نتيجة اهمال
او حمل ......الخ
وضعي لها حلول طبيه او طبيعيه قسمي الوقت لشعرك ولجسمك واتبعي التالي
1_ وضع زيت او ماسك مغذي للشعر ....( حاولي تختارين شي ريحته حلوه او مقبوله )
2_ ضعي ماسك على بشرة الوجه والجسم .....( ضعي في الكاسيت ما ترغبين به من كلام المولى او محاضره دينيه او ثقافيه ..تتكلم عن الحياه الزوجيه ..او تربية الاطفال ..او....لخ ) *** تكون المده محدده عن طريق مؤقت ( جرس نقال مثلا ) ***
3_ اخذ دش عميـــــــــق ( حمام الهناء انشالله ) تهتمين في اطرافج نعومة بشرج وباذن الله بنزل موضوع عن قريب .
4_ بعد الحمام دلعي نفسك بملابس نوم جميله ملفته ورائحه عذبه غنيه بالانوثه
5_ استلقي على اقرب اريكه اسحبي كتاب يتكلم عن الحياه الزوجيه او عن خفايا الرجل
6_ ابعثي مسج جميل وانتظري قدومه اصبحت دقايق فقط وانتي تنتظرين بشوق له ..

همسه في اذنك
الوقت الي ما يكون الزوج فيه موجود تصيديييييييييييييييييييييييه واغتنميه لنفسك
طوري قدراتك في اشيء وايد ممكن انج تسوينها في غيابه
1_ العنايه بالجسم .
2_ الرياضه ( ايروبك في البيت ) .
3_ تنمين ثقافج ( مهم جدا جدا ).
4_ تغير معالم غرفة النوم بين فتره واخرى عشان هيه اهم مكان للزوجين .

بختصار اغتنمي غيابه بشيء يرد عليج بمنفعه شوي شوي بتلقينه بين اديج لانه وجد ضالته
اتمنى اني افتج واذا تريدين اكثر .... من العينين .

ودمتي

عليج بالدعاء في اخر الثلث الاخير من اليل والله يوفقج انشالله ويصلح لج زوجج

انا زوجي مو دايم يسهر امكن بين فتره وفتره طويله لكن سهراته تمدد الى 5 الصباح ويتعمد يرفع ضغطي وقتها عشان اوعل ولا اتصل عليه

أختي لا تضايقين نفسج الصراحه ماشوف الموضوع يستاهل الضيق لان حله بسيط شوفي حبيبتي انا اول ما تزوجت كان زوجي يحب يسهر مع ربعه بس انا صرت اقعد معاه واتفاهم اني زوجه ولي حقوق عليه وانه خلاص تزوج ولازم ينظم وقته يعني مو كل شي لربعه وكنت اقوله ان سهره يسببلي ملل وفراغ كبيره وودي اسولف مع احد ودي احد يسمعني والحمدالله تغير وماقام يسهر والحين الحمدالله حتى طلعه من البيت ما يحب يطلع الا نادر :42: يعني من الدوام للبيت ومن البيت للجامعه ماقول انه مايقعد مع ربعه لا يقعد معاهم بس مو مثل قبل يقعد ساعتين او ثلاث ويرجع مبجر :arb: واذا بغى يسهر يسهر آخر الاسبوع مع ربعه وانا اسهر عند خواتي لان احنا ساكنين بعيد عن اهلي واهله احنا في مدينه وهم في مدينه فنروح لهم آخر الاسبوع فعادي اخليه يستانس مع ربعه على الاقل يريح نفسه من ضغوط الدوام والجامعه وهذا من حقه والحمدالله انا واثقه فيه لان نظيف ومو راعي خرابيط ولا يحب يقعد مع اصحاب السوالف الوسخه الحمدالله اي ونسيت اقولج شي بعد ترا الريال يحب الزوجه اللي عندها سوالف حلوه ومواضيع تسليه انا لاحظت ها الشي تدرين شلون اي موضوع اقراه في المنتدى ويعجبني او اسمعه من احد موضوع قصه نكته اي شي حلو على طول اروح اقوله حق زوجي وهو يستااااااااااااااااانس وايد :42: حتى صار كل مايرجع من الدوام يقولي ها عندج اليوم بعد سوالف يديده :23:

انا زوجي من اللي يسهرون..وطبعأ بالبداية ضاق صدري وسويتها سالفة وصرت اطالع نفسي واقول حرام اقعد لحالي كذا..(يقال اني كاسرة خاطر نفسي)...واقعد اصيح وهات ياخواطر واحزان.. :06:

لكن بعدها تعودت لانه من النوع اللي يروح من بعد الساعة تسع بالليل ويرجع على 11 او 12... وبهالوقت صرت استغلة اني اجهز نفسي والبس واذا عندي شغل اسويه واخلصه..
وادخل النت او اقرأ...
واذا بقى شوي قبل وصوله اروح انوم الصغار واهيئ الجو واجهز حاجة خفيفة عصير او اي شي لنا..ويجي يلقى اللبس والدخون والبيت النظيف.

.واحاول اني ابين اني مو متضايقة من هالشي بسؤالي عن اللي صار بالسهرة واخبار اخوياه.. لما صار هو يسولف لي عن المواقف والسوالف اللي صارت معه هناك بالاستراحة مع اصحابه...

وبعدين احيانأ اطبخ له وجبه حلوة او عشاء خفيف اخليه ياخذه معه هناك ويجي وهو مبسوط من مدحهم للطبخ...

هذا غير الرسائل والمسجات الحلوة اللي ترسلينهم وهو هناك ...او احيانا اذا شفت شي بالتلفزيون حلو وهو يحبه ارسل له اقول حط على القناة الفلانية...عشان تكونين دايم على البال ومعاه ولاااازقة فيه حتى وهو بعيد..

وصار هو بالنهاية قبل مايروح اذا شافني اودعه بالابتسامة والكلام الحلو يقول ماراح اتأخر بس كم ساعة ساعتين واجي...(احيانأ يلطعني بثلاث ساعات) بس عادي اهم شي انك ماتحسسينه انك متضايقة ابد...وخلي اللي بقلبك لك لايدري فيه..

واقبلي زوجك بطبعه الحلو والسئ دام بالنهاية يحبك ويدور رضاك ومايقصر معك..بغض النظر عن سهره لان الرجال بطبعهم اجتماعيين ويحبون الاختلاط مع بعض ..والله يوفقك...