ارجو الدخول للاهميه ، انا شعري راح ضحية هذي الاساليب وعدم الامانه والمصداقية

السلام عليكم ورحمة الله وبركاته

زي ماذكرت قبل ان شعري كان خيالي
وبالتالي عرضته لصبغات وقطعته ولعبت فيه
جيت ارجع على الطريقه السابقه وتحسن بشده وكذا
بس المشكله وضعت خلطات ابيه يرجع زي الاول بالضبط

انا ذكرت ان جاني اكزيما بسبب اني دمجت ثلاث خلطات في خلطة وحده
وانا مالوم احد لأني انا اللي تسببت في هالشي لفروة راسي

لكن شعري قبل الاكزيما بسبب بعض الخلطات
اللي طبقتها على شعري الله لايوريكم التقصف وتساقط الشعر والحكه

تدرون ليه ؟
لأن في مواضيع منقوله من غير تجربه تحت مسميات

امثله
شعرررررررررك قصير ادخلي في اسبوعين راح يزحف وراك
شعرك في ثلاثة ايام راح يطول 10سم
في اسبوع واحد كثفي شعرك وطوليه للركب

معقول هذا الكلام ! ؟

واذا ادخل الموضوع القى فلفل مطحون وحليب وزيت نارجيل ونواة تمر مطحونه
وثوم وزنجبيل
مادري ليه احسها خلطه نوويه ههههههه

او اغسليه بفيري
وهذي النتيجه :3_3_103:

حرام كذا والله وانا كل شي اجرب
والاسلوب مره مره يحمممممس يخليك ماتأجلين

ياجماعه الشعر الطبيعي يطول 1 سم في الشهر
واذا غذيتي جسمك زين واستخدمتي بعض الزيوت مثل الجرجير والخروع
وفي خلطاا مجربه مفيده تسارع في نمو وتطويل الشعر تقريبا الى اثنين سم هذا حدها ويمكن ثلاثه
لكن عشره في ثلاث ايام غير معقول الا اذا كان الشخص غير طبيعي
وانا اتكلم على الخلطات الغريبه الغير مقنعه ويقنعوونك فيها غصب

هذا غير الريحة ، اتخيلو يابنات واحده متزوجه وتجرب خلطه علشان تبهر زوجها
وتحلي شعرها زود خصوصا اذا كان شعرها صحي بس تبيه يكوت بعد احلى
وتجي تخلي ثوم وفلفل وبهارات وزبد وحليب وماادري ايش
وفي النهايه يتقصف شعرها ويمكن تصلع والريحه تأثر على علاقتهم
ومابيدها شي يروح الريحه وتدفع مبالغ ولا يفيد
ونهايتها ممكن حتى تطلق

مو قهرررر ياجماعه ؟
صدقوني صااااااااارت كثير كثييييير

انا الان اعاني من هالسالفه شعري ماينغسل والحين بجدده بالكامل
يعلق فيه الشامبو لو اجلس اسبوع تحت الماي ماينغسل

طيب وطاح من شعري
والفروه حكيتها بس شوي مكان واحد كان اتفاجئ بكمية القرف المترسبه عليها
وسخ بني ريحته زي ريحة الخلطة اللي دمجتها الي ذكرتها بااول موضوع لي
واكتشفت انها مكونه طبقه على الفروه
وساده المسامات وكل شي وسخ بني بالضبط زي الزيت اللي يتراكم في المطابخ على الجدران مسببه لي اكزيما في جهة وحده بس
شفتوه الزيت اللي متراكم كيف يصعب تنظيفه
كذا لاان نفس العناصر
يعني تخيلو كمية المعاناة
وانصحكم والله نصيحة اخت تبي الخير لكم
انكم تتجنبون الخلطة اللي راح اذكرها بالرد التالي