ارجو من الاخوات اعطائي طرق لحشوة السمبوسه بالبطاطس

اهلين بكوشه كيفك يا عمري
طريقه الحشوة هذه :
بطاطس مسلوق ومهروس
ملح_فلفل اسود_كمون_كزبزة ناشفه_كركم(شوي مرة)
بقدونس او كزبرة خضراء مقطعه
ملح ليمون
بذور رمان (ان وجد)
تخلطيهم مع بعض وبس!!
شورايك

دمعة شوق شكرا لج
بس للاسف انا كنت مستعجله واليوم حشيت سمبوستي بحشوتي المعتاده
وقبل ما اسوي الحشوه فتحت المنتدى بس ما انفتح اي قسم فيه وبعدين سويت حشوتي وحشيت السمبوسه وانتهيت
يعني ما في فرق
البطاطس مسلوق حمرت بصل شرايح وكزبره وفلفل اسود وفلفل احمر والبطاطس بس لو كنت شايفة حشوتج كان ضفته للحشوه بس للاسف جات متأخره

على العموم مشكوره كثير يا دمعتي وما تقصرين

بيكاتشو ...الظاهر اني تأخرت في الرد وايد
على العموم حشوتي في السمبوسة هي :

بطاطس مسلوق ومبشور تقريباً مقدار كاسين
2 جزر مبشور
3/4 كأس بازيلا
بصلة كبيرة مفرومة
كوب كزبرة اخضر مفروم

نحمر البصل ثم نضع جميع المقادير ماعدا الكزبرة ونتبلها بالملح والفلفل الاسود والكمون ثم نضع الكزبرة

وصحتين

------------------
واتقوا الله ويعلمكم الله