ربي يرحم زوجك ويجمعك فيه يارب

عظم الله اجرك والله يربط على قلبك
اختي حددي وش مشكلتك السكن او طلبات العيال
انت ماذكرتي السكن وبالعكس ذكرتي اهلك بالخير بس اذا انت مو مرتاحه اطلبي تبنين جناح من غرفتين وصاله وحمام لك ببيتهم وانت ضبطيها الصاله جلوس وركن مطبخ مصغر
باول الشهر اكتب الي تحتاجينه طول الشهر وأشريه (مونة المطبخ وخرابيط الصغار/ صوابين ومنظفات / غاز / واحتياجات خاصه من بامبرز وغيره / أدويه خافظ حراره أدوية كحه وأسعافات أوليه /بطاقات شحن اذا تحتاجينها ) أغراض المدرسه كلمي المدارس بانهم يكتبون طلبات الأسبوع الجاي ويسلمونها لأولادك يوم الخميس عشان تشترينها بالويكند مره وحده وبلغيهم انو ماعندك احد يجيب اي طلب مفاجئ بنص الأسبوع
أنت أرمله فاأعتقد انو يشملك الضمان قدمي عليه بتحتاجينه
الطلعه وتغير الجو مهم لعيالك بس نصيحه خليها بحدود وحاولي ماتبالغين بدلعهم بحجة أنهم فاقدين أبوهم خليك وسطيه مرتين بالشهر كفايه للمول ويشمل عشاء من برى واذا حولك حديقه بالويكند حلو تطلعينهم لها
المهم الأفكار السوداويه بانو محد بيتحمل عيالك وانو الاهل مب سند ذي أرميها على جنب ولا تقيسين وضعك مع غيرك انت عندك أهل وعزوه زي ماذكرتي

ياعمري الله يصبرك وييسر امرك
بتتأقلمين غصب مع وضعك والله يعينك ع تحمل المسؤليه اكثر واكثر
ادعي ان الله يكون بعونك دايم واصبري وعلمي عيالك ع الصبر والتعاون معك عشان يكبرون على هالشي

بنات المره زوجها توه منوفي يعني الحزن لسه بقلبها ومابتفكر بهذا الشي اطلاقااااا...


وبعدين اللي تقول تزوجي عشان اولادك وطلباتهم ياخواتي اذا احيانا الاب يتعب ويتافف من طلبات اولاده وازعاجهم تبون زوج امهم يتحملهم ويلبي رغباتهم ويسعى لراحتهم ورضاهم لا ياحبايب بالهكس مارح يروح فيها الا الاطفال من سوء معامله الزوج وبسبب دخول شخص جديد ع حياتهم واخذ مكانه ابوهم الوضع صعب والاولاد لسه اطفال محتاجين حنان امهم فقطططط واخوالهم مهما كان الخال والد بيحنو عليهم ويساعدوهم والاهم انها مو ببيت لحالها او مرميه بشقه ايجار ومصاريف وطلبات يكفي بيت اهلها عزوووه وعز...


وعظم الله اجرك اختي الله يصبرك ويعصم قلبك ويفرحك باولادك ويعوضك...

وش هالنصييحه !!!!
ترضين لها المسيار استغفر الله مو اي ناس يقبلو بهالزواج الي ضد كرامتها وكرامة اهلها

صاحبة الموضوع عظم الله اجرك والله يخليلك اعيالك اصبري مانتي الوحيده الارمله واهتمي بعيالك اكيد الاب مايتعوض بس حاولي تكوني لهم الام والاب والاخوان شي طبيعي مو فاضين طول الوقت عندهم دوام والتزاماتهم وعيالهم لاتشرهين عليهم وراعي ضروفهم والله يعوضك فعيالك