مشكورة ياعمري حضرت الدرس
بس ماني عارفة ليه ماني قادرة استرخي تمام احس بصعوبه على اني كنت اعمل تمرين الاسترخاء من سنوات فاتت لكن الان ماني قادرة اركز فيه

جزاك الله خير
عني اكثر ما يقلقني السعي نحو الكمال خصوصا بالتربيه
دائما ابغى اولادي مودبين هاددين لكن مستحيل كونهم اطفال في مرحله النمو والاكتشاف
وكله يرجع لضعف ايماننا لو توكلنا عليه لكفانا لكن غرتنا الدنيا

تم حضور الدرس صراحة الدرس مفيد وفي نقطه في درس عجتني اسباب الصداع ونسيان انها نتيجه القلق والتوتر صراحه معلومات اول مره اعرفها ممكن تنزلي هذا الدرس على شكل موضوع انو بصراحه في عضوات ماسجلو في الدوره وعندهم خلفيه عن هذا الموضوع جزاكي الله كل خير

السلام عليكم ورحمة الله
انا مسجلة جديدة اليوم عرفت عن الدورة وسجلت وبانزل تطبيقاتي على طول
لو قبلتوني معاكم خير وبركة وان ماقبلتوني بالم عفشي واطلع
بس ماراح تخلصون مني راح اتابعكم من خلف الكواليس لاني جدا مهتمة بها الدورة ومهمة لي خصوصا في هذي الفترة

اعرفكم بنفسي اسمي عسل بالسكر
متزوجة وعندي ثلاث اولاد 10 سنوات -7 سنوات-3 سنوات الله يحفظهم
خريجة بكالوريوس علوم ورياضيات + دبلوم عالي اضطرابات سلوكية وتوحد
هدفي الرئيسي من حضور الطورة التخفيف من حدة الغضب والعصبية على اولادي
ملحزظة ( انا عصبية على اولادي فقط واحيانا في المشاجرات الكبيرة اعصب غير كذا من الصعب اني اظهر بعصبية )
رغم اني اكل في نفسي بس امسك اعصابي مع الناس ليه ما ادري
نتيجة الاختبار الاول
المقدم او الراعي (ESFJ ) وهذي الصفات تقريبا تنطبق على شخصيتي
نتيجة الاختبار الثاني
15 انت متزن متحكم في نفسك كمان تنطبق علي لكن احيانا تفلت مني الامور وما اتحكم في نفسي

اسباب القلق
من وجهة نظري انها ممكن تكون شعور بالنقص لانه ماشاء الله اخواتي كلهم موظفات ومناصبهم عالية واللي متزوجات ازواجهم ماشاء الله مقتدرين اما انا الحمد لله زوجي على قده مرة وانا ماعندي وظيفة ثابتة كل يومين في وظيفة
رغم انهم والله مايقصرون معاي ومع عيالي لكني احس بقلق على مستقبلهم بكره لو كبروا وعيال خالاتهم عندهم وهم لا غير كذا اخاف يحسون انه خواتي يعطونهم تحسنا منهم فيتحسسون منهم رغم اني درست الدبلوم الخير وكل نفقاتي وتكاليفه والله وحدة من خواتي اتكفلت فيهم الله يجزاها خير ويبلغها امانيها يارب
والسبب الثاني للقلق
احس عندي افكار مكبوتة مااقدر اتكلم عنها مع احد افكار شيطانية رغم انها مو كثير بتاثر فيني الا انها احيانا ولمدة طويلة تظل ملازمتني
رغم حرصي الشديد على زوجي واولادي الا اني ما احس باستقرار عائلي عندي هاجس الخوف من تشتت شمل الاسرة
لاني عشت في بيت جدتي امي اتطلقت وانا عمري 8 شهور وعشت عدم الاستقرار فانا دائما احاول اأمنه لاولادي واحيانا اخاف زوجي يستغل هذي النقطة ويلعب فيني رغم انه ولد حلال ويخاف الله وامورنا الحمد لله تمام

غالبا هذي السببين اللي لما تجي في بالي احس تزيد عصبيتي
رغم اني عارفة انه رزقي وعملي واجلي كله ربي قاسمه لي قبل اجي للدنيا


ها ماقلتوا لي اكمل معاكم ولا اخذ مشاركتي وامسك الباب

اطلعت ع الدرس الاخير

وفعلا تشغلني امور المستقبل واولادي والرزق الله يغفر لنا ننسى انه ربي الرزاق

يعطيك العافيه حبيبتي