memsi
memsi
نورا

ما شاء الله العزومة شكلها تحفة تسلم ايديك يا قمر

يا بنات

كنت قبل رمضان عاملة بطاطس نص مقلية وشيلتها في الفريزر بس لما طلعتها وقليتها لقيتها مش مقرمشة اوى طرية وكمان لونها اغمق تفتكروا ليه ولا هى بتبقى كدة اصلا ؟
الصبر يارب
الصبر يارب
صباح الخير يا بنات سبانش انتى فينك يا جميل وحشتينا حلوة شوربة الجزر دى ممكن الواحد يجربها انا كان...
بسم الله ما شاء الله عليكي يا بت يا نورا:cook: يا ما نفسي اتعزم عندك :35:

بقولك يا جميل ممكن تكتبيلي طريقة فتة الشاورمة و ياريت لو فيه صورتها علشان أفهم أكتر :35: لإن الأخ جوزي أكلها بره البيت و عجبته للأسف :icon33: و عايزني أعملها :mad:
و لو حبتي تعمليها و تبعتيها علي البيت علي طول يبقي كتر خيرك يا جميل :27:
mado2006
mado2006
صباح الخير يا بنات سبانش انتى فينك يا جميل وحشتينا حلوة شوربة الجزر دى ممكن الواحد يجربها انا كان...
تسلم اديكى ولو شرحتى العزومه كلها يبقى كتتر خيرك:D
la rosa
la rosa
memsi memsi :
نورا ما شاء الله العزومة شكلها تحفة تسلم ايديك يا قمر يا بنات كنت قبل رمضان عاملة...
ازيك يا شيمو انتى بتغطسى وتقبى مع نفسك كده؟
فتة الشاورما يا ستى دى سلطة كانت رواء وسبانش كاتبينها الملف اللى فات
عبارة عن فراخ مسلوقة ومتنسلة انا استعملت نص فرخة الصدرين وبطاطس وباذنجان مقطعين مكعبات صغيرة ومحمرين وسيبيهم يصفو الزيت اللى فيهم كله على ورق المطبخ
الصوص عبارة عن علبة زبادى ومعلقة طحينة وعصير لمونة وفص ثوم مدقوق وملح ونقطة خل واخلطيها كويس وبعدين حطى فيها الفراخ والبطاطس والباذنجان وقلبى كله مع بعضه وعلى الوش حطى عيش محمص وصونوبر ورشه بقدونس او سماق للتزيين
اسبانس كانت قايله انها بتحط الحاجات طبقات وبتصب عليهم الصوص لكن انا بخلط كله عشان المعلقة الواحده يطلع فيها اكتر من صنف
فتة الشاورما اللى جوزك كلها بقى اعتقد حاجه تانية لانى مرة زمان كلت فتة شاورما عند يامال الشام كانت عبارة عن طاجن ومفروش عيش محمص وعليه طبقة شاورما عادية بتاعة السندوتشات وعليها طبقة رز بسمتى وعلى الوش مكسرات ومعلقتين ثومية وكانت فعلا حلوة قوى


مادو على فكرة كل الاصناف اللى عملتها كانت موجوده فى التلخيص
قولى عايزة اصناف ايه وانا انقلهالك من التلخيص واكتبهالك لو عايزة

مش عارفة يا مى انا مجربتش قبل كده اعملها نص مقلية بس لو طلعت معاكى كده ولسه عندك فى الفريزر ممكن بعد ما تكملى تحميرها تكونى عاملة على جنب صلصة طماطم مضروبة بالبصل والثوم وبعدين حطى فيها البطاطس بعد ما تكملى تحميرها وشوية لحمة مفرومة وبتتاكل بالعيش بتبقى حلوة وكانه طبق جديد
الصبر يارب
الصبر يارب
ازيك يا شيمو انتى بتغطسى وتقبى مع نفسك كده؟ فتة الشاورما يا ستى دى سلطة كانت رواء وسبانش...
طيب ليه التقطيم ده يا نورا أنا بغطس و بقب كده ما نفسي ما إنتي عارفه بقي مشغوليات الواحد من الأوضه للأوضه للمطبخ للصالون مشواير تعبت أنا من كتر المشواير اللي بعملها في البيت :hahaha:
ميرسي يا جميل علي طريقة فتة الشاورمة بس هو لما وصف لي الأكله فعلا كانت التانية مش الأولنية لإن لو كان فيها باذنجان كان مستحيل يأكلها لو حطوله عليها فلوس
و معلش اشرحي الطريقة التانية حتي لو هي مكتوبة في الملف بتاع التلخيص لإن الملف علي الكمبيوتر التاني و الكمبيوتر بايظ مش كسل مني والهي أنا بقي عندي شوية شورما قلت أعمله بيها الفته اللي هو قالي عليها و ضروري تفهميني العيش المحمص بنجيبه أو بنعمله أزاي ؟؟؟؟؟

كمان سؤال بقي يا سكر ( يرشيكي علشان تجاوبي ) أنا عملت سلطة الطحينة اللي كانت أبله دينا كاتبها في ملف اصنعي بنفسك و طلعت كويسة لكن شلت حبه في برطمان زجاج تاني يوم لقيتهم ريحتهم مش حلوة و رميتها طبعا ( أنا مش حطتها في التلاجة تفتكري ده السبب ) بقيت أعمل علي قد الأكله و مش بعمل كميه :mad:
قوليلي أحفظها أزاي ؟؟؟؟؟