الصبر يارب :

طيب ليه التقطيم ده يا نورا أنا بغطس و بقب كده ما نفسي ما إنتي عارفه بقي مشغوليات الواحد من الأوضه للأوضه للمطبخ للصالون مشواير تعبت أنا من كتر المشواير اللي بعملها في البيت :hahaha: ميرسي يا جميل علي طريقة فتة الشاورمة بس هو لما وصف لي الأكله فعلا كانت التانية مش الأولنية لإن لو كان فيها باذنجان كان مستحيل يأكلها لو حطوله عليها فلوس و معلش اشرحي الطريقة التانية حتي لو هي مكتوبة في الملف بتاع التلخيص لإن الملف علي الكمبيوتر التاني و الكمبيوتر بايظ مش كسل مني والهي أنا بقي عندي شوية شورما قلت أعمله بيها الفته اللي هو قالي عليها و ضروري تفهميني العيش المحمص بنجيبه أو بنعمله أزاي ؟؟؟؟؟ كمان سؤال بقي يا سكر ( يرشيكي علشان تجاوبي ) أنا عملت سلطة الطحينة اللي كانت أبله دينا كاتبها في ملف اصنعي بنفسك و طلعت كويسة لكن شلت حبه في برطمان زجاج تاني يوم لقيتهم ريحتهم مش حلوة و رميتها طبعا ( أنا مش حطتها في التلاجة تفتكري ده السبب ) بقيت أعمل علي قد الأكله و مش بعمل كميه :mad: قوليلي أحفظها أزاي ؟؟؟؟؟

طيب ليه التقطيم ده يا نورا أنا بغطس و بقب كده ما نفسي ما إنتي عارفه بقي مشغوليات الواحد من...

لوزة_لوزة :

صباح الخير يا حلوين امبارح عملت خروب و للاسف الطريقة ضربت علي الاخر المقدار كان 1/4 كيلو خروب مجروش مع 1 كوب سكر علي نار هادئه جدا المهم كل شوية كنت بقلب لحد ما السكر مسك في حبيبات الخروب و قفش و اغمق السكر شوي بقيت مش عارفة في المرحلة دي احط الميه و لا استني لحد ما السكر يسيح يبقي زي الكراميل المهم استنيت و بقي كراميل غامق حطيت ميه حوالي1 لتر فقط و سبته يغلي ربع ساعة و طفيت عليه و تركته يبرد ثم صفيته و في الخلاط حطيت سكر شوية كده حوالي 1/2 كوب و حطيت الخروب و خفقت لقيت الناتج ميه بسكر مش خروب الخروب طعمه من بعيد مش عارفة ايه السبب مع ان الوصفة علي ما اتذكر كانت 1/4 كيلو خروب + 1 كيلو سكر + ماء ورد + 2 لتر ميه صح كده و لا ايه ؟؟؟ المهم قررت اشتري النهاردة تاني خروب و اعمله بس بسكر اقل و ازيده علي الخروب المسكر اللي عندي *** السؤال الثاني عايزة اعمل البطاطس الصغيرة المحشية لحمة مفرومة انا شاطرة فيها بس ذقتها مر عند احد اقاربي لقيتها تحفة تحفة تقريبا مسبكه اوي و اتكسفت اسال عن الطريقة انا طريقتي بقور البطاطس و اقليها في الزيت قلي خفيف بعصج اللحم بصلة علي اللحم علي النار ثم اضع طماطم مضروبة و صلصة و مكعب مرق و اتركها تغلي لكن مش لدرجة انها تتسبك و احشي البطاطس و ارصها في صنيه و مش فاكرة بقي تقريبا بحط كوب عصير طماطم و علي الفرن هل ليها طريقة تانيه ؟؟؟ *** ذقت برضو جلاش بالجبنةو الفلفل البادر و الزيتون و كان رائع يا تري حد يعرف الطريقة لاني بعمل الجلاش حلو بس و لا مرة جربت الحادق معلش بتعبكو معايا نورا يا عسل التلخيص وصل 100% ربنا يخليكي يا رب

صباح الخير يا حلوين امبارح عملت خروب و للاسف الطريقة ضربت علي الاخر المقدار كان 1/4...

لوزة_لوزة :

صباح الخير natally تسلمي حبيبتي من بعض ما عندكم ROSHANA مرسي يا جميلة علي طريقة البامية هجربها و اقولك النتيجة فاهمة فاهمة مرسي يا عسل علي الطريقتين للبسبوسه ربنا يخليكي maimnasser شكرا حبيبتي و ان شاء الله هتعجبك جدا **** كان عيد جوازي من كام يوم و عملت تورته في العادي مقادير للكيكة الاسفنجية 2 كوب بيض ( حوالي 10 بيضات ) 2 كوب دقيق منخول 2 كوب سكر المفروض سكر بودره بس انا كنت بستعمل السكر العادي و كيس فانيليا و كيس بيكنج باودر و النتيجة كانت بطلع كويسة جدا ***** رحت بقي ل محل درب البرابرة اللي في ميدان الجامع لقيته بيحط حاجة كده كلها شيكولاته في علب عاملة زي علبة الزبادي و لما سالته قالي ده جناش اشتريت علبه بحوالي 7.50 جنيه و جبت طبعا الشيكولات الخام من عنده و الكريم شانيه بالكيلو و بالمرة اشتريت عجينة السابلية في اطباق كده مغلفة و زبدة المرجرين و كريم باتيسير باودر و سميد بسبوسة و اشترين محسن الكيك علبة زي بتاعت الزبادي قالي تفع 4 تورت و اشتريت من عنده خميرة فورية تركي هو بيقول حلوة بس لسه مش جربتها المهم في الملف اللي فات وجدت طريقة تورته اعتقد انها ل دون 6 بيضات 1 1/4 كوب دقيق 1-1/4 كوب سكر بودره ملعقة فانيليا و ملعقة بيكنج باورد و لو عزاها بالشيكولاته تاخدي 2 ملعقة من الدقيق و تستبدل ب 2 ملعقة كاكام خام **** المهم جربت الطريقة بالاكواب المعيارية و استعملت فانيليا سائلة و استعملت ملعقة بيكنج باودر و استعملت ملعقة صغيرة مليانة محسن الكيك و اضفت رشة ملح علي خليط الدقيق و الكاكاو الخام خفقت البيض الاول درجة حرارة الغرفة و معاه الفانيليا و بعد كده اضفت السكر البودره المنخول و خفقت ثم اضفت محسن الكيك صراحة انا كنت مش عارفة احطه امتي علي الكيكة بس اتصرفت :hahaha: المهم خفقت البيض حوالي 20 دقيقة و بعد كده اضفت الدقيق و الكاكاو البيكنج باورد و الملح ( مخلوطين بعد النخل )ملعقة ملعقة و انا بستعمل في الخلط الاداه الموجوده في مضرب البيض اللولبية علي اقل سرعة لاني جربت مرة اخلط الدقيق بالبيض بالملعقة فشلت و الدقيق ترسب في القاع المهم خلصت و كنت مجهزة 2 صنية مقاس 24 سم طبعا الخليط كان قليل علي 2 صنية بس انا شفت في كتير من البرامج بدل ما اعمل كيكة في صنية كبيرة اقسم الكيكة بالسكينة و احتاس الصنية مدهونة زيت ( انا عارفة انه لابد من عدم اضافة اي مواد دهنية في قاع الصنيه لانه بيساعد علي هبوط الكيك ) بس للاسف بتضطر دائما لهذا الفعل لاني بنسي اشتري ورق زبدة :35: المهم شفت برضو في برنامج اجنبي اننا بدل ما نبطن الصنية دهن( زيت او زبد او سمن ) و دقيق نبطنها ب دهن و بقسماط ليه ؟؟؟ عشان ساعات لما بتخبزي الكيك و تقلبيها بتلاقي بقايا من دقيق التبطين متواجدة في الكيك و بيكون شكلها مش حلو انا بقي جربت موضوع البقسماط ده في كل الكيكات و كان تحفة تحفة :cook: و جربت ارش كاكاو خام علي كيكات الشيكولاته ( في تبطين الصنينه ) و كان برضو رائع بستخدمي الكيك بدون الحاجة للتخلص من القاع بسبب ان فيه بقايا من الدقيق و دخلت الصنية الفرن حتي النضج و الله النتيجة طلعت رائعة تركتهم بيردو شوية و انا شفت برضو شفت واحدة من الاخوات مش عارفة هنا و لا في منتدي تاني قالت ان الكيكة تغطي بفوطة مندية بعد ما تطلع من الفرن بتحافظ علي انها مش تهبط المهم انا جربت الموضوع ده و نجح برضو في الكيكة اللي في صنية واحدة لان ارتفاع الكيك وصل لحرف الصنيه قلبتها علي فوطة نظيفة رشيت عليها مياه بالبخاخة و فعلا النتيجة كانت رائعة بالنسبة للكيك اللي عملتها طبعا الكمية كانت قليلة . بعد 10 دقائق و هي في الصنية ( تركتها تهدأ ) قلبتهم علي فوطة نظيفة مندية و غطتهم بفوطة نظيفة مندية و تركتهم حوالي نصف ساعة الحشوة و اخذت حوالي 2 كوب كريم شانيه باودر و خفقته باللبن و في نفس الوقت اخذت مكعب و نصف من الشيكولاته الخام في حمام مائي لحد ما ذابت اضفت عليها 2 م /ك نوتيلا و قلبتهم حتي اختلطو و اضفت الشيكولاته السايحة بعد ما هدأت شوية علي الكريمة اثناء الخفق شوية شوية لحد ما اختلطت تماما و دخلتها علي الثلاجة علي طول بدأت بتجهيز الكيك وضعت اول طبقة القاع لاعلي بلون الذهبي الجميل من البقسماط و سقيت الكيك بالسفن اب و وضعت جزء من الكريمة و اضفت عليه حوالي 4 ملاعق من الجناش و وزعتهم بهدوء و بشرت شيكولاته خام القليل منها ثم اضفت الطبقة الثانية من الكيك و القاع لاعلي و سقتيها بالسفن اب و وضعت باقي الجناش ليغطي السطح تماما و تركته حتي تماسك شوي و اضفت الكريمة برفق و غطيت الجوانب تماما و جملت السطح بالشيكولاته المبشورة و وردات الكريمة بكيس الحلواني و ان شاء الله غدا انزلكم صورته التورته و ان شاء الله تكونو استفدتو من اي معلومة جيدة في طريقتي

صباح الخير natally تسلمي حبيبتي من بعض ما عندكم ROSHANA مرسي يا جميلة علي طريقة...