بصى يا آية انا معملتش قبل كده بتيفورات بس خليكى فى المضمون بتاع صفاء ام ياسين جربته كهرمانة وقالت عليه حلو جدا فممكن تعمليه مادام حد جربه

صباح الفل

باقوللكم ايه عندي مكرونة بصلصة كتير قوي ينفع اشيلها في الفريزر؟

مرسي يا عسل



بصي حبيبتي بالنسبة لريحة الضأني التتبيلة و طريقة التسوية بتقضي علي الريحة

يعني مثلا لو سلقت اللحمة الضأني دي بقي ملهاش حل عندي ريحتها ضاني 100%

لكن لو في الفرن او مشوي التتبيلة و الخل و الليمون و اي اضافات حمضية بيقضو علي الريحة

انا انا بتبل الريش بعصير و برش البرتقالة لو كمية يعني احط عصير 2 برتقالة و مش بحط ليمون او خل خالص

و برضو البرتقال مش بيكون ظاهر لكن طعم الضاني بيكون مختفي تماما

و ممكن تنقعيها في مية بخل شوية تروح ريحة الضاني



مرسي يا عسل ربنا يكرمك

صنية البطاطس

بتشتري بطاطس صغيرة بتاعت الحشوة و حطيها في الثلاجة لمدة يومين بتطري شوي

و بعديت قشريها و اعملي ليها قاعدة بالسكينة

و قوريها قدر الامكان و بعدين اقليها في الزيت

و بعد ما تقلي تتطلع علي ورق نشاف

و برضو هنقلي الالب اللي طلع منها













و نكون مجهزين لحم مفروم معضج و مضاف اليه صلصلة طماطم و نحضر القدر نحط في القاع قلب البطاطس المقلي في الزيت

و نرص البطاطس و هتقف طبعا لاننا من الاول عاملين لها قاعدة

و نحشيها لحم مفروم انا في المرحلة دي دخلتها الثلاجة لثاني يوم عشان كنت بجهز للعزومة



و قبل ما تدخل الفرن سقتها بكوب عصير طماطم

حطتها علي البوتجاز تغلي و بعدين دخلتها في الفرن في الرف الاوسط و قعدت تقريبا ساعة علي نار هادئة

الارز

استعملت 2 و نصف كوب ارز بستمي داريا

نحضر قدر و نضع فيه بصلة كبيرة مفرية و زيت ذرة و تحمر حتي تصفر

نضيف عليها حبات من القرنفل الصحيح و عود قرفة صحيح و 3 حبة هيل صحيح و ورق لورا و 2 لومي مخرمة بالسكينة

و نقلب لحد ما رائحة التوابل تطلع

نكون مجهزين 1 جزرة كبيرة مقشرة و مبشورة و 2 حبة فلفل رومي بارد مقطع صغير



و نحط علي البصلة الاول الجزرة و نشوح لحد ما المية اللي في الجزر تنشف يعني يمكن 2 دقيقة

و بعدين نحط الفلفل البارد و يشرح برضو 2 دقيقة

و كده البصلة بالخضار بيكون جاهزين

و نكون ناقعين الارز في ميه قبلها ب ساعة في ميه من الحنفيه في الحرد ده هتكون دافية شوية و علية ملعقة صغيرة ملح

نصفي الارز و نحطه علي البصلة و نشوحه زي الارز العادي و نحط المية و نحط مكعبين و نصف مرقة الارز الابيض بتاعت ماجي مفتته ( انا لازم افتتها عشان اضمن انها تذوب بسرعه )

و نحط ميه طبعا تغطي الوجه

انا شخصيا افضل اقلل المية بالذات للارز البسمتي و لو احتاج احط له

عشان اضمن 100% انه يكون مفلفل

و اول ما غلي الخليط كنت مجهزة 1 م/ ص بودرة زعفران ( جبتها من دولة عربية ) في شوية ميه و قبل ما اغطي علي الارض عملت في السطح بتاعه 4 اخرام و صبيت فيه ميه الزعفران و وطيت عليه و حطيت تحته الشياطة

و في نفس الوقت جبت حلة حطيت فيها لوز ني و غليت اللوز و تركته يبرد و تخلصت من قشرته
و هو طري كده مسكت اللوزة ( هههههه اسمي :42:) و بالسكينة قطعتها شريحة رفيعة من ك جنب و بعدين فلقتها من المنتصف و بالتالي اللوزة الواحدة عملت 4 شرائح

و حطيت اللوز في صنيه و دخلته الفرن و كل شوية كنت بحرك الصنية عشان ميلزقش اللوز

و بعد ما تحمر شوي طلعته من الفرن و تركته يبرد و بعدين حمرته في شوية زيت و جملت بيه وجه الارز مع شوية بقدونس

بالنسبة ل ماندرين قويدر

و انتي في شارع المرغني و ماشية رايحة في اتجاه ابو شقرة هيكون علي يمينك هتفضلي ماشية لحد ما تشوفي علي شمالك نادي هليوبوليس هتدخلي يمين و ده هيكون شارع الاهرام اللي فيه سنيما نوماندي و الحرية مول
المهم بعد ما دخلنا يمين هنلاقي علي يمنا برضو البنك الاهلي و هندخل من جنبه يمين اجباري

و بعدين هنمشي لحد ما نلاقي فتحه اول شمالك تتدخلي فيه ( مش تلفي و ترجعي ) و كده هتكوني في شارع الكربه هتفضلي ماشية شويه كده هتلاقي المحل يمينك

يا رب تكون الوصفة سهلة

انا برضو ممكن لما اروح البيت اكتبلك العنوان من علي العلبة و الفروع بتاعته و ارقام التليفون








مرسي يا عسل من بعض ما عندكم

فعلا كان مغامرات و الحمد الله كللت بالنجاح

و شكرا علي اسم الخل البلسمك

انا بحس ان افضل بتيفور من عند ليدام

و طريقة البطاطس موجوده فوق

و اي سؤال انا حاضرة

و علي فكرة ده الحلو اللي عملته يوم العزومة

و دي فرحة في الفرن بالارز و البطاطس

من كام يوم برضو