وردة

ممكن تقط تشوحيها فى شوية زيت وعليها ملح وفلفل وشوية قرفة وبعدين بصل اخضر مقطع صغير

وعليه جزر مبشور وبعدين مبه مغلية وواحدة ماجى وشوية بسلة لو عندك وبعدين شوية رز بسمتى ووطى النار

بقى عندك طبق رز بالخضار والسجق ما حصلش


ممكن تسلقيها بطوله فى مية وملح وحبهان وتصفيها
وهاتى عجين عيش فم اى فرن جنبك

وافردى كل كورة عجين وحطى فيها واحدة سجق بالطول ومعاها شوية فلفل مقطع وجبنة مبشورة رومى او شيدر او موتزريلا
ولفيه مبروم

ورصيهم جنب بعض فى صنية وادهنى وشهم بيض مربوب او لبن وممكن ترشي على الوش حبة بركة او سمسم او زعتر اللى عندك او سادة


وتكونى مولعة الفرن اعلى حاجة اول ما تبدأى تشتغلى فيهم ولما تخلصى دخليه وهما 10 دقايق ربع ساعة بالكتير


وفى الطريقة العادية انا بسلقة فى شوية مية وملح وحبهان
وبعدين فى شوية زيت اشوح بصل وفلفل اخضر وطماطم يتوحوا شوية واقطع عليهم السجق وسيبهم يتشربوا من بعض

يمكن فى ناس تستغرب حكاية انى بسلق السجق

انا استغربت برضه اول ما سمعت الطريقة بس جربتها مرة وما استغنيتش عنها بعد كده

لو تشوفوا المية مكان سلقة بيبقى فيها دسم قد ايه وكل ده بيخش جسمنا

لكن لما بيتسلق وترمى ميتة وتحطية فى اى حاجة بعد كده بيبقى حفيف وظريف

روشانا
سورى يا جميل ماخدتش بالى خالص من كلمه ناجتس
اصلى جربت الكوكى مرة واحد وكانت قطع فيليه ومعجبتنيش
واى حاجه هتعمليها هتبقى احلى منها

بصى زماااااااان كان الشيف شربينى عملها ونقلتها
كان جايب دبابيس فراخ وفرمها +زعتر+روزمارى+ملح+فلفل
بصل مفروم+بقسماط
وعجنهم
وعملهم كور وحطهم فى خله وبططهم
زى المصاصه المبططه كده
وحطهم فى دقيق ثم بيض ثم بقسماط
والفريزر شويه ثم الزيت
كان شكلها جميل بس بصراحه مجربتهاش حسيت ان الطريقه بتكسر الفيتامينات الموجوده فيها
بس ممكن اعملها من باب التغير
وان شاء الله البنات يفيدوكى اكتر

وبمناسبه السجق انا جربت سلقه فعلا شكل الميه وجع بطنى
بس التتبيله طعمها بتروح شويه
اعتقد السوسيس طعمه مش بيتغير بالسلق وبيكون احلى كمان
والسلق اصح طبعا من الناحيه الصحيه لضمان السوى

سؤال لو سمحتم
انتو بتعينو الجوافه ازاى?? فى التلاجه بتبوظ الحاجه
وبره بتبوظ بسرعه
بتعملو ايه؟؟
والبلح الاسمر بيتغسل الاول؟ ولا بنعينه كده؟

حجرب موضوع الورق دا و الواحد ممكن يخسل حجات السلطة مثلا و يصفيها و يشيلها و لو حد عندوا طرق تانية يا ريت يدلني