نانو اضافة لأكلات ام ياسين ممكن تعمليله شوربة خضار بس مضروبة فى الخلاط زى شوربة طماطم وشوربة عدس و شوربة الكوسة وشوربة البازلاء بتكون بعد ما بتسلقى الكوسة ببهاراتها مع بطاطسطاية ومكعب ماجى بتضربيها فى الخلاط وبترجعيها الحلة تانى وبتزوديلها معلقة نشا فى نص كوب حليب وتسيبيها تغلى غلوة فبتكون سميكة شويه زى البشامل الخفيف وانتى بتتحكمى فى تقلها حسب ما يعجبك
شوربة البازلاء طريقتها اهى
فى دى بتاعة بلو روز:
2ملعقة كبيرة زبدة
2 عود بصل اخضر مفروم
2 فص ثوم
1حبة متوسطة بطاطس مكعبات
3كوب بازيلا
2كوب مرق
2م ص ملح
1/4م ص فلفل ابيض
½ كوب بقدونس
1كوب حليب
½ كوب كريمة
للتقديم بقدونس مفرومالطريقه:
- نضع البصل مع الزبده في قدر عالنار ثم نضع الثوم ونحمسهم الى ان تطلع ريحة البصل ثم نضيف البطاطس والبقدونس والبازلاء والملح والفلفل الابيض ونحرك ثم نضع المرق ونتركه لمده 20 دقيقه.
- نضع الشوربه في الخلاط ونخلط الى ان تصبح ناعمه تماما ثم نضيف عليها الكريمه والحليب ونخلط.
- عند التقديم ترش بالبقدونس المفروم.
او فى شوربة البازلاء بالموتزاريلا:هى جابت كيس بسلة مجمدة وسلقتها فى مية بملح وفلفل وبعدين ضربتها فى الخلاط وقطعت معاها كورة جبن موتزاريلا كاملة وضربتهم كلهم فى الخلاط وبعدين رجعتها الحلة وسابتها تاخد غلوة بس افتكر المفروض تحطى معاها ماجى ولا اى مرقة عشان تبقى حلوة
ممكن برضه تعمليله بطاطس مسلوقة ولما تهرسيها تحطيلها كمون وملح وفلفل وبقدونس
او تعمليها بطاطس بورد بتكون ناعمة جدا وسهلة فى الاكل
بتسلقى بطاطس وتهرسيها مع معلقة قشطة او شويه لبن وملح وفلفل وكمون وتبططيها فى صينية وبعدين تجهزى خلصة بصل وفلفل رومى ومشروم وتدبليهم فى نقطة زيت وتحطى الخلطةعلى وش البطاطس وتبشرى عليها جبنة شيدر او رومى او موتزاريلا وتدخليها على شوايه الفرن الجبنة تسيح
بس انتى شيليله الفلفل الرومى عشان ميبقاش قاسى عليه
ممكن كمان تعمليله سبانخ سواء بالصلصة عادى او بتحطى فيها رز مسلوق بعد ما تطبخيها او ممكن تعمليها بخلطة الفطاير وياكلها بالمعلقة او بالفينو
طريقة السبانخ للفطاير هى انك بتجيبى كيس سبانخ مجمده وبتدبلى بصل وفص ثوم مدقوق ( الثوم اختيارى) وبعدين السبانخ وتحطيلها معلقة كبيرة سماق لو عندك وتعصرى عليها لمونتين وملح وخلاص على كده
وممكن قلقاس وتهرسيه وقت الاكل
ولو حبيتى تأكليه سلطة يبقى تبشرى كل مكوناتها بدل التقطيع العادى
والحلويات كله يبقى مهلبيات او رز بلبن
حنان انا بعمل 3كيلو بيكفى اسبوع واحنا كتير
انتى كفاية كيلو او كيلو ونص وعلية قطعة خميرة بيرة وان تعزر هاتى خميرة فورية والماء على حسب العجن