up

الله يا أماني
بسم الله ما شاء الله
رائعه جدا
تسلم إيديك يارب
أعتقد إن عمري ما هعمل زيها أبدا

بقولكم يا بنات
ينفع أعمل الجلاش بالتونه ( كأنها فطيرة بالتونه يعني ) و لا مش هيكون طعمه مش حلو
واذا نفع هل اضيف علي الوش بيضه مضروبه في اللبن و لا أيه ؟؟؟؟؟؟؟؟؟؟؟

بما إنكم مش جاوبتم علي الأسئله ديه
فأنا هضيف سؤال كمان
الدقيق ( سواء بتاع التحمرأو الخبيز ) والردة و البقسماط ينفع اشيلهم في التلاجة بدل ما اسيبهم في دولاب المطبخ ؟؟؟؟؟؟؟؟؟؟؟؟؟؟؟

انا ممكن اجاوب على السؤال الاخير انا بحط الدقيق والردة والبقسماط بتاع البانيهات في الفريزر عشان بيغيب عندي وبخاف يبوظ

الله يسلمك يا شيمو ويا نورا بس ايه الريجيم الى بتقولى عليه انتو بتعملو رجيم من ورايا ولا ايه ؟؟؟؟يا وحشين يالا بسرعه قولوليى من امتى وازاى وفين احسن انا اليومين دول هريا نفسى رياضه لما نفسى اتقطع وخايفه اوزن نفسى ؟؟؟وبعدين ليه يا بت يا نوئه مش بتردى على الرسايل بتاعتى بعتلك على الخاص والعام والدولى والمحلى انو حد يرد ......ابدا ماعلينا بالنسبه لسؤالك يا شيمو عن التونه انتى ليه عايزه تعمليها بالجلاش مش عارفه حاسه ان طعمها مش هايبقى ظريف اقولك على حاجه تانيه ولو انى عارفه انك كسلانه بدليل التورته اللى مش ممكن ابدا تعملى زيها بصى يا شيمو مفيش حاجه اسمها مش ممكن انتى بس حطيها فى دماغك وما تكبرييييييييييش اصل انا عارفاكى من يوم ما الواد عمر شرف وانتى بتتحججى بيه المهم نرجع للتونه عارفه انتى لوتعملى عجينة العشر دقايق دى بسيطه خالص ومش بتحتاج مجهود العجينه دى ممكن تتفننى فيها وتحشيها زى ما انتى عايزه فانتى بتعملى العجينه وبتحشيها تونه مع شطه او زتون او خيار مخلل بتبقى تحفه وتعمليهاكور صغيره او زى القطايف وتسبيها تخمر شويه وبعدين تدهنى وشها بشوية لبن وتدخليها الفرن جميله والله يا بت يا شيمو انتى بس همى كده وجربى وسيبك من الجلاش ولو زنقت خالص ممكن تعملى من الجلاش على هيئة اصابع محسيه تونه واى حاجه من اللى قولتها اوعلى الوش شوية زبده ودخليها الفرن ممكن تبقى ظريفه انا ما جربتهاش بس دا اقتراحى فى القضيه يعنى وبالنسبه للدقيق والرده اه شيليهم فى التلاجه او الفريز علشان ما يبوظوش احسن