نورا فى طريقة للكفتة فى الرابط ده
http://forum.hawaaworld.com/showthread.php?t=1543017

كفتة الجمبري (اكله مصريه رايقه) .. (3635) قراءة

المقادير:

1 كيلو جمبرى

2 بصله متوسطه + 1 كوب رز مغسول و منقوع لمدة ساعتين

6 فصوص ثوم مهروس

بقدونس + شبت + كزبرة ( خضرة المحشى المعتادة )

ملح + فلفل اسود + حبه فلفل حار + قليل من الزعتر + فصين حبهان مطحون
+ نصف معلقه قرفه + ليمونه





الطريقة:

نقسم كيلو الجمبرى إلى نصفين ( النصف الأول حجم معقول و النصف الثانى الجمبرى ذات الحبات الصغيرة )

نقوم بفرم الخضرة مع الجزء الثانى من الجمبرى ( الحبات الصغيرة ) و الأرز و البصل و الثوم و التوابل تفرم جميعها فى ماكينة فرم الكبه

سنجد عندنا مزيج يشبه الكفته ثم نقوم بخلط هذا المزيج مع النصف الآخر
الحجم الكبير و نعجنهم بايدينا حتى يتجانسوا و تشكلى أصابع من الكفته حسب
الشكل المطلوب ثم تحضرى

قليل من الدقيق و تغمسى فيها هذة الأصابع ثم تقليهم فى الزيت و يقدم مع
الأرز





و بالهنا و الشفا

كفتة الجمبرى
________________________________________
نصف كيلو جمبرى مقشر
كوب توم مفرى
كوب ارز
حزمتين شبت
حزمتين كسبره خضراء
علبة صلصه
ربع كوب خل
ملح
كسبره ناشفه
شطه


طريقة العمل:
يفرم الجمبرى / التوم / الشبت والكسبره الخضراء ( فى الكبه وكل حاجه لوحدها )
يغسل الارز وينشر للجفاف ثم يطحن فى الكبه ناعم
يخلط الجمبرى مع التوم والكسبره والشبت والارز ويوضع الملح والكسبره الناشفه والشطه
يعجن الجميع جيدا واذا كانت ناشفه يوضع قليل من الماء او الزيت بحرص لسهولة العجن
يحضر صينيه تدهن بالزيت
تعمل اصابع من العجينه مع بلل الاصابع بالزيت اثناء العمل
ترص الاصابع فى الصينيه حتى تنتهى الكميه
يقدح زيت عميق ويتم تحمير الاصابع فيه حتى اللون البنى الفاتح
طريقة عمل الصوص :
يقدح معلقتين زيت ويوضع فيهم باقى كمية التوم وتقلب للون الذهبى
يوضع الخل ويغلى معاهم نصف دقيقه
توضع الصلصه وتخفف بـ 2 كوب ماء
يوضع ملح وشطه وكمون
بعد الغليان لمدة 5 دقائق توضع اصابع الكفته مغموره فى الصلصه
وتترك للغليان 5 دقايق
وبالهنا والشفا مع رز ابيض وسلطة خضرا
ومساء الفل
(slp)

========================
كفتة الجمبرى بالصلصة
________________________________________
المقادير

¨ 1 كيلو جمبرى

¨ ½ كوب دقيق

¨ 2 ملعقة كبيرة ارز

¨ 2 ملعقة كبيرة بقدونس مفروم

¨ 2 ملعقة كبيرة شبت مفروم

¨ 1 ملعقة صغيرة كمون

¨ 4 فصوص ثوم مفروم

¨ ملح وفلفل

¨ زيت

¨ 2 كوب عصير طماطم

¨ 1 ملعقة كبيرة خل

¨ 2 كوب ماء


طريقة الطبخ

دقى الارز حتى يصبح ناعما .ثم اغسلى الجمبرى وانزعى قشرته ودقيه حتى يلين قليلا.

اخلطى الجمبرى بالشبت والبقدونس والارز المدقوق والثوم حتى تتكون عجينة متماسكة.

تبلى عجينة الجمبرى بالملح والفلفل الاسود والكمون وشكليها على هيئة اقراص .

رشى اقراص الجمبرى بالدقيق حتى يغطى ثم اقليه بالزيت لمدة دقيقتين وضعيه جانبا .

اقلى الثوم المفروم فى الزيت ثم اضيفى اليه عصير الطماطم لمدة 2 دقائق واضيفى اليه ملعقة خل وقلبيه جيدا ثم اضيفى الماء والملح والفلفل واتركيه حتى يغلى.

عند غليان الصلصة ضعى اقراص الجمبرى واتركيه على نار هادئة لمدة 5 دقائق.ثم قدميه


=================

حلوين قوى يا رونى الطرق دى بس ياريت لو حاجه من غير رز لان الرز عايز نقع عشان يبوش وانا معنديش وقت انقع انا عايزة اروح اشتغل فيها على طول

نورا لاقيتلك طريقة اسامه السيد فى كفتة الجمبرى مختلفه شويه ومفيهاش رز ولا بطاطس ويارب تعجبك جربيها
2بيض
5 معلقه كبيره دقيق
2معلقه كبيره ماء
نص كيلو جمبرى مقشر
2جزر متوسط مبشور
ربع كوب بقدونس
ربع كوب بصل اخضر
ريحان اخضر مفروم اختيارى
ملح وفلفل ومعلقه كبيره كمون
يخلط البيض مع الماء ثم يضاف الدقيق وتخلط المكونات حتى يتكون خليط او عجين سائل ويترك على جنب
يبشر الجزر ويضاف اليه الجمبرى بعد تنضيفه وتقطيعه ويضاف البصل الاخضر والبقدونس والريحان والبهارات وتفرم جميع هذه المكونات
يشكل خليط الجمبرى الى كرات صغيره وتوضع فى العجين السائل بحيث تغطى تماما ثم توضع فى زيت غزير وتقلى حتى يصبح لونها ذهبى وبالهنا والشفا