صباح الخير يا بنات
عندى بكرة عزومة على اسماك ووعايزة رايكو فى الاصناف اللى هعملها
شوربة سمك
بقدونسية
باباغنوج
سلطة خضرا مقطعة قطع كبيرة
رز بالجمبرى والكارى
سمك فيليه مقلى
سمك سنجارى فى الفرن
كفتة جمبرى
خبز بالثوم
بطاطس محمرة
بسبوسة
ايه رايكو

ازيكم يابنات عاملين اية

نورا العزومة حلوة بالهنا والشفا بس حاسة ان خبز بالثوم مالهوش لازمة وممكن بدل البسبوسة فروت سلاط او كريم كراميل

وممكن كمان تعملي كوكتيل جمبري شكلها بيكون حلوي قوي

اماني

حلوة قوي الحلويات دي تسلم ايدك

بنات عايزة طريقة كب كيك بالشيكولاتة بس تكون طرية ويريت يكون في طريقتها شكولاتة سايحة او قطع

صباح الخير يا كنزى
البسبوسة انا عملتها خلاص امبارح عشان تتقدم مع الشاى او القهوة وبعد العشا هنحط فواكه متهيألى كده يبقى اوك
وايه كوكتيل الجمبرى كده؟انا هعمل سلطة جمبرى بالخس والمايونيز والفلفل الوان الكوكتيل ده شبهه ولا طبق مختلف؟

بالنسبة للكب كيك اللينك ده فيه طريقة حلوة جدا هى مش كب كيك هى تشبه السابليه او الالكب كيك فودج بس حلوة جدا شوفيها كده

http://www.videojug.com/film/how-to-make-chocolate-lava-cakes

طيب يا بنات كفتة الجمبرى انا بعملها بجمبرى مسلوق وبطاطس مسلوقة وشبت وبصل وثوم وبهارات عادية كسبرة وكمون فى حد بيعملها بطريقة احلى؟