بنات امبارح عملت الكيك ده و كان ما شاء الله روعة
عملت صينية كيك اللى بتبقى مفتوحة من النص
و كمان طلعت شيك جدا لما عملت جزء منها كب كيك صغير جربوها هتعجبكم جدا
بس عملت اضافه بسيطة انى عملتها بالزيت و الصوص زودت عليه معلقة نشا ممسوحة خالص عشان يتقل و عملتها بمربى مشمش عشان ملاقيتش مربى برتقال

http://forum.hawaaworld.com/showthread.php?t=1580681

كتكوتة ماشاءالله العيش الفينو شكله جميل جدا ويفتح النفس ممكن تشيلي اللبابة بتاعته وقت الحشو عشان يبقي خفيف

منمن...ازيك ياقمر بالهنا والشفا كيكة البرتقال دي كيكتي المفضلة بس من غير صوص

شيمو(ام عمر) بما انك كنتي بتسالي عن البيتزا انا برضو بعملها بعجينة شمس وبتبقي حلوة اوي بس حاولي تخبزيها في صاج مش صينية اللي هو حوافها قصيرة وممكن تفردي العجينة بالنشابة برة الاول وبعدين تحطيها في الصينية انا بعمل كدة عشان ابقي شايفة سمكها عشان مش بنحبها تخينة
وخدي بالك متكتريش طماطم عشان بتنزل ماية علي العجينة وبتعجنها وتخليها كانها مش مستوية انا بعمل ايه بقي بقطع الطماطم قطع صغيرة واقطع الزيتون طبعا وبعدين احط الاتنين مع بعض في طبق واحد عشان الملح اللي في الزيتون بيمص الماية واسيبهم اطول مدة كل شوية تبصي عليهم هتلاقي الطماطم نزلت مايتها صفيها بايدك كدة وسبيها وقبل ماتحطيها عالعجينة اعصريها كويس وحطيها اخر حاجة علي الوش قبل الموزاريلا ومتنسيش رشة زعتر خفيييييفة مع الصلصة بيدي طعم حلو

علي فكرة نفس العجينة بعمل بيها فطيرة تونة تغيير بدل البيتزا وبجد طعمها في منتهي الجمال واسهل
بشوح بصلة مقطعة مع فصين توم في زيت بسيط وانزل عليهم بقطع طماطم وفلفل رومي وبعد مايدبلوا انزل بالتوونة بعد ماصفيها من الزيت بتاعها واحدقها ملح وفلفل بتبقي عشا خفيف وجديد

ونفس العجينة بعمل بيها فطاير جبنة ولحمة جربي ان شاءالله تنجح معاكي

بنات النهاردة عملت لقمة القاضى (اللقيمات) بطريقة ميك اب ارتيست بجد ناجحة جدا ما شاء الله ومقرمشة ده الرابط

هتلاقوها فى الرد 243
http://forum.hawaaworld.com/showthread.php?t=1009296&page=13

اهم حاجة ظبطوا الحرارة فى التسوية انا الاول عليت عليها لحد ما الزيت سخن ووطيت للاخر بعد كده لحد ما حطيت العجينة فى كيس بلاستيك وقصيته وبقيت انزل منه العجينة شوية شوية واقطعها بصوابعى (دى طريقة منال العالم) وكل ما اشيل اللى فى المقلاة اعلى الحرارة شوية عشان مش تشرب زيت

كمان استخدمت م/ص خميرة بس ونسيت البيكنج بودر بس الحمد لله طلعت جميلة

وبمناسبة لقمة القاضى عندى سؤال ليه اوقات لما اعمل الشربات (الشيرة) بعد ما تبرد يتكون فيها سكر ؟؟ كده الميه قليلة ولا ايه
انا عملت كوب سكر وكوب ميه وسبتهم يغلوا لحد ما تقلوا شوية وحطيت عليهم فانيليا