بصى يا لولو كوكى (ياريت تقولينا اسمك ) بالنسبه لكعب الغزال بتهيألى هو نفسه طريقة اقرقيش اللى بالعجوه بس بدل ما تعمليها مدوره وفى وسطها العجوه لا تفردى العجينه بتعتك وتطى جواها العجوه على اسطوانه وتلفى العجينه على اسطوانة العجوه زى السويسرول وبعد كده تقطعى الرول ده بالسكينه لوحدات صغيره انتى جربيها بالطريقه دى وشوفى انا عن نسى بحب اعملها كده ودى يا ستى طريقة القراقش بتاعة دينا
قراقيش بالعجوة
المقادير:
كيلو دقيق _3/1 1 (برطمان صلصة فاضى ) سمنة سايحة +سمسم _ زرة ملح _ عجوة _ملعقة كبيرة خميرة بيرة او فورية او قطعة خميرة بيرة قد اليوسفى الصغيرة+1/2 ك لبن
الطريقة :
يقدح السمن على النار نضع الدقيق و زرة الملح فى طبق بلاستيك غويط نصب عليهم السمنة اللى قدحناها و بالراحة بالمعلقة المقصوصة نحركهم مع بعض لحد ما تحسى ان العجينة بردت شوية و بقت حرارتها محتملة لايدك ابدئى اعجنى بأيدك كويس قوى ( الخطوة دى اللى بنسميها بسى العجينة كويس )يعنى تفضلى تدعكى العجينة كويس بين ايديكى الاتنين ضعى الخميرة فى كوب مع شوية لبن دافىء و قلبيها لحد ما تدوبيها كويس ضعى الخميرة المزابة فى اللبن على الدقيق ثم نبدأ العجن باللبن كويس جدا ((( كل ما نعجن اكتر تنجح معانا القراقيش اكتر ))) حتتكون عندك عجينة متماسكة و سابت جوانب الطبق غطيها و سيبيها
نحضر العجوة : نشيل النوى و نفرم العجوة بحتة سمنة ثم نكورها كور صغيرة نجيب العجينة و ناخد منها قطع قد اليوسفى و نكورها و نعمل فيها فتحة فى النص و نحط فيها كورة العجوة و نكورها و نقفلها كويس تانى و نبطط بأيدنا و نرصصهم فى الصاج او الصينية و نتركهم شوية يخمروا ندخل الصينية الفرن لحد ما يستوى و بعد ما يطلع و يبرد ممكن وضعة فى علبة بلاستيك

كل سنه و انتى طيبه يا دينا و رمضان كريم و دايما منوره المنتدى

بنات من فضلكم عايزه طريقة الكيزر المزبووووووطه زي مطاعم الساندويتشات بالزبط زي مؤمن وكنتاكي وغيرهم

انا عملت ميت طريقه وكلهم رووووعه بس الطعم مختلف يا ريت تفيدوني بطريقه مجربه وتدي نفس النتيجه

من فضلكم يا بنات حد يقول لى ازاى اعادل مقدار الخميرة الفورية بالخميرة الطازة 0خميرة البيرة واحد ملعقة صغيرة خميرة فورية بتساوى كام خميرة بيرة من فضتكم ردوا عليا ضرورى وشكرا

قطعة بمقدار حبة عين الجمل