اسراار الدعاء في السجود

مرحبا :)

بنات في الحديث اقرب مايكون العبد من ربه وهو ساجد .... فقمن ان يستجاب لكم
ماني حفظته زين بس المهم فقمن تعني فحري
مره وحده تقول اذا بغيت شي اقعد اسبوع كل ماسجدت
دعيت فيه ويتحقق سبحان الله
طبعا هي اسبوع انا انتي يمكن يوم يمكن سجده يمكن شهر
يعني لاتقيسين عليها بس اوضح لكم يعني
ووحده قالت لي ان عمرو خالد يقول كانو الصحابه يحددون اشياء بيدعونها
بعدين يختارون منها واحد او اثنين او ثلاثه يلحووون فيها
لاتحققت بدوا بالاشياء الثانيه يقول كل ست شهور محددين دعوات
شرايكم نبدى من اليوم ندعي بالسجود ونحدد شي والا ثنين بس
هي فقط لان انا الاحظ ابغى اشياء واااجد واذا جلست ادعي اطووول
بعدين استغفرالله اصير اذا جيت ادعي اشيل هم واكنسل
بعدين فكرت قلت ادعي بشي واحد والح لين يتحقق احسن من ادعي
بعشرات الاشياء من قلب لاهي وبسررعه عشان يمديني اخلص
وجاني فتره حاولت اطبقها حددت شي واذا جلست ادعي يجيني
ابليس يقول يالخبله زودي يمكن ساعه استجابه قولي كل اللي تبين
واقعد ادعي وادعي ونفس الشي صرت استثقل الدعاء
فانا قررت اقف مع نفسي وقفه جاده حتى لو يجيني ويقول كذا ماراح
ادعي الا الدعوه اللي محددتها حتى لو ساعه استجابه ان قبلها ربي خير وبركه والباقي بعدين
شراايكم نبدى من اليوم انا وانتم وحتى لو مستثقلين كل سجده حددي مثلا السجده الثانيه من كل ركعه او السجده الثانيه بكل ركعتين وكذا اللي يريحك
وطبعا ماننسى شروط الدعاء الثناء ع الله والصلاة ع الرسول
وانصحكم بالثناء اللي نزلته عن محبة المجاهدين اللهم لا يبلغ مدحك ...الخ
واذا ماتبين بعد كيفك اثني ع الله بطريقتك وبس
اللي يعجبها موضوعي ترسل لي ولاهلي دعوه بظهر الغيب :)