مساء\ صباح الخيرات عليكم كلياتكوم..
راح اقولكم عن اسرار عنايتي بشعري ..
من منكم تبي شعر طويل ولامع وكثيف وناعم ؟؟
اكيد كلكم وانا اولكم بعد ..
الشعر لابد له من عنايه داخليه وخارجيه زيه زي الجسم عشان النتيجه اللي تكون مثلا ب 3 شهور تطلع بشهر ونص ..
لازم داخليا وخارجيا لازم ..
اول شيء عن نفسي انا اعاني من نقص فيتامينات وحديد وفيتامين د
كلها عوضتها بالفيتامينات طبعا تحت اشراف طبيبه..
واضفت عليهم فيتامين البيوتين لان شعري صار يتسااقط خاصه بعد رمضان ..
عموما لابد انكم تسوون تحليل عشان العنايه تكون متكامله وانا اقصد اللي عندها تساقط وجربت كلشيء ولانفع معها لابد تحليل
عموماا ..
العنايه تنقسم ع كذا مرحله بس لابد من الاتي:
اختيار شامبو وبلسم ومعالج جيد خالي من السيلكون ..
اختيار زيوت طبيعيه معصوره ع البارد
ماء الشطف للشعر يكون نقي يعني مو من الدش لا يكون مثلا عندكم بطاسه مااء نقي زي مياه المعباه وخلو اخر شطفه للشعر تكون هي عشان مايترسب الاملاح بالشعر واعني الاملاح الموجوده بالمويه العاديه..
اول شيء الشامبو انا استخدم شامبوو سو فاست
والبلسم من نفس الشركه برضوا اسمه سو فاست
المعالج للشعر او حمام الزيت هو مايونيز البيض
كلهم جميلين جدا جدا وخاصه المايونيز فعلا يعالج الشعررر لانه ببروتين البيض ومعروفه فوائد البيض للشعر ..
نجي للزيوت ..
انا استخدم زبدة جوز الهند اذوبها مقدار كاس 300 مللتر بالميكرويف واضيف لهاا علبه من زيت كيشور الهندي
احطهم بعلبة زجااج واذ1 ابي ادهن شعري اسخنه وانا مخصصه لي فوواحه احط براسها الزيت واشغل الشمعه حد مايكون دافي ثم ادهن شعري فيه
السر مو بهالشيئين بس لا طبعاا
السر هو اني لمن ادفيه اضيف له 6 كبسولات زيت سمك القد ..
طبعا اثقبه بدبوس نظيف وافرغ الزيت معهم بتكون ريحته سمك تلوع الكبد بس شويات وترووح ..
اركز ع الجذور واسوي مساج ابوي دقيقتين ثم اوزع الباقي ع الشعر كله والاطراف احط عليهم بعد يعني كل الشعر يجيه زيت ..
اغطيه بكيس او طاقية الشعر والف عليه منشفة واتركه ساعتين فقط لا اكثر ولا اقل ..
بعدها اتسبح بالشامبو اللي عرضته فوق ..
هذي الطريقه سووها اول اسبوع كل يوم بعدها تكون 3 ايام بالاسبووع ..
اول شيء تلاحظوونه الشعر صار نااعم وفيه لمعه وبعد الاسبوع الثالث بيطلع البيبي هيرر ..
واللي تستشور شعرها كثير او تليسه بيفرق معهاا كثير..
نجي للشيء الثاني من عناية الشعر وانا اعتبره مهم جداا ..
وهالطريقه ماتصلح للي يبون يصبغون شعورهم او اللي بشعورهم صبغه لان فيها حناا وسدر ..
المكونات: تحطون في طاسه 3 ملاعق كبيره حنااا مطحون
3 ملاعق كبيره سدر مطحوون
نص حزمه جرجير مطحوونه بشوي مهوي تكون زي المهرووس مو سايله ..
انبوله وحده من انبولات ايفا بالصبار
ملعقه خل تفاح طبيعي
ذرة قرنفل
ذرة قرفه مطحونه
ملعقه وحده حلبه محموسه ومطحونه عشان الريحه ماتكون واضحه
تخلطونهم جميعاا ..
وتغطون الخليط هذا ع جنب ساعه او ساعتين ..
قبل الاستخدام تضيفون لهم صفار بيضه
وملعقه زيت الخروع ..
الطريقه ..
ادهن شعري بالزيت اللي قلت زيت جوز الهند وزيت كيشور ..
ثم ابدا اوزع الماسك ع الجذور لين الاطراف واغطيه بكيس ثم الف عليه منشفه او طرحه ،
بعدها بساعتين اتروش بالشامبو اللي قلت ..
واحط بعده مايونيز الشعر اللي سبق وتكلمت عنه ..
الطريقه هذي اول شهر 3 مرات بالاسبوع وبعد الشهر مرتين بالاسبوع ..
والشعر راح يكوون ولا اروع صدقوني والله ان الشعر يبدا يطلععع ويكثف والشعر تكون متينه والتقصف يروووح والمعه لااله الا الله بس راح يكون مرايه ..
واي استفسار لايردكم الا الكيبورد
فمان الله
وكريم جوز الهند
في منه هنا في السعودية?