اسفه على التأخير .. العوده للوطن

السلام عليكم و رحمة الله و بركاته
اسفه على التاخير الخارج عن ارادتي .. بس من جد ما عندي وقت .. و لا كي بورد عربي .. لكن الحين صار عندي كي بورد عربي .. و الله يسهل الوقت ..
كنت واعدتكم .. عن موضوع يخص العوده للوطن .. انا مثل ما تعرفون راجعه من مده قريبه .. و احب اشارككم مشاعري و المواقف الي واجهتني ..
بس عندي طلب .. يا حلوين يا بنات حواء .. ما ابي انتقاد .. ترى مو ناقصه .. يكفي الناس الي هنا .. الي ذابحيني نصائح و انتقادات ,, كأن عمري 5 سنوات و ما اعرف شي ..
الشي الثاني .. كلامي ما فيه سب لمجتمعنا قد ما فيه فضفضه .. و أكيد .. كثير راح يقولون .. يا زين البلد ايا كان .. و انا اقولها بعد .. الواحد ماله غناة عند ديرته .. و اكيد ما كنت احب اعيش حياتي في امريكا طول عمري .. بس الواحد اذا صار له نظام معين لسنوات و فجأة تغيير ... يكون صعب ..

راح ابدا بكلامي عن المجتمع .. ما ادري ليش ,,, احس بخنقه اول ما جييت .. اذا شفت الناس و نفسياتهم و قل احترامهم لبعض .. و الحوسه الي في مدنا .. يضيق صدري ..

مثلا ... ما فيه احترام للمرأه .. لا تقولين الاسلام كرم المرأه .... ادري ادري .. انا اقصد المجتمع . ما ادري ليش .. في امريكا لي صلاحيات كثيره .. فيه مشكله اتصل على الشركات ادبر عمري .. ارسل رسائل .. و ما اقول لا احد ينقد علي . عاااادي .. ادير اموري بنفسي .. عيالي عندهم موعد دكتور .. عادي اتصل اخذ لهم موعد اروح اوديهم .. اروح للصيدليه اجيب ادويتهم .. اذا ما وديتهم لدكتور امر الصيدليه .. و اشتري العلاج الي من دون وصفه .. اشتريه و انا مطمئنه .. ليه ؟؟؟؟ لان كل التعليمات عليه .. موضح كل شي حسب الوزن ... ادري ان هذا العلاج مو خطر لانه من دون وصفه .. هنا ..... يووووووووووووووووه دوخه .. اولا .. اذا تعب احد عيالك ... لازم تترجين احد يوديك .. اما زوجي .. و اذا زوجي مشغول .. اصبري و لا اتصلي على احد يوديك ... احس كأني معاقه .. ما اعرف ادبر اموري الا بأحد يوديني و يجيبني .. و الصيدليه .. اذا رحتي عاااادي ممكن تأخذين الي تبين اي علاج يعجبك لونه خذيه .. مضاد و لا مو مضاد ... بوصفه من غير .. عااااااااااااااااااااادي و هذا الشي يخليك ما تدرين .. وين العلاج الامن و المناسب ..

اول اذا نقص بيتي شي رحت اجيبه الحين .. ااه بس .. اصبر لين ما يفضى زوجي .. و اذا فضى لين عندي 5 مشاوير .. شي ابي ملابس لعيالي .. شي اغراض للبيت .. شي .. اغراض للشغاله .. و طبعا اذا فضى زوجي يكون فاضي لمده محدوده .. و لازم اختار المشوار الاهم من بينهم و اجل المشاوير الباقيه .. الى اجل غير مسمى .. و على بال ما يجي الاجل الغير مسمى .. يكون طلع لي 5 مشاوير ثانيه .. !!!!!

.. و اذا سافر زوجي .. عيييييييب اقعد في البيت لحالي ... مشكله .. كأني من جد معاقه .. او مختله و ما اقدر ادبر اموري ... !!! يا ناس انا زوجي كان يسافر و انا بأمريكا ,... و اقعد لحالي ما يضر , عادي ... .. لااااااااااااااااااااااا
بامريكا غير ؟؟؟؟؟

باختصار احس بنظره دونيه للمرأة ... احس انهم يعاملوني و كأني طفله .. كنت هناك اسوي كل شي بنفسي الحين ... لا
حتى السوبر ماركت اذا نزلت من دون زوجي بدو الهنود يلاحقوني يبون يدفون عني العربيه ... هو ... عسا ما شر .. اعرف ادفه .. خير ...
و الله ما ادري ايش اسمي هذا زود حشيمه ولا .. شي ثاني .
يمكن المشكله ان المرأه مرفهه زياده عن اللزوم .. و حنا ما تعودنا .. ؟؟؟ ما ادري

هذا الجزء الاول و كل جزء راح اتكلم عن موضوع معين ياليت الي رجعو يعلموني بس انا الي احس كذا و لا هم بعد مثلي ..
المره الجايه راح اتكلم عن المواصلات ,,, يعني طريقه سواقه الناس في الشوراع .. و عن تعامل الناس مع بعض في الاسواق ..
.. ابي تعليق ,,, و ابي ارائكم .. حسب تفاعلكم راح اكمل ..