رنا
:)

starwberry
مشكوره اختي على الدعوه

حمرة الورد
ما شاء الله ترى الترجمه من اصعب الاشياء الي الواحد ممكن يسويها و تدل على قوة اللغه
اما between the lion انت رهيبه .. تصدقين ما جا في بالي اتابع هذه الاشياء لما كنت اتعلم لغه يمكن لانه ما كان عندي اطفال في ذاك الوقت .. بس فعلا اتوقع انه فكره مرره حلوه لانهم يعلمون حتى السبلينق
و موضوع شركه التنظيف جربيها منتي خسرانه و ممكن تخلينهم يجوون مره بالاسبوع و لا مره كل اسبوعين و لا مره كل شهر .. يعني انت و حاجتك .. بس المدن تختلف و الخدمات تختلف ان شاء الله تكون الاسعار معقوله عندكم
مشكوره اختي على مرورك و متابعتك

يا هلا بالغالية .

صحيح الترجمة مهمة مرة عشان لاتفقدي العربي .. وتعرفي معنى لكل جملة لانه مرات احس انه في كلمات مالها معنى بالعربي .. بس لازم يطلع لكل الجملة معني ..

وتعرفي اصعب شي اسويه اني اترجم في نفس وقت المحاضرة . يعني لازم اسمع واترجم بسرعة ..

جربت اني اأجل الترجمة لبعد المحاضرة لقيت نفسي نسيتها ههههههههه :) يومها قعدت أضحك على نفسي ضحك ..

وفي أخوات قدرت اترجم لهم وهم يتكلموا عشان يقولوا جملة ويوقفوا وغيرهم مستحيييييييييييل لانها تتكلم بسرعة والجمل ورا بعضها ..

دحين الترجمة على مستوى صغييييييييير وضيق .. لوحدة سعودية جديدة .. محاضرات ودروس الاخوات في المركز الاسلامي ..واليي مخليها سهلة ..انه اصلاً المحاضرات فيها كلام عربي وأغلب المصطلحات مألوفة بس انها تنقال بلهجة مكسرة .

من أول مابدأت اتكلم انجليزي فكرت في الترجمة .. وكتير اتلقف واترجم واليي ما انساها في ايام الحج شفت هنود بيشتروا من السوق ..ومرة تانية شفت امريكان ..وفرحوا مرة عشان ترجمت لهم ..

عمرك جربتي تترجمي؟ مرة حلو ..لها احساس وطعم خاص .. والاحلى لما تلاقي في السعودية احد يتكلم معاك انجليزي ..

مرة رحت مع اخت زوجي لعيادة اسنان وكان الدكتور سوري .. لاحظي الطب في سوريا بالعربي ..رهيب صراحة .. وقعدت اتفلسف على الدكتور على شغل السن وموعاجبني وهده مهي حشوة طيبة .

وكانت اخت زوجي تبغى تخلع سنها وطووووووووووووووووووول مرة وانكسر السن .. وهدا شي عادي يصير كتير .. المهم يمكن قعدنا 3 ساعات . مسكينة انا تعبت ..

قبل لانخرج الدكتور قالي صراحة بهرتيني ..معلوماتك مهي حقت انسانة عامية ابداً ..قامت ممرضته قالت له وانجليزيتها (ذا بست ).. وانا مرة انبسطت معاها وهاتك يارغي .. وكانت اول مرة اخت زوجي تسمعني اقرقر بالانجليزي ..

لما قلنا لزوجي ..قالها تلاقيها تتكلم انجليزي احسن من الدكتور نفسه ..

حاسة اني طولتها وهي قصيرة ..وخليت الموضوع تشات ..

المهم اليي ابغى اوصله .. يامغتربات لاتفوتوا فرصة اللغة عليكم ..

وشكري الجزيل للغالية الهندية اليي فتحت لنا الموضوع عشان نطلع فيه مواهبنا ومخاوفنا وهمومنا وكل ماكان يجول في انفسنا ..

حمرة الورد
هلا بك اختي
ماشاء الله تبارك الله .. اجل لغتك ممتازه ..
اما اني جربت اترجم يمكن بس مرة او مرتين .. انا مو شاطره بالترجمه مره اجلس ساعه افكر بكلمه مناسبه و لها نفس المعنى .. حتى لما رجعت عرضة علي وظيفه مترجمه و ما قبلت لاني احسها وظيفه صعبه .. يعني سهل تتكلمي انكيزي بس صعب تترجمي لانه فيه مرادفات كثيره .. بس الناس قدرات ..
مشكوره اختي على تواصلك معي و متابعتك للموضوع

هلا رنا
35 دولار لساعه .. ابدا مو غالي .. لانه لا يمكن تلقين ارخص اتوقع .. لكن اذا حسبتيها و خليتهم يجونك كل اسبوعين مره راح تلاحظين انك تدفعين بالشهر 70 انا احس انه مبلغ معقول و يريحك كثير .. خصوصا اذا كنت تكوين الملابس كل اسبوعين مثلي .. يعني هم ينظفون و انا اكوي و ما يخلصون الا و البيت نظيف و الملابس مكويه
انا في البدايه كان المبلغ 35 و بعدين جتني شركه ثانيه و كان السعر 80 للزياره و الزياره تجلس ساعتين يعني 40 لساعه
انا للامانه ما صرت اجيبهم الا السنوات الاخيره يعني السنتين الاخيرات علشان الحمل بس بعد الولادة خلاص جربت الراحه و استمريت معهم حتى رجعت

اما سلبيات الغربه .. فا كثيره و ان شاء الله راح ارجع واكتب الي اتذكره ..