الهنديه :

الجزء الرابع هلا فيكم الحين ودي اتكلم عن الزوج !!! هاه متحمسين شوفو اولا لا تتوقعون انك زوجك راح يخف عليه الضغط و يكون فااااضي و ما عنده الا دوام الصباح و بعد كذا تمشيه طووول اليوم .. لا لا لا انا بصراحه كنت اتوقع انه راح يكون كذا .. و انصدمت بالواقع .. شغل زوجي ما فرق كثير عن امريكا .. هنا عنده تحضير و تصحيح هذا غير طبعا الامسؤوليات العائليه و الاجتماعيه .. نرجع نذكر انه هو مسؤول عن كل مشاوير البيت .. لاني ما اقدر اطلع و اخلص اشغالي بنفسي .. بصراحه الفرق الوحيد الي تغير فيه انه صارت نفسيته افضل لانه مو هو الطالب الحين .. بس اكيد زادت المشاكل من رجعتنا ليه لاننا نحاول نحط نظام للعائله من اول و جديد .. نحاول نكون الاساسات .. نحاول اننا ما نوطد علاقتنا بالمجتمع على حساب علاقتنا باطفالنا .. هذا طبعا غير توزيع المسؤوليات ووضع الخطوط الحمراء الي المفروض ما نتجاوزها سوا من امور متعلقه بالوقت او الصرف او حتى العبادات نحاول نتمسك بالصح و نترك الغلط .. بس احيانا يكون هو غير رأيه في بعض الاشياء الي كنا نحسها انه غلط صارت بالنسبه له قابله لنقاش .. او حتى غير قابله للنقاش لانه غير رأيه .. و انا نفس الشي .. بعض الاشياء كنت اقول لايمكن تصير بعدين من رجعتي بدت تتغير بعض المفاهيم .. و هذا يشكل ضغط على علاقتنا .. و من ضمن الاشياء الي لازم تحدد المكالمات مين الي لازم نكلمه يوميا و مين الي لازم نزوره كل اسبوع او كل شهر .. يعني ما شاء الله العائله كبيره .. و من هنا تجي مشكله الوقت و بصراحه اكبر مشكله راح الي يرجع للرياض و خصوصا اذا كان عايش بمدينه صغيره هي زحمة الشوارع فا يخلص اليوم و انت يادوب خلصتي شغله و حده او شغلتين .. و طبعا اذا انت تأثثين الخيارات جدا كثيره و هذا الشي يضيع الوقت اكثر ... الظاهر اني قلت كل الي في خاطري عن السلبيات .. و اذا تذكرت شي راح ارجع و اقوله .. لكن الحين ودي اقول بعض الايجابيات .. علشان اكون منصفه .. مع اني اتوقع ان الايجابيات كلكم عارفيه و ما يحتاج تذكر .. من اهم الايجابيات هي الاستقرار: تبين تشترين شي عااادي ما تتحسفين فيه تأخذينه للبيت الثاني .. تبدين فعلا تفكرين بالاستقرار اما بشراء بيت او بناء بيت . تبدين تلاحظين االناس ايش حاطين في بيوتهم و تأخذين افكار الدين: فعلا سماع الاذان شي مره حلوووووووووووو مو بس لي يسعدني ان عيالي يسمعون الاذان و يكبرو على صوته .. بس للامانه و للاسف عباداتنا هنا تقل .. ليه .. لضيق الوقت .. يعني بامريكا اول فيه وقت فراغ اكبر كثير من هنا .. كان عندي وقت اقراء قران و اخلص يوميا جزء .. الحين لا دوب صفحتين .. بس رمضان في السعوديه له طعم .. ثاني .. الكشخه: فعلا بالسعوديه تحسين انك انثى .. تتلبسين و تحطين مكياج يوميا تقريبا ما تطلعين الا على (سنجة عشره) هذا الشي فعلا يحرك شي داخلي فيك تحسين انك انسانه مختلقه .. المطاعم: فيه احد يبي يزورك .. بس سوي قهوه و شاهي .. و كل شي من بره و بأرخص الاسعار .. فطاير حلويات عشاء و لا احلى ... و مع وجود الشغاله .. تكونين بس متفرغه انك تلبسين و تلبسين عيالك .. هذا غير انك مو بحاجه انك تسألين عن الاكل اذا فيه خنزير و لا كحول ... عمار يا السعوديه الاهل: شوفت الاهل اكيد حلوه بس الاحلى انك توطدين علاقة فيهم .. يعني احس مع البعد الفتره الي فاتت كنا رسميين مع بعض الحين لا .. دخلت في مشاكلهم و صارو يشتكون لي و يستشيروني .. و هذا الشي فعلا حلو السند: فعلا تحسين ان لك سند هنا .. يعني بدل الشخص عشره ممكن تتصلين و تطلبين اي شي اذا احتجت .. طبعا هذا غير الخدمات الثانيه مثل انك تودين اطفالك لهم اللغه للاطفال: يا سلام عيالي صارو يتكلمون عربي ,,. لا مو بس عربي فصيح لا و عربي بالهجات ,, يعني بنتي تقول لابوها قبل امس .. (فيه ايه يا جميل) صارت تتكلم مصري !!! شي مسعدني فعلا انها تحس بالانتماء .. الاسواق: رائعه و من كثرها الا ما تلقين الي تبين .. كل شي متوفر بشكل غير طبيعي .. تبين رخيص موجود تبين غالي موجود .. بس يبيلك فتره علشان تعرفين وين تروحين .. بس اذا عرفتي المحلات ارتحتي اي اقول بعد .. المميزات ما تخلص و الكل عارفها .. الله يخلي لنا ديرتنا و ما اقول الا جنه جنه جنه سعوديه وطنا يا وطن يا حبيب يا .... ما ادري وش الباقي ما امداني احضر عروس واجد

الجزء الرابع هلا فيكم الحين ودي اتكلم عن الزوج !!! هاه متحمسين شوفو اولا لا تتوقعون انك...