شماليه
هلا اختي هذا بس من طيبك
مشكوره على مرورك

حمرة الورد
اختي لا تتحسبين على اخوي هو قالها يمزح ..
الشي الثاني مجتمعنا هنا يحس انه اي واحد يفكر بفكر جديد حتى لو كان الفكر هذا ما يتعارض مع الدين يتكلمون عنه و كأنه مرتد .. استغفر الله .. و هذا احد الاسباب الي خلت مجتمعنا كذا انه منغلق و ما يقبل الجديد و لا حتى يبي يسمع فيه .. و هذا الي مخلي شبابنا للاسف اما متشددين الى درجة التطرف و تكفير الناس او الانفتاح و الانحراف الزائد .. قليل ما تلقين الوسط للاسف .. خصوصا عند الشباب المراهقين
الشي الثاني المجتمع ما يقبل انه نقول ان المرأه مهضومه الحقوق .. لانه على طووووووووول يفكر انك تقصدين انه الدين الاسلامي هو الي هاضم حقوقها .. مع انه هذا مو صحيح .. احد ابسط الامور الي ما فيها مساوة بين الرجل و المرأه مع ان الدين مساوي بينهم هي العلاقات المحرمه بين الجنسين .. الي تصل للزنا .. الرجل عادي ممكن يسويها و المجتمع يقول كل الشباب كذا .. ممكن الرجل يكون زاني و هو محصن و يقال لزوجته اصبري يمكن ربي يهديه .. لكن الزوجه او المرأه حتى لو هي مو متزوجه قتل مع انه حده الجلد فقط .. سبحان الله .. بس انتي لو تفكرين انك تطرحين هذا الموضوع للنقاش حسو انك توافقين ان المرأه تقييم علاقات .. ما يحسون انك ما توافقين ان الرجل يقييم علاقات .. يعني يفهمونك بالمقلوب .. اشياء كثيره جدا .. يعني مثلا هل تعارض الدين في شي
معرفة اسماء النساء اكيد لا و كثير من العوائل تحس هذا الشي عيب
هل يعارض الدين في شي ان الام اذا ركبت السياره مع اولاده الرجال تركب بالمقعد الامامي و ابنائه (الرجال) يركبون بالمقعد الخلفي
اقول شكلي اسكت احسن لاني دخلت في مواضيع يطول النقاش فيها
عموما مشكوره على مرورك

ست الحسن
هلا بك اختي .. لااااااااااا مره بعيده الي تطالبين فيه احنا خلينا على الاساسيات و عسى نحصلها .. لكن ان لقيتي طريقة تقنعين زوجك انه يساعدك ما يمنع انك تفيدينا
اسعدتني مشاركتك


مرة الدكتور
هلاا و الله و سهلا الله يبارك بموضوعي الي خلاك تشتركين بالمنتدى الي ان شاء الله ما راح تلقين فيه الا الخير و راح تقولين ليتني مشاركة فيه من زمان
11 سنه غربه ميب سهله .. الله يعينك على العوده .. بس كل شي يهون ..
اما ان الايجابيات كماليات .. لا مو كلها .. الشعور بالاستقرار مو من الكماليات ,, لما تمشين بين الناس ما تحسين شكلك و لبسك شاذ .. هذا مو من الكماليات ..لما تأكلين مره من دون ما تسألين اذا الاكل فيه لحم خنزير مو من الكماليات.. التحدي الحقيقي انك تنقلين الترابط الي بينك و بين زوجك و اولادك للمجتمع و تحافظين عليه . اذا قدرت تحصلين على الاثنين راح يكون اكبر انجاز .. و راح تحسين بالفرق .. الغربه حلوه بس لمده بسيطه يعني التغيير حلو بس مو الهجره .. تخيلي انك مهاجره .. اتوقع نظرتك للحياة راح تتغير , انا ما الومك انا كنت مثلك و ما زلت فيني مشاعر متضاربه لايام الغربه .. اول ما جيت كل ما اشوف فلم امريكي و اشوف شارع يشبه شارع بيتي اصيح ... مره كنت اتفرج على فلم و يصورون السياره تمشي بشارع كأنه طريق سفر ,.. و دمعت عيني تذكرت طريق كندا هي ايام حلوه بس يمكن لو طالت اكثر راح تصير ماسخه .. خصوصا انه اكثر المتغربين الي هنالك رجعو فالواحد يحس فعلا بالغربه الحقيقه من دون معارف .. الله يهون عليك رجعتكم و يرجعكم على خير و يخلي لك زوجك و عيالك ..
و نورتي المنتدى ..

manlola
هلا فيك اختي .. فعلا الناس ينفون عنهم هذه الاشياء لانهم يخافون من مواجهة المجتمع .. هذا فعلا نفس الي اقوله .. للاسف المجتمع يخاف من التغيير لانه في باله اي تغيير اذن فيه انفتاح اكثر و يمكن خروج عن تعاليم الدين .. و كأن الناس فعلا ملتزمين بالتعاليم الصحيحه .. ياليتهم يلتزمون بأبسط التعاليم الاسلاميه .. مثل اماطة الاذى عن الطريق .. الا هم الي يحطون الاذى و هم يضحكون .. للاسف

ست الحسن
ايووووووه هذا الي اقصده ..
للاسف الشديد
الله يهدي الجميع

السلام عليكم

ياهلا والله بالهندية
اسفرت ديارنا وانورت واستهلت وامطرت

جيتي على الجرح كانك تحكين معاناتي :D

وتوك بالبدايه شوفيني صار لي سنه وزياده وما حسيت بالاستقرار الى الان

وما اقول الا الله يعينا ويصبرنا على ما بلانا :angry:

واعتذر من اخواتي بهذا الملتقى من تقصيري بحقهن وما هذا بيدي ولاكن ماتركت متابعتكن :39:

سلام الله عليكم

مع خالص حبي واحترامي لكم

حيا الله الهنديه

اسفررت وانووورت

مشغووله اللحين بطبخ الغداء"وحدة ماعندها شغاله":)


لي تعلييق على بعض النقاط اذا سمحتي لي عزيزتي..

***************************

حنيني

الله يبارك بالهنديه اللي خلتك تطلين علينا...لاتحرمينا من ابداعاتك

فعلا يالهنديه فيه اشياء كثيره ودنا تتغير مثلا نكون منظمين ونحترم بعضنا البعض ونقلل من هالكماليات اللي ماجابت الا وجع الرأس اما اللي قالوا ان المجتمع قليل فيه الوسط اما متطرفين او متساهلين فالله يسامحهم فقط ينظرون لمن حولنا من دول الخليج نختلف تماما عنهم وهذا رأيته في بلاد الغربه ووالله انهم يغبوطونا على النعمه اللي حنا فيها نحترم ازواجنا نهتم بحجابنا معتزين بديننا والله انهم سووا لنا مسابقه مشتركه بين دول الخليج في اتحاد الطلبه حق الكويتين وطلعوا السعوديات جدا مثقفات وحتى وحده قالتلي وهي متحرره ياحظكم رجاجيلنا ماينعطون وجه يوم سقنا صار كل شئ على رؤسنا حتى السواق ماتخلينا عنه عشان يودي امنا العيوز ويجيب اغراض البيت !!!! لذلك رجاء من بعض الاخوات لاتطلق الكلام هكذا مثل الببغاء ولتنظر لمن حولها شوي شوي الى ان مسخ الدين والعياذ بالله وانا متغربه الان واذا رأيت من تأثرت بالغرب والله اني لاتحسر لكن السعوديات يارب لك الحمد نادر من تأثرت وهذا يدل على ماذا لكن لاندري ماذا ينتظرنا مستقبلا لان المجتمع بدأ يتأثر . اللهم اننا نعوذ بك من الفتن ماظهر منها ومابطن.