اليحن نبدا في موضوع ما ذكرته قبل و هو من السلبيات للاسف
في امريكا اذا تبين تدورين بيت ادخلي على النت و اكتبي المنطقه و المواصفات الي تبين و يطلع لك الخيارات .. او حتى فيه كتيب يوزع عن السوبر ماركت فيه الخيارات الموجوده في المدينه .. هنا .. لاااااااااااااااااااااااا
لازم تدورين على كل مكاتب العقار ,, و طبعا الكل يداوم على كيفيه هذا نايم العصر و ما يفتح الا المغرب و هذا اليوم ماله خلق يدام و المصيبه اذا شفتي محل عقار فاتح و جلستي ساعه تدورين موقف و بالاخير صار فيه هندي يقول انا ما فيه مالوم .. !!! كفيل ما فيه اليوم ؟!؟!؟!؟!
اخ بس
و بعدين لقيتي مكتب و قال ايه انا عندي بيت .. تعالي عاد شوفي البيت .. الله لا يوريك .. خصوصا اذا انت مسـتأجره .. !!! قرف ما بعده قرف .. شي غير طبيعي قواطي بيبسي مرميه و حفاظات اطفال و زبايل و مناديل و حشرات و خلافه .. و اذا البيت سراميك و فيه وحده منكسره تلاقينهم مصلحينها بسيراميك لونه غير .. و لما عصب زوجي من المكاتب و قال ابي مستوى افضل .. قالو يعني تبي تشتري ملك .. !!! لانه النظيف هو بس التمليك الجديد .. و بصراحه زوجي كان وده يشتري بس صعب انك تحددين بيت ملك و تشترينه في مده قياسيه و انت لك كم سنه ما جيتي للرياض و لا عندك خبره .. و طبعا سيناريو البيوت الحلوه مستمر .. و :ان الي يبي يطلع من البيت الي كان ساكن فيه احد دافع له مبلغ علشان يعدم البيت .. !! طبعا و بلا استثناء .. كل البيوت تحتاج دهان .. و تحتاج صيانه للاضاءه و للحمامات الله يكرمكم و تحتاج شركه مكافحه للحشرات و تحتاج نظافه مكثفه و بطعا هذا الاكيد غير لما تسكنين يطلع لك بدل الشغله الوحده الف .. يعني البيت يحتاج من 5 الى 10 الاف صايانه مفروغ منها
علشان اكون امينه معكم احنا حصلنا بيت جديد حلو للايجار و كان فيه كل الي احنا محتاجين .. وين المشكله .. ما خلص !!!! انتظرة شهر بس شهر واحد .. و تعرفين اذا هم قالة شهر يعني 3 شهور .. فكان صعبه ننتظر ..
الل يرحم ايام امريكا لما كنا ندخل البيت و هو كاااااامل الا من الاثاث تدفئه مركزيه و تبريد مركزي نظافه و ترتيب .. فعلا بيوتهم تحمسك تعيشين فيها مو للاسف بيوتنا ..
هذا الي في بالي و سامحوني توي اتذكره يوم طلبت مني شماليه اني اكمل

السلام عليكم اختى الهنديه

موضووعج وايد حلووو

بس اختى يا ريت لوو تكلميناا عن اليهاال ....نفسيااتهمم.....شعووورهم....وين يفضلووون امريكا ولا السعوديه.....يسمعوون كلامج ولااا تغيرواا...يسااعدوون ولا لاء

علاقتج انتى بيههم وابووهمممم

دراستهم لغتهممم

كل شى اذا تقدرييييييييييييييييين

^_^

اووه صح فى شغله بعد

بالنسبه للعه مااحسيتى انى العربى لما نزلتى السعوديه انه ثقيل على لساانك يعنى تتكلمين لازن تدخليتن كلمه انجليزى ولا كااان عااادى

وشكراا

والله يعطيج العاافيه ويعيييينج

يالهندية أجل ايش نقول عن بيوت مكة ........ياعمري شي يجيب المرض ..

تخيلي أخويا تزوج قبل سنتين وكان بيدور شقة مسكين كل الدنيا إجار حج .. وكل البيوت الحلوة إجار حج ..

لكن بصراحة الزبايل والحفايض شي مرة غريب .. ايش دا مافي حيا يوروه الناس كدا .. كيف يبغى يستأجره المستأجر بالله ؟

أيام دورت في جدة لقينا الشقة طيبة وبويتها حلوة وجديدة وكل شي فيها مرتب بس صلحنا شوية في الكهربا ..حتى كان فيها تمديد للغسالة مع انها قديمة.

وبعد ماسكنا طلعت لنا عتة (عث) النمل الابيض للي مايعرفه .. وكانت زي الكابوس .. وبعدها بلاعة المطبخ صارت بس تطفح وتعفن البيت ..

لاتذكريني مرة كانت تحرق دمي .. والبيت كان زي الجنة العفش من احلى ماشفت والفرش من افخم مامر علي .. لكن حسبي الله ونعم الوكيل ..

تخيلي زوجي خرج سيارة لعبة من بلاعة المطبخ .. كيف دخلت !!.. الله اعلم ..

الله يرزقنا بشي نظيف وحلو ..

ايوة نسيت اقولك كيف لقيناها : زوجي راح اول مكتب عقار شافه .. ودلوه عليها .. وخلصت الحكاية ..

سبحان الله لما تكوني رايحة وانت منتي دارية عن شي تتسهل .. او على الاقل احس انها كدا .. عشان كدا ابغى اتوكل على الله واترك كل شي لوقته . مع اني بس افكر ..

الله يسهلها علينا .. تصدقي كل ماينفتح الموضوع افكر فيه ولما اتذكر انه باقي لنا اقل من سنتين ........... الله يسهل ويريح بالي ..

مدام شوشو
هلا بك اختي موضوع الاطفال بصراحه يبي له تفكير راح احاول ارتب افكاري و ارجع اكتب عنهم .. بس ان شاء الله اكتب شي (محرز)

حمرة الورد ..
اجل عندنا و عنكم خير .. الله يعين بس لانه انا لازم امر بالتجربه من جديد بعد فتره ..
مشكوره اختي على المتابعه

السلام عليكم جميعا
ياعيني عليكي يا الهنديه وياسلام على كلامك واسلوبك صدقيني دائما اقول مع نفسي يابخت صديقات الهنديه بيها فانسانه مثلك ممكن الانسان يتعلم منها الكثير والكثير وصراحتك رائعة ونادره هذه الايام واشعر بك من الناس الي يحبون يقدمون افضل نصيحة لديهم اذا طلب شخص منهم النصيحة يارب الله يوفقك في حياتك ويسهل لك اموركي كلها ان شاء الله
صدقيني لازم يوميا ادخل على النت واذا كنت مستعجله جدا فاقرا موضوعكي فقط واخرج من النت وانا معكي في كل حرف وكل كلمة كتبتيها وتابعي رجاء وانا سابقى اتابع ماتكتبيه انت وبقية الاخوات والف شكر لموضوعكي الاكثر من رائع