النجلاء
هلا بك اختي
اجا انت بعد كنت متغربه .. سبحان الله ما يسح النار الا واطيه
مشكوره اختي على متابعتك

رنا
هلا بك اختي و اسفه ما رديت عليك بس الحين المفروض انه جالك الرد .. و موضوع المدارس رديت عليه و للاسف ما عندي خلفيه ..
مشكوره اختي على مدحك و متابعتك

الله يوفقك يالهنديه موووووووووووووووووضوعك مره ظريف..
بس عندي سؤال كيف اطور لغتي؟ يعني المعهد كفيل بتطويرها مع اجتهادي طبعا ولا مستحيل وكم يحتاج الواحد من وقت في المعهد اذا كان لغته ماشي حالها وهو مجتهد؟
ودمتي بحفظ الرحمن

هلا اختي
انا درست بالمعهد لمدة سنه و نص ... و بصراحه اكيد استفدت كثير .. لكن فيه اشياء ثانيه فادتني .. انا جرئيه .. يعني اخربط لين اوصل المعلومه الي ابي ما اقول ما اعرف و استحي اخاف يضحكون علي .. لا .. كل اللكلمات الي اعرفها مع شوي اشارات .,. وواوصل للي ابيه و غالبا بعد ما يفهمون الي ابيه يردون علي بالكلمه الصحيحه و احفظها لاني احتجتها ... و شوي شوي اتعلم .. الشي الثاني .. فيه مصطلحات ما تعرفينها لين تحتاجينها .. يعني مثلا .. لما حملت تعرفت على مصطلحات كثيره ما كنت اعرفها .. لان الدكتوره تتكلم عن اشياء لازم افهمها عن الطفل .. و لا اذا عندي سؤال عن شي ادور في المعجم قبل موعد الزياره لين اعرف كيف اصيغ السؤال ...
و يوم بنتي دخلت بالمدرسه فيه كلمات كثير كانت تقولها و انا ما اعرفها و مع الحاجه تعلمت .. صرت اعرف مصطلحات مدرسيه ..
بعد برامج الطبخ و روحت المطاعم علمتني كثير عن اسامي مواعين المطبخ و اسماء الخضار و البهارات ...
بس بعد ما خصلت المعهد .. لو اني ما درست اكاديمي كانت لغتي ما تطورت .. لان الدراسه الاكاديميه طورت لغتي كثير .. و عطتني الثقه بنفسي .. يعني اول كنت اقول .. كل الي حولي طلاب دوليين ما يعرفون انجليزي بس اتوقع بس اكون مع امريكان راح اخاف اتكلم .. و اتذكر انه اول ترم درست احيانا يطرح سؤال و اذا ما احد جاوب انا ما اجاوب حتى لو اني عارفه الاجابه لاني اخاف يكون جوابي غريب و يضحكون علي .. بعد فتره لاحظت انه انا اعرف الجواب الصحيح .. و انه مو غلط .. صرت شوي شوي اجاوب و صارو المدرسين يلاحظون .. اني افهم .. و اني ما افرق عن الطلاب الباقين .. لانه بالبدايه كان كل ما يشرحون شي يناظروني و يقولون فهمتي .. و كنت اتضايق احس اني غبيه .. بعدها .. صرت اشارك و افهم و اسئل .. و ما افرق عن الامريكان .. و هذا الي نمى ثقتي بنفسي اكثر .. و خلاني انطلق بالكلام .. لاني اقتنعت انه (ما فيش حد احسن من حد) ... كان فيه ناس كثير ينصحوني باني اسمع اخبار ال cnn يقولون انه كلامهم فصيح و يطور اللغه .. بس بصراحه اول ما بديت تعقدت .. و صرت ما اسمع لهم .. لانه لغتهم مرره صعبه على المبتدئين .. لكني صرت اتفرج على المسلسلات و البرامج اكثر .. لانها صوت و صوره .. و لانهم يمثلون الي يقولونه غالبا .. تفهمين اسهل و تحصلين على كلمات اضافيه من دون ما تحسين .. بس انا ما تمرست باللغه الا بعد ما مرت علي اكثر من خمس سنوات بالغربه .. يعني الوقت بعد له دور
ترى تعلم اللغه مو صعب لكن يبيله جراءه ..
الله يوفقك و اذا عندك اي استفسار انا حاضره

الله يجزاك الجنه ياقلبي ويسخر لك زوجك ويسهل الغربه ويجعلنا بلابل لغه>>>>>أأأأأأأأأأأأمين

الحمد لله لغتي مرة مرة طيبة بس ما اقدر احط نسبة لاني حطيت نسبة من زمان وبعدين اكتشفت انه حتى الامريكان مايقدروا يصير فالحين في كل التخصصات ..

لكن اقدر اقول 90% للتعاملات العامة .. أسواق مستشفيات مدارس ترجيع تبديل قياس قماش كل شي الحمد لله نعمة من ربي ..

وفي الاونة الاخيرة صرت ارتجم خخخخخخخخخخخ ..

لي مدة خاشة عرض في مجموعة الدعوة في المركز الاسلامي ..عشان اجاوب على دي الآدمية ..

صراحة شجعتيني على شركة التظيف .. خاصة اني احب اشارك في انشطة المركز وفي الصيف والاجازات الاقي البيت صار حريقة ..خروج في الصباح وخروج في العصر وخروج قبل المغرب .. وملابس وسخة والمطبخ خبصة ..أكيد عارفة ههههههه:)

ايوة تذكرت جارتي اللي علمتني اغلب لغتي وصتني اسمع الراديو بس انا بطبعي اكره اتابع الاخبار وكنت اتابع افلام الكرتون اول ماجبنا التلفزيون عشان ما ابغى الصغار يشوفوا اي شي .. وبصراحة استفدت بشكل كبير مرة ..

خاصة البرامج الخاصة باللغة .. زي شارع سمسم سيسمي ستريت وبين الاسود بتوين ذا لاينز ..كلها تجي على بي بي اس ..

في موضع لرغد اليحاة مرة حلو عن اللغة .. ان شاء الله لما يرجع البحث احطه

تحياتي ياغالية .. ودمت في أمان الله ..