أولا اسمحي لي أختي عقد ألماس إني أجاوب عن بعض الأسئلةوخاصة على أسئلة الأخت امل الصغيرة اللي بعثت لي برسالة خاصة تقول لي فيها أكتب عن تجربتي معاهم كاملة
ولأني ما أحب كثرة المواضيع اللي تدور حول نفس الموضوع قلت أكتبها هنا معاك عشان يصير هذا الموضوع مرجع لأي وحدة تبي تعرف عن الدايت سنتر

ــــــــــــــــــــــــــــــــــــــــــــ
كنت أبي أحط عناوينهم بس الله يجزاها خير الأخت قطر الندى2005 سبقتني

عموماً هذا موقعهم

http://dietcenterme.com/default.asp


وبالنسبة للي يسألون عن السعر هو 2400 في الشهر وإذا اشتركتي معاهم لمدة شهرين خلال سنة ( يعني مو لازم متتاليين ) يعطونك بطاقة خصم ويصير الإشتراك ب 2200و كمان تحصلين على خصومات لمن تشترين من محلات الدايت شوب ( أظنها متوفرة في جدة والرياض فقط مدري عن الشرقية )

وطريقتهم سهلة وبسيطة تروحين عندهم أول مرة أو ترسلين لهم السائق يجيب لك ورقة التحاليل المطلوبة تسوينها في أي مستشفى ( كلفت التحاليل على ما أذكر تقريباً 300 ريال )

طبعاً التحاليل هذي ضرورية عشان يتأكدون من صحتك العامة وكيف نسبة السكر والضغط والكولسترول ... الخ

بعدين تتصلين عليهم تاخذين موعد مع الطبيبة

أول جلسة مع الطبيبة راح تطولين عندها لأنها راح تجلس معك تسألك عن طبيعة نظامك الغذائي اليومي
أول ما تقومين وش عادة تاكلين ؟ وش تشربين ؟
تمارسين رياضة ولا لأ ؟
قد إيش كميات الأكل اللي عادة تاكلينها ؟
وش تحبين من الأكلات وش تكرهين ؟
تشربين شاي ؟ قهوة ؟ كم مرة في اليوم ؟ كيف السكر ؟
تاخذين أدوية ؟ فيتامينات ؟
مقدار الماء اللي تشربينه قد إيش ؟
<< هنا أنا كانت غلطتي قلت لها أشرب موية كثير ولا حددت لها قد إيش فأخذت على كلامي لكن عقب أسبوعين رجعت قالت لي أكيد ما تشربين موية كفاية ويوم حددت لها الكمية بالضبط نبهتني إنها مو كافية وإني لازم أشرب لترين إلى ثلاثة يومياً

يعني كل ما كنتي دقيقة بإجاباتك كل ما كان البرنامج اللي يسوونه لك أحسن بإذن الله

بعدين تاخذك لغرفة فيها الجهاز اللي يقيس لك مستوى الدهون في الجسم وكمية العضلات ومقدار الماء وكل شيء

ترجعين معاها لعيادتها وتشرح لك النتيجة وتوضح لك الهدف اللي لازم توصلين له وتوضح لك عدد الشهور اللازمة لك للوصول للنتيجة المطلوبة

<< لاحظي إنهم مو كل همهم فقدان الوزن يعني أنا مثلاً خلال الشهرين ما فقدت وزن كثير ( 7 كلغم فقط ) لكنني فقدت شحوم وبنيت مكانها عضلات وزودت كمية الماء في الجسم فنقص مقياس جسمي ولله الحمد بمعدل 15 سم

وبعد كذا تجي مرحلة اختيارك للوجبات بتعطيك قائمة بالوجبات المتوفرة وتعلمك هي شلون تختارين منها الوجبات اللي تناسبك
وجبة الفطور ، سناك بعد الفطور عبارة عن نوع الفاكهة ، وجبة الغداء ، سناك بعد الغداء ( حلى ) ، وجبة العشاء
وبصراحة كمية الأكل عندهم كثيرة وأنا ما كنت أكمل كل الوجبة

بعدين تعطينهم القائمة وتكونين طبعاً راسمة لهم وصف دقيق لبيتك عشان يوصلون لك الأكل
يجيك الأكل الوجبات الثلاث بكرتونة وحدة تحطينها مثل ما هي بالثلاجة كل ما بغيتي تاكلين شيء تطلعينه وتحمينه إما بالفرن أو على النار ( بالميكروويف يطلع الأكل فاااااااااشل )

طبعاً الأكل اللي بالكرتون بيكون عبارة عن غداء اليوم وعشاء الليلة وفطور بكرة

<< عشان كذا كنت احرص عند اختيار وجبة العشاء إني ما أختار شيء ممكن يتغير طعمه لو جلس مدة في الثلاجة

عندك زيارة أسبوعية عشان تختارين قائمة طعام السبعة أيام القادمة وتقيس لك وتشوف لك مقاساتك والتغيرات اللي حصل لك بجسمك

ملاحظات عامة :

- من الأفضل إنك تخلين موعد الطبية في وقت ثابت عشان النتائج تكون أدق يعني خليه مثلاً كل يوم أحد الساعة 7

- بالنسبة للأكل ابتعدي طبعاً عن اختيار أي أكله فيها سمك ( بالعقل يعني الأكلة بتجيك مبردة وبترجعين تحمينها وهالكلام طبعاً ما ينفع مع السمك )

- وحدة قالت لي إنها جربت كل أنواع المكرونة والباستا اللي عندهم ولا أعجبوها فما جربت أنا إلا الفوتيشيني وفعلاً ما أعجبني.

- الناس أذواق فلا تطلبين شيء أنتي عادة ما تحبينه أنا بصراحة أفضل الأكلات الأمريكية والمكسيكية وأعجبتني كثييييييير

- من أفضل الأكلات اللي أعجبتني عندهم
في الفطور: المناقيش خاصة بالزعتر ، والمفن
في الغداء :الستيك بصلصة الفلفل وكمان اللي بصلصة الفطر ، اللازانيا بس عيبها يجيبونها صغيرة لأنها دسمة ههههههه
الحلى : الشوكليت موس ، الكوكيز ، البقلاوة أعجبت زوجي هههههه
في العشاء :سندويتشات الباغيت خاصة اللي بفاهيتا الدجاج ، والتورتيلا ، والكاساديا ، بس الهمبرقر فاشلة لأنها تجيك طبقة خبزة وحدة بس واللحمة صغيييييييرة
السلطات :كلها بصراحة لذيذة وخاصة في وحدة ناسية اسمها يجيبون معاها خل البلسميك مررررررة كنت أكيف عليها )
.. هذا اللي أذكره لأن الكلام هذا من سنة

- أحرصي إنك لو كنتي معزومة مثلاً إنك ما تاكلين شيء من عند الناس غير السلطة ومن غير زيت زيتون ( حاولي ترتبين جدولك بحيث تتعشين مثلاً قبل تطلعين عشان بس ما تموتين من الجوع ههههههه )

عموماً هي بتعطيك لائحة إرشادات فيها أنواع الخضروات اللي ممكن تاكلينها لو انحطيتي بموقف يضطرك تاكلين برى البيت أو لو حصل وجعتي بين الوجبات

- لاااااااااااااااااا تغشييييييييييييين تذكري الألفين وأربعمية اللي أنتي دافعتهم وسكري فمك ههههههههه

مرة ثانية أعذريني أختي عقد ألماس على المداخلة الطويلة
<< مداخلة ؟؟ على بالي برنامج في التليفزيون ههههههههه

نسيت أبه على شيء فيه كثير ناس يستغربون منه هو كيف أكلهم كثير وينقص الوزن ؟
أقول لك السر مو في الكمية لكن السر في طريقة تحضير الطعام

يعني كمية الزيت المستخدم في الأكل جدددداً قليل طلبت مرة إيدام بامية وكان لذيذ بس المشكلة غنهم ما جابوا معاه خبزة خخخخخخخ ، المهم المرقة حقت الإيدام ما فيها آثار الدهون اللي نشوفها حنا عادة في طبخنا

شيء ثاني هم يغيرون بمقادير الأكلة بحيث ما يأثرون على الطعم لكن يأثرون على السعرات يعني اللازانيا يوم طلبتها كان مقدار اللحمة اللي فيها قليلة بينما مكثرين المشروم ( طبعاً أنا أحب المشروم فما كان عندي مشكلة )

ومع الوقت تعلمت إني لو طلبت منهم أكلة معروف غنها صحية ومليانة خضار تجي الكمية كبيرة أما لو طلبت أكلة معروف إنها مليانة دهون مثل اللازانيا تجي جداً صغيرة ( أصغر من وجبة اللازانيا حقت الطفل اللي في بيتزا هت )

موفقييين

انت نفسي .. حتى انا نسبة الدهون عندي 40 ..الله يعينا

:icon28:

:icon28:

:icon28:

:icon28:

هلا وغلا 000 :D

الله يوفقج 00 وتضعفين بخير من دون ضرر00

وتتهنييييييييين :27:

حبيت اسال 00

ليه كثر الماي 00 ؟؟

يعني احسه اووووفر وااايد 00

شنو السر 00

وبعدين كثر الماي 00 ما يوسع المعدة ؟؟؟؟؟؟؟

والله خايفة 00 اكثر من الماي 00

ونا معدتي مو ناقصة 00