اشتكي من تكيس في المبايض ومااعرف اتصرف

السلام عليكم
بنات بدون مقدمات
انا مقهوووره ومتضايقه بسألكم
انا لي سنه وشهر فقط متزوجه .. واخت زوجي اتقول طولتو على ماتجيبون عيال ؟ اعتبرها اختي الكبيره وهي عزيزه علي بس اتفاجئت بكلامها
قالت بعدين الناس بتبدأ بتسأل وش عندهم
انا ابي افهم يعني لو ماجبت عيال السنه الجايه مثلا الناس بيطلقوني من زوجي .
ليييش الناس تبي بس تتكلم
ليش تدخل نفسها بشي مالها فيه
انغثيت بالكلام حدي ..
وذاك اليوم تقول لي الي عندهم تكيس بسرعه يتزوجون عليهم ازواجهم ..
مو عارفه هي وش تقصد يمكن عفويه بس اسلوبها ثقيل على الجبد .
ويمكن تكون صادقه .


المهم يابنات سامحوني بس بغيت افضفض وبعدين استشير.


انا عندي تكيس في المبايض
والدوره ملخبطه بشكل مو طبيعي
ولي 9 ايام واحس ثقل بصدري مو طبيعي
ذاك اليوم زرت طبيبه نسائيه واعطتني حبوب سكر
قالت لي لمدة شهر كل يوم حبتين كل اثنعش ساعه اكل وحده
ولكن انا ماواصلت عليه بسبب اضطرابات بالنوم
يعني اخذ وحده بوقتها والثانيه في غير وقتها وقطعته
والحين بعد مرور حوالي 5 شهور
عادي لو رحت الصيدليه وشريت نفس الدوا واداوم عليه ؟
ولا لازم اروح افحص من اول وجديد واشوف ؟


ويابنات انا مااعرف اتصرف .. وهامله نفسي واحس بتعب بس وانا اتصفح اليوتيوب .. سمعت كلام من دكاتره.. عن انها ممكن تسبب سكري وامراض ثانيه لا قدر الله لو اهملتها..
ومت خوف على نفسي


وهم بسأل عن الاكلات الممنوعه والاكلات الي لازم اركز عليها وهل في نظام او برنامج معين لعلاج هذي المتلازمه ؟
افيدوني تكفون