رفع

خليك متابعه مع دكتورتك عشان تشوفي قد ايش استجاب جسمك للعلاج
الشيء الثاني زوجك يحلل ضروري عشان تتطمنوا وتركزوا على العلاج اكثر
وبالنسبه للناس طنشيهم
قولي بدري ولاتشيلين همهم
الله يفرج همك ويرزقك

التكيس مو مرض خطير أو يمنع الحمل أغلب النساء في الوقت الحالي يشتكون منه سواء متزوجات أو عازبات
بس يحتاج متابعة عند الدكتورة والتزام بالخطة العلاجية
وحبوب السكر اللي وصفتها لك لا تخافين منها لأن مريضة التكيس جسمها يقاوم الأنسولين فترتفع نسبة السكر في الدم
فيزيد وزنها وتضطرب هرموناتها أكثر ويزيد التكيس لكذا هاذي الحبوب تساعد في أستجابة الجسم للأنسولين ومكافحة
أرتفاع السكر في الدم فتنتظم هرمونات التبويض وتتحسن
والحبوب مو شرط تكون بوقت معين المهم تلتزمين بالجرعات وتأخذينها بعد وجبات شبه دسمه عشان ما تتعب معدتك وتألمك
وإذا وزنك زايد خففيه وكثري من شرب المويه وأحرصي تكون وجباتك صحية ومارسي الرياضة لو 30 دقيقة في اليوم
واللي عليك حاليًا روحي لدكتورة نساء لتفحصك وتسوي لك تحاليل وتشوف وضع التكيس وتوصف لك علاج مناسب لحالتك
وبرضو زوجك ضروري يسوي تحاليل ليتأكد من سلامته
وكلام أخت زوجك مردود عليها لأن هاذي مشيئة رب العالمين وأمر مابعد كتبه لكم
فلا تيأسين ولا يتكدر خاطرك وأتفقي إنتي وزوجك أن إذا تعرضتوا لمثل هذا الموقف كلمتكم تكون وحده
(أنكم مو مستعجلين على الإنجاب وحابين تستمتعون بحياتكم)
ولا تنسين الجانب الروحي بالأذكار والدعاء وإنتي ساجدة وبأوقات الإستجابة وقراءة القران
والله يمن بالصحة والعافية والحمل السليم التام والذرية الصالحة.

الله يشفيك ويشفيني يارب حبيبتي انتي كأنك تحكي عني انا الآن لي سنه و10 شهور متزوجه وفحصت بثامن شهر زواج طلع عندي تكيس وحابه احكي لك تجربتي أول شي سويته فحصت هرمونات وسويت سونار تعرفي عندك تكيس بارتفاع هرمون LH ويكون أعلى من هرمون FSH وانا أول ما فحصت كان LH =12 يعني عالي وكانت دورتي منتظمه وصرفت لي الدكتورة حبوب منع حمل ديان 3 شهور وجلوكوفاج اللي هي حبوب سكر والحمل لله فحصت بعد الثلاث شهور حصلت هرمون نازل في الطبيعي وصرت أتابع التبويض والحين أخذ منشطات وابرة تفجيرية لي شهرين بس نصيحه لا تسمحي لا احد يتمدا معاك وأخت زوجك قولي لها هذا بيد الله مو بيدي لما يكون بيدي تقدري تطلبيه مني وربي القسط الهندي البردقوش ممتاز للتكيس وأنا سمعت بالحجامة لكن ما جربتها ونصيحة التكيس لازم متابعه كل شهر روحي اطمئن ع نفسك وع هرموناتك والله يرزقك يارب بالحمل ويرزقني يارب دعواتك لي ربي يسعدك

التكيس عن تجربه اول شي الاكل الصحي وتنزيل الوزن والرياضه وبالنسبه للعلاج قريت تجارب بنات مع علاج pregnitude وجربته طبعا مع الرياضه والاكل الصحي وماشاءالله اتحسنت عندي الدوره ونزل هرمون التكيس والعلاج عباره عن فيتامينات الانيزيتول وحمض الفوليك ونتيجته اسرع من حبوب السكر وبدون اعراض جانبيه وطلبته من موقع امازون