صباح \ مساء الخيرر عليكم جميعا
بخش بالموضوع دغري ..
قبل فتره صابني تساقط رهيب بشعري صار ينزل مثل الخيووط وانا امشطه وانا اتحمم حتى لو امسك شعري المه ينزل كم شعرره بيدي وانا احترت فيه
سويت تحاليل كلشيء تمام عندي
اللهم الحديد اخذ له مكملات وفيتامين د برضوا اخذ مكملات له ..
فقلت لابد شيء يحل لي هالمشكله بالاضافه للمكملات واللي من الواضح ان مفعولها بطيء جداا معي ..
فاحترت وش استخدم من زيت ماابي زيونت جاهزه من المتاجر لا ابي شيء انا اصنعه فضليت افكر وش الاشياء الكويسه واللي تناسب اغلب مسامية الشعر
واهتديت لزيت جوز الهند النقي الاورقانيك او براشوت القديم اللي اول مانزل
او هذا الزيت الاورقانيك
كلهم للامانه نفس المفعول معي باستثنااء شيء واحد
اللي هو الرائحه رائحة زيت براشوت جوز هند لكنها رائحه مقبوله مثل ريحة شوكليت باونتي تقريباا مو مثل الزيت اللي بعلبه معدنيه اللي لونهنه اصفر لا هذاك شطبوا عليها مايصلح بنوب
اه وبعد شيء اخر اللي هو انو براشوت متوفر بالعطار
اما ناوو لابد من متجر او من الطلب بمواقع الشراء
والشيء الاخر اللي شفت ان له فائده من عصر جداتنا ويمكن قبل الى الان وله فائده عظيمه للشعرر اللي هو الجرجير ،
طريقتي فيه
اجيب علبة زيت جوز الهند اللي سبق وذكرتهم واحد منهم طبعاا ..
مقدار نص لتر ( 500 مللتر)
وافرغه كله بمكسر الطماطم واخليه ع جنب
اجيب حزمة جرجير كامله واغسلها وانظفها من التراب كويس ثم انشفها شوي من قطرات المي وبعدها اقطعها مع السيقان بسكيين واحطها بالمكسر مع الزيت واخلطهااا دقيقه ل دقيقتين عشان تنمزج كويس مع الزيت
بعدها يكون عندي علبة زجاجيه نظيفه افرغ الخليط فيه
واتركها بالدولاب يومين ل 3 اياام
بعدها راح ينفصل الزيت عن الجرجير تحصلونه بقاع العلبه ..
وقتها اكون محضره مشخااال ناااعم او اللي ماعندها شاش او غتره نظيفه افردهاا فوق طاسه عميقه وابدا اصفي الزيت عن الجرجير المترسب بقاع العلبه
الزيت المصفى خلاص كذا يكون زيت الجرجير وريحته جرير صافي ..
الصوره من النت لكن راح يكون لونه بعد التصفيه مثل كذاا بالضبط ^^
بما انه بوقت شتا عادي اتركوه بمكان جاف اهم شيء اما الصيف يترك بالثلاجه
والعجينه ماترمونهاا تحفظونها بعلبه ع الثلاجه وتسوون فيها ماسك
تاخذون ملعقتين منها تخلطونها مع حناا الشعر
او ملعقتين من العجينه وتخلطونه مع ملعقتين زبادي - ملعقة عسل - ملعقتين او 3 حليب جوز هند سايل وتحطونه ماسك من ساعه لساعتين
نتائج الزيت مع الاستخدام المنتظم
التساقط يقل - الششعرهه تكون متينه - يطلع بيبي هير - لمعة جميله بالشعر - التقصف يروح - يطول الشعر بشكل اسرع من المعتاد
يعني الزيت هذا انا اسميه زيت معجزه لانه حل لي مشاكل التساقط والكثافه
الاستخدام انا استخدمته اول اسبوع كل يوم اتركه بشعر من 2 ساعه الى 3
بعد هالاسبوع المنتظم استخدمه 3 مرات بالاسابيع اللي بعدها وخلا اضل على هالطريقه ع طول
رائحته مقبوله بالنسبه لي ولاهي مزعجه واول ماغسل شعري واجففه ماعاد شم فيه غير ريحة الشامبواا اللي غسلت فيه شعري ..
طبعا ممكن البعض مايناسبه زيت جوز الهند وحاب يستفيد مو مشكله
بنات جربوه ب انواع مختلفه من الزيوت
زيت زيتون
زيت لوز حلو
زيت سمسم
زيت ذره
اللي شعرها جااف ممكن تضيف شوي زيت خروووع ...
استودعتكم الله
طريقة جدا سهلة ومفيدة للشعر
جزاك الله كل خير رودآ