اضاربت مع زوجي وقال لي اطلعي من البيت.. هذه قصتي

السلام عليكم اخواتي..
انا حابه افضفض اللي في خاطري من كثر الضيقه والالم اللي بقلبي..
انا متزوجه من 10 سنوات وعندي اطفال اصغرهم 3سنوات .. وزوجي تصير بيننا خلافات هو مشكلته عصصصبي يعصب بسرررعه .. يعني امس اضارينا على شي سخيف جدا قام قال لي اطلعي بره البيت انا كارهك ومدري ايش..
علما انه انا في مدينه ماعندي احد فيها.. واهلي في مدينه ثانيه..وماعندي الا اخ وحيد واختين وكلنا متزوجين .. اخوي مشغول ببيته وشغله واخواتي متزوجين ومشغولين مع عيالهم برضه..يعني محد حول احد..
المصيبه واللي مزعلني مو هنا بس.. اللي مزعلني اكثر انه انا امي الله يرحمها انوفت قبل 6 شهور وكانت هي حبيبتي وظهري وسندي في هذي الحياه(رغم وجود ابوي لكن ابوي انسان عادي طيب اوقات لكنه عصبي وخلقه ضيق و يهتم بمصلحة نفسه في المقام الاول يعني اوقات امي الله يرحمها كانت تقول له ساعد البنات اعطيهم زي المصروف.. يقوم يقولها ازواجهم مسؤليت عنهم .. وماعنده بنت تزعل وتجي البيت بعيالها.. تبغا تجي تتطلق او زعلانه من زوجها.. تجي بس بدون العيال) وامور كثيره بس انا اختصرتها..
والاجمل في الموضوع انه بعد وفاة امي الله يرحمها ،، الحين ابوي خطب ومستانس وهو ماشاءالله عمره قرب السبعين.. وزوجته عمرها اربعين.. وطاااااااير فيها مدح للسماء .. كل هذا مو مشكله الله يهنيه.. بس قهرني قبل كم يوم كلمني يقول لي هاااه تبغون اجيبلكم اخوان؟؟؟؟!!! بالله هذا سؤال؟؟ يعني امي توها متوفيه مالها6 شهور .. عادي ازوج وخلف بس لااااااااالتسألنا ولاتاخذ راينا لانه الموضوع يألمني بصراحه توها امي ماكملت حتى 6 شهور..
ارجع لموضوع خلافي الاساسي مع زوجي.. انا مخي انشل من التفكير.. قال لي اطلعي من البيت؟؟ طيب وين اروح؟؟ بيت ابوي ومرته؟؟ والله يمكن يطردوني .. يعني اصبر وآكل تبن؟؟
قسماً بالله مافي شي في هالحياه اسوء من انه الوحده مايكون لها اهل تسند ظهرها عليهم.. اهل يبغون الفكه من بناتهم واحفادهم.اصلا الرجال مايستقوون عالحرمه الى لما يعرف انه ماوراها احد.. لكن لو وراها احد رح يحسب لها الف حساب قبل ماتطلع منه اي كلمه... ما اقول الا حسبي الله ونعم الوكيل و الله لايحوجني الا لوجهه الكريم ولاتنسوني من دعواتكم ..لاني متألمه كثير وبس ابكي .. بسبب وفاة امي الله يرحمها.. ثم طريقة ابوي معنا.. واخر شي زوجي ماقصر وكمل الناقص الله يسامحه ويسخره لي ولاولادنا يارررب..