عيش بالخلطه


المقادير :
عيش منقوع ومغسول .
جدر ونحط فيه سمنه
وبعدين نحط بهاراتنا اللي عباره عن :
شوي دارسين مقطع
كركم
كمون
ملح
ماجيه
زعفران
فلفل اسود
بهارات الدجاج

و نخليها تحمس بالسمنه
بعدين نحط العيش المغسول
بعدين نزيد عليها ماء ساخن و نخليها لما تستوي ( مجبوس )




ربيان مشوي بخلطه البابريكيو

ربيان مغسول جيدا
و قطع من الفلفل البارد والبصل و الطماطم ( للشوي )
و اعواد خشبيه نرص فيها الربيان و الخضار بالترتيب

نجيب صينيه كبيره ونحط اعواد الربيان . و نعصر ليمونه واحده بعدين نجيب نصف كوب من صلصه البابريكيو . و نقع الربيان فيها .

لما نجي نشويه . بالطريقه هذه
نفتح الفرن فوق وتحت
ونحط القصدير على شبك الفرن
وتحت نحط صينيه فيها ماء
ونخلي الفرن ( يطلع منه بخار )

بعدين نجيب سكينه و نشق فيها القصديره ( شوي عشان يصير فيها فتحات ) و نرتب اعواد الربيان على القصديره و نسكر النار من فوق

ونسكر الفرن عشان يستوي على البخار الموجود داخل الفرن . بعدين ندهن الربيان بالزبده ونفتح النار العاليه من فوق ( العمليه ما تاخذ اكثر من نصف ساعه ) الربيان بسرعه يستوي
وبالعافيه

شوربه خضار بالشوفان


المقادير :
جيس شوربه خضار (كنور ) انا افضل كنور لانها قليله الملح ماجي تجي حيل مالحه
المهم . و نجيب ملعقتين من الشوفان .

الطريقه :
ماي يغلي نفتح الجيس ، وننطر 10 دقائق و نضيف الشوفان
ونسكر الجدر ونخليه على نار هاديه لمده 10 دقائق ثانيه

بالعافيه


المعكرونه بصلصه الفطر


عباره عن :
مقلاه وزيت
بصله جوانح
نحط فطر المقطع علبه
و البهارات الايطاليه واهمها زعتر بري
و بعدين ملعقتين او ثلاث من المعجون الطماطم
ونخليها تستوي على نار هاديه

نكون غلينا المعكرونه بالملح و شوي من الزيت بعدين نصفي المعكرونه
و نطبقها مع خلطه الفطر

و عند التقديم نحط شوي من الجبن البرمزان

وبالعافيه

ولقيمات هههههههههههههههه طلعت مالحه ما ادري شفيها المهم اول مره:)
وله شكلها ما ادري شلون طالع !! قعدنا نعيب على الشكل و كل واحد ياكل شكل و يقول هذه تشبه فلان و علان بس يا الله ما عليه المره الجايه تكون احلى

:26: :26: :26: :26:

العيش مع الدجاج



عباره عن قطع دجاج مخليه من العظم
اسلقها بماء و دارسين اعواد ـ قرنفل ـ هيل ـ ملح

بعدين اجيب جدر . و احط زيت و اقلي فيه بصله كبيره مقطعه شرايح كبيره .
واضيف عليها حمص حب مسلوق جيدا
و اضيف كركم
و كشمش مسلوق عدل
و كله اقليه
واطلع قطع الدجاج المسلوقه
واحطها فوقه واسكر الجدر
واتبل المواد هذه كلها بالملح و الفلفل و البهارات الموجوده .


الماي اللي سلقنا فيه الدجاج ما نقطه :) نسلق فيه العيش
و لما يستوي العيش نصفيه بالمشخال .
وناخذ كميه من العيش
ونحطها بجدر الخلطه اللي فيها الدجاج عشان ياخذ اللون الاصفر
ونزيد عليها شوي من الزعفران
و بعدين اجيب الجدر الكبير و احط العيش الابيض المتبقى وفوقه العيش الاصفر بالدجاج
و بعدين احط شوي من لون الاحمر ( الوان العيش )

و ملعقتين من الدهن (سمن ) و اسكر الجدر عدل واخليه يطبخ بروحه لمده 10 دقائق على نار هاديه
وبالعافيه .



بنات هذا العيش مثل اللي فوق
بس المختلفه نوع الدجاج انها بعظم ، و الدجاج انا قليته و حطيته فوق العيش
ما خلطه مع العيش
وبس :)

السحور كان عباره عن
علبه فول


الطريقه ..
جدر صغير اصغر حجم
واحط عليه زيت زيتون و فلفل احمر
بعدين افتح علبه الفول
و اهرسها ( لازم تهرسون قطع الفول الكامله ) عشان تصير سائله
واحطها على النار
بعدين اضيف عليها طماطه واحده مقطعه صغير
و اعصر عليها ليمونه كامله
واسكر الجدر و اخليه يطبخ
و عند التقديم نزينها بالبقدونس او الكزبره ( الموجود )

مقالي مع جبن و طماطم و خس


سمبوسه معروفه طبعاً
لحم بعجين ( الاقراص اللي بالصوره )
عباره عن
لحم مفروم ـ نقطع عليه طماطه واحده مع بصله و خضرا بقدونس او كزبره الموجود
ونضيف عليه كوب من الطحين الكويتي
و نعجن
اذا لزق باليد نبللل اليد بالزيت
ونعجن ـ ولا ننسى الملح على اللحم
ونسويها اقراص ونحطها بالفريز
انا اسوي كميه دائما و اخشها بالثلاجه لان وايد طعمها حلو

فاصوليا بالطماطم

المقادير:
فاصوليا علب ( العملاق الاخضر ) علبه واحده
بصله
طماطه
ملعقه معجون طماطم

الطريقه ..
مقلاه فيها زيت
نحط البصل
يذبل شوي البصل
نحط الفاصوليا المغسوله جيدا ( غسلوها عدل عشان ريحه المواد الحافظه تروح )
نخلي الفاصوليا تحمس مع البصل
نحط الطماطه المقطعه صغار
ونسكر عليها عشان يتبخر الطماط و الفاصوليا مع بعض نقصر النار
10 دقائق نفتح المقلاه ونحط ملعقه معجون طماطم
ونسكر مره ثانيه
ونتبلها بالملح فقط ( يكفي )
وبالعافيه

ههههههههههههههههههههههههههههههههههه لا و الله لا كورنيش ولا خليج ولا غيره
داخل في المناطق المتطرفه خخخخخخخخخخخخ :) بس المشكله اني ما احب اكثر من الدجاج و اللحم و افضل الربيان و السمج اكثر شي :)
وترا الاكلات الاوليه في الصفحات الاولى في منها طابختها لما كنت مسافره مصر كنت ماخذه معاي من الكويت ربيان و زبيدي وقعدت اطبخهم هناك :)

اليوم البيت فاضي ما في الا انا واهلي فكان الفطور بسيط و امي الله يخليها لي كانت مشتهيه اللحم ( ما تحب الدجاج ) ففطورنا اليوم لحم ...

وكان عباره عن مطبق لحم





هذا وااايد سهل .
عباره عن شغلتين لو سويناهم خلاص .
سلق رز مثل كل مره
و خلطه .

الخلطه عباره عن :
جدر
زيت
ثلاث بصلات نحمسها شوي ونحط بهاراتنا ( هيل ـ مسمار ـ دارسين )
نحط قطع لحم من غير عظم احلى
ونخليها تطلع كل الماي اللي فيها ونقصر عليها كثييييييييييييييييييير مني ليما يستوي اللحم
لما يستوي نزيد عليه ( حب حمص مسلوق ـ و كشمش مسلوق )
ونخلي الكل يحمس مع بعض ولا ننسى الملح

بعدين نطبق العيش على الخلطه
ونحط ملعقه من الكركم و الصبغه العيش الحمرا

نحط الجدر بالاخير على نار هاديه جدا و نزيد ملعقتين سمنه و خلوه العيش يستوي على هدوء .

وبالعافيه

مرقه فاصوليا باللحم


مرق عادي عباره عن لحم مسلوق بروحه بالهيل و الزعفران و القرفه و القرنفل و الملح
بعدين خليته بالماء الاحمر اللي هو عباره عن ( جدر . زيت . نضع بصله . بعدين عصير طماطتين و خليه يغلي كثير بعدين معجون و ماء ) . وكله قام يغلي مع بعض لمده نصف ساعه
بعدين حطيت الفاصوليا الطازه و قطع اللحم المسلوقه . و من الممكن نستخدم الماء سلق اللحم حق المرق لما يقل ماء المرق نزيده من ماء اللحم . و ملحوظه لطعم احلى فصين ثوم مهروسين يعطي طعم حلو للمرقه . و لوميه طبعاً


بيتزا التوست


الطريقه :
توست مقطع الحواف
خلطه عباره عن :
جبن قلاصات ـ ملعقتين مايونيز ـ ملعقتين من القيمر ( طبعاً لاني مسويه شوي مو كثير ) يعني بس هذا اللي في الصحن ما زودت كثير .
تجيبون التوست و تقطعون الحواف
وتحطونه في الصينيه الفرن . و تدهنونه بالخلطه هذه و كثروا منها
بعدين حطو قطع من خبز التوست
بعدين خلطه
بعدين كاتشب
بعدين زيتون
بعدين الجبن الموزريلا
وخلوها بالفرن من تحت مني ليما يذوب الجبن
ويبي لها شوي تحمير من فوق و بالعافيه .

مقالي ( خبز عروق ـ كبه برغل ـ سمبوسه لحم و خضار )