اطيب حشوة بيتزا

هلا اختي بالنسبه لي اعمل صلصه بيتزا لذيذه جداً جداً اخذتها من طباخ يعمل البيتزا الايطاليه 🍕😋 وكل من جربها ماشاء الله تبارك الله يرجع يسألني عنها ..
طريقه الصلصه الحمراء:
طماطم كبيره
بصله صغيره
فصين ثوم مهروس
كاس زيت الزيتون
فلفل اسود
اوريقانو مجفف ملعقه صغيره
ملح (انا اضيف نتفه ماجي مع الملح )
الكميه لبيتزا وسط بإمكانك تزودي الكميه
قطعي البصل والطماطم قطع كبيره وشوحيها مع زيت الزيتون ثم حطي باقي المكونات وآخر شي اخلطيها في الخلاط وخليها تبرد وحطيها على البيتزا شي لذذذذذذيذ من الآخر
الحشوه بالنسبه لي اقطع بصل وفلفل رومي شرائح رفيعه شوي
ثم اخذ شاورما دجاج متبله ومقطعه من شركه انتاج لذيذه اشوحهم مع شوي زيت الزيتون واخر شي احط الفلفل الرومي والبصل اهم شي لاتخلينهم يستتو لان باقي بندخلها الفرن
وممكن تعمليها بدون دجاج
تحطي خضار (زيتون فلفل رومي بصل طماطم اذا حابه فطر )
***(لما تفردي العجينه حطي الصلصه وبعدها على طول جبن موزريلا ثم الخضار والدجاج المهم لاتحطي الجبن آخر شي لانه بيحترق وعشان الخضار يمديها تاخذ لون )
وبالصحه والهنا 🌸