كانت بنتي عصقوله ونحيفه وبنت عمها ماشاءالله كلبوزه بالمره وكانو اهل زوجي دايما يعايروني اني ماهتم في اكل بنتي والله شبتني النار ورحت عند اخوي وقعدت عندهم الاجازه وماشاءالله عنده ولد هادي ورايق ومكلبز المهم جتني الضاله من ولد اخوي كان اول مايصحى تعطيه امه كيك وكرتونة عصير برتقال وتعطي بنتي نفس الشي ويوم رجعت لبيتي الكل انهبل على بنتي حتى ابوها يقول ماشاءالله والله طلعلها كرش وخدود وانا الحين متبعه النضام هذا وكل ماشافتني ام زوجي اثنت علي تقول ايوه كذا اهتمي في اكل البنت مو زي اول

القرمزيه مشكوره حبيبتي :)

k_n
وهذا الي يرفع ظغطي يقولون اني ما اهتم فيهم وانا ما اخلي عليهم قاصر ابد ابد بس مافي فايده ... بس ماقلتي لي كيك بايش وعصير برتقال طبيعي والا الجهاز؟؟ مشكووووووووووره ياقلبي ماقصرتي الله يخليها لك ياررررب :)

عصير البرتقال الجاهز والكيك بالفراوله احيانا اعطيها امريكانا لكن هي ماتحب الى اليمامه وهذا كيك قديييييييييم موجود من زمن جدتي كل ماجاعو اعطيهم انا بنتي عمرها سنتين وعلى كلام الدكتور جابر القحطاني يقول اي طفل ماينعطى عشبه الا بعد سنتين يقولون الرشاد اذا حطيتي ملعقه وسط مع زبادي تسمن وهذي للكبار والصغار باجرب الطريقه معاها وانشاءالله تجيب نتيجه

السلام عليكم
والله طمعي في دعوة بجوف الليل هو الي خلاني اشارك عموما
انا كنت دبة وانا صغيرة فاسمحيلي احاول اشرحلك الاسباب يمكن تستفيدي
اولا انا كنت دايما اكل بين الوجبات وكاطفال مارح تقدري تمنعيهم بس انت تقدري بين الوجبات من نفسك تحطيلهم طبق فاكهة وطبعا الفاكهة ما في ضرر منها
حاولي تخليهم يغسلو اسنانهم على طول لانه التخان ( طبعا بتكلم عن نفسي )بيحبو يضل طعم الاكل في تمهم وهذا بيشجعم اكتر انهم يوكلو اكتر
الاطفال بيحبو الكرتون والتلفيزيون بيشجع على الاكل فحاولي تقللي من فترات تشغيل التيلفيزيون ولو قعدو من نفسك حطي طبق الفاكهة لو حبو ياكلو حياكلو شي مافي ضرر
وانصحك بشراء العاب تسرق وقتهم وتنمي تفكيرهم طبعا حسب سنهم لو صغار كتير صلصال ورق قص ولزق او كراسات تلوين لانها حتشغلهم عن الاكل
ولو كبار شوي مونوبولي او كلودو
وطبعا خديهم على الحديقة والعبي معاهم واعملي سباق بينهم
واخيرا انت ووالدهم لازم تتعاونو
يعني مو معقولة يكون الاكل في البيت كله مو صحي دهون وسكريات ونشويات وتتوقعي انهم ممكن ما ياكلو حاولي انت وابوهم تمشو ولو لفترة على نظام صحي وهم اكيد حيعملو زيكم
وما تمنعي الشبسي والبيبسي ------الخ مرة وحدة لانهم اطفال واكتفي حاليا بشوية تخفيف وانك تساعديهم انه وزنهم يثبت وما يزيد وتدريجيا كل ما يطولو وزنهم حيناسب طولهم
يارب اكون فدتك بشي ترى انا ما قولتلك الا نصيحة من وحدة الها خبرة قديمة مع السمنة لكن اكيد الراي الاصح لاهل الختصاص وفي المنتدى اكتر من دكتورة ممكن تساعدك

اتمنى تدعيلي ولولادي وزوجي بالهداية والله يزوج اخواني صبيان وبنات

مشكوره حبيبتي بس انا ابيهم يسمنو عرفتي ؟؟؟ ...............

عموما تعبتي وشاركتي .. ياارب وانا الحين اخر الليل وبساعة اجابه ان شاء الله يارب يارب يارب يخلي لك اولادك ويخليك لهم ولايحرمك منهو حبيبتي ويسخر لك زوجك ويسخره لك وما يشوف الا انتي ياقلبي الله يسعد ويوفقك :)