مساء الخييير لاجمل نساء عالمي الجميل :)
انا متابعه لكم من عام 1430 واستفدت منكم كثير وحبيت اشارككم بتجربتي مع عالم السمنه
يابنات ياقشر السمنه على الحرمه تشين زولها ومشيتها ولاقعدت كنها ترمس قهوه مالها معالم لا واذا الكرشه متهدله عاد حدث ولا حرج
انا واعوذ بالله من كلمه انا ايام الصبا كنت رشيقه >>احلفي
امزح :biggrin2: انا قصيره وجسمي عادي لادبه ولاعصلا طولي 154 ووزني 57 ومالي كرش نهائي >>شطحه ترى يقولون القصر من علامات الجمال مدري هم يقولون
بس بعد ولادتي الرابعه الله لايوريكم طلعت كرشي ثلاث طبقات وماهتميت بها وارخيت العنان لبطني اللي اشوفه اهفه قدامي والله اني اكل كل شي وكل ماعزمت على الرجيم افتح المنتدى اشوف القروبات وانواع الرجيمات اتعيجز وابطل وبيني وبين نفسي اقول ماني سمينه جسمي معقول <<يرحم امك وين منتي سمينه وزني وصل 76 كاني نفيخه عاد حلوها قصيره ودبه
لما جاء اليوم الموعود اللي فجر بعلي العزيز القنبله بوجهي:crap:
جالسه اتمختر قدامه بالبيجامه الضيقه رايحه جايه ومدري وين عقلي ساعتها ..ماعلينا قال والله ياجسمك ياهو مترهل ويضحك :eek: وانا دوريني ساعتها بس استاهل كلمته صحتني وخلتني افكر زين وش اسوي بعمري بديت قبل ثلاث اسابيع واليوم وزنت طلع وزني من 76 الى 70 اقسم بالله العظيم اني ماصدقت
بس على طول فكرت بالمسكينات اللي مثلي يكرهون الرجيم >>>ياكثر سوالفي رجيمي هو؛ فطور وغداء وعشاء اكل اي شي موجود بس مااكثر .الرز اكله كل ثلاث ايام مره والباقي خبز واي شي معه .العشاء اي شي اكله بس مااكثر والساعه ثمانيه اتعشى وبعدها اسكر فمي اللي نحفني ومسح كرشي يابنات مع التخفيف بعد الوجبات& شاي اخضر الربيع كيسين مع زنجبيل طازج مبشوراحطهم بكوب واصب عليهم ماء حار خمس دقايق واشربه
&الماء احاول اشرب ثمان اكواب باليوم رهييييييب
&تمارين الضغط طلعوها من اليوتيوب وسووها سهله مره تشد الزنود والصدر بسرعه <على فكره شريت جهاز الاوربتراك على مدح البنات له واستخدمته حسيت انه يشتغل على الارداف والفخوذ بس استغنيت عنه استمريت يوميا عشر دقايق على التمارين والله شدت جسمي حيييييل
& المشي كل يومين امشي ربع ساعه بس . الحلا اخذ قطعه صغيره مع القهوه وابعدت عن الشيبسات والبيبسي وبسسسس
جربوا ماراح تندمون والله نحفت بجسم مشدود ومع هذا ماحرمت نفسي
وسم تشرين @osm_tshryn
محررة
يلزم عليك تسجيل الدخول أولًا لكتابة تعليق.
amal amola
•
الله تمللك ع خير وينحفك ع خير يارب
الله يجبر خواطركم يالغاليات
56 مشاهده و3 ردود اجبروا بخاطري هذا اول موضوع ليه
ولي ساعه وانا اكتب واعدل فيه
56 مشاهده و3 ردود اجبروا بخاطري هذا اول موضوع ليه
ولي ساعه وانا اكتب واعدل فيه
يااااربي ماشاءالله تبارك الله انا بطني مترهله مرررررره مع الولاده القيصريه مالي الا 3 شهور والده ومااقدر اسوي ريجيم اكرررررره التزم بشي وكمان لاني بارضع صار لي اسبوع اعمل رياضه واشرب شاي اخضر وع الريق ماء ساخن وليمون ياااارب اللي نحفك ينحفني
الصفحة الأخيرة