اكــــــــــره اختــــــي الطيبــــــــه ....

بسم الله الرحمن الرحيم
بنات بقولكم مشكلتي والله يوفقكم اللي تقدر تساعدني بحل ياليت ماتبخل واللي ماتقدر يكفيني منها دعوه ان الله يفرج همي
انا يابنات مشكلتي اختي اللي اصغر مني اتزوجت من سنه تقريبا وكنا انا وهي قبل زواجها زي التوأم وربي يابنات مايفرقنا الا النوم وبعد الزواج احس انها مرررررررررره اتغيرت كانها وحده تانيه يابنات ماتجلس معايه ابدا ولا نتكلم الامره قليل .. هي ساكنه قريب من اهلي وزوجها يشتغل في مدينه تانيه عشان كدا تجلس عند اهلي طول الاسبوع وتروح بيتها خميس وجمعه .. تخيلو كل يوم اروح بيت اهلي الاقيها نايمه وتجلس نايمه حتى ارجع بيتي << انا طبعا اقول مسكينه عندها دوام مو مشكله بس اللي يقهرني انه في عندها ايام اجازه تخيلوا يابنات في ايام اجازتها اروح لاهلي من العصر عشانها والاقيها رايحه لاي وحده من صحباتها وماتجي الا الفجر بعد ماارجع بيتي وربي بموت قهر يابنات ... تخيلو في العيد اجي اقلها نطلع مع بعض تقول طيب ولما نجي طالعين تقول خلاص والله مااقدر اروح زوجي تعبان يبغى ينام .. وبعد مااروح لو جا أي احد تاني من اهلي ولا عماتي وازواجهم بيطلعون تطلع معاهم.. ..انا بتجنن وربي اني مو قادره اصدق بنات انا كل مااروح بيت اهلي واشوف الوضع دا ادق على زوجي يجيني وارجع بيتي وربي احيانا اجلس ابكي طول الليل من القهر .. وفي شي بقولكم عليه انا من كلامها عن زوجها ومن معرفتنا فيه عرفت انه مره شكاااااااااك ومايحب انها تطلع مع أي احد .. ودايما اعرف انه يقولها كلام وربي أي وحده تزعل منه زي لما تعدي من مكان فيه شباب وهو معاها يطالع فيها ويقول اكيد انتي تطالعي للشباب يلا غطي عيونك .. << وكلام كتير زي كدا لما اجي اقولها لاتسكتي قولي لاهلي عشان يكلموه هو مااخدك من الشارع احنا بنات ناس ومتربين لو هو يشك فيك ليه ياخدك <<طبعا كلامي مااعجبها بعدها ماصارت تحكيني عن أي شي حتى لو قلها أي شي ماتجي تقول .. انا والله يابنات مااقولها كدا الا من قهري عليها ماابغاها تكون ضعيفة شخصيه قدامه ومايحقله يقولها كلام كدا اصلا . المهم بعد مابطلت تحكيني صارت تحكي وحده قريبتنا علاقتي انا واختي فيها كويسه يعني نقولها أي شي المهم اذا اتكلمت انا والبنت هادي وجلست اقولها شفتي اختي زوجها ايش قالها المفروض ماتسكت وتجلس البنت تحكيني وتقول انه هيا مره تنقهر عليها بس تحس انها ماتحب احد ينصحها ... وفي مره من المرات انا كنت في بيت اختي وطلعت من عندها رحت مشغل كنت ابغى اشقر حواجبي واعمل اشياء تانيه المهم المشغل زحمه مووووووووووت طبعا كانت تتصل وتسألني ها خلصتي اقولها لا باقي مطوله لانه زحمه تخيلوا يابنات لما قفلت مني قالها زوجها انتي متأكده ان وميض في مشغل سمعتي عندها اصوات حريم ؟؟؟؟؟؟!!! <<<<< الكلام دا حكتني هو قريبتي طبعا اختي قالتلها.. يابنات انا كنت بتجنن لما سمعت الكلام وربي كنت بموت قهر يتكلم عنها وتسكت بكيفها بس انا ماارضى انه يقول عني كدا .. بس المشكله اني حلفت للبنت مااقول لاحد ولا لاختي عن الكلام دا .. بعدها يابنات كررهت زوجها كررررررره مو طبيعي وربي مو بكيفي لما اتذكر كلامه انقهر واحقد عليه .. ومره اتخاصمت انا واختي قدام ماما وقالتلي ليه انت كدا زوجها ماسوالك شي وربي يابنات انا ماحسيت في نفسي الا وانا اقولها الكلام اللي قاله لما كنت في المشغل من القهر وربي مافكرت حتى في اليمين اللي حلفته اني مااتكلم ..طبعا انا بعد ماقلت كنت متاكده انه اختي بتروح وتعاتب البنت ليه قالتلي الكلام وانا ماحبيت انه هيا تعرف الكلام من اختي رحت انا وقلتلها اني قلت لماما وزعلت البنت ومااتوقع انه نرجع في علاقتنا زي اول <<< هادي اول عمايل اختي خسرت الانسانه الوحيده اللي كانت قريبه مني بعد اختي
انا دحين مازعلت لاني عارفه اني غلطت وانا حكيت ماما مع انها حلفتني بس اللي قهرني انه ماما لما سالت اختي انكرت وقالت هو ماكان قصده أي شي وراحت كلمت قريبتي التانيه واللي كلمت ماما وقالتلها انه هي ماقالتلي الكلام بالصوره اللي انا فهمتها منها << يعني قصدهم انا فهمت غلط .. وربي يابنات اختي وقريبتي والله والله والله عارفين مليون بالميه انه هو كان شاك اني في مكان تاني غير المشغل بس راحوا غيروا الكلام وماما صدقتهم وصرت انا اللي افهم غلط وانا اللي دايما اظلمها ..والله خايفه يابنات احس اني بكره ماما احسها تصدقها في كل شي وانا اللي دايما كدابه.. اختي هادي دايما في البيت يقولو انه هيا طيبه وع نياتها .. انا لاني مااخلي شي في قلبي اللي في قلبي على لساني في نظرهم انا دايما غلطانه وربي يابنات انا بموت من القهر والله والله اني دعيت على نفسي بالموت عشان ارتاح والله العظيم كنا طالعين انا وزوجي في السياره وكنت كل شويه احط يدي على الباب نفسي افتحه وارمي نفسي في الشارع واموت بس كنت اخاف من الله واتعوذ من الشيطان بنات سألتكم بالله انا ماابغى احد يجاملني لو بحرف واحد انا كتبت القصه كلها عشان ابغاكم تساعدوني وابغى اعرف يمكن انا اللي غلطانه ماادري راسي بينفجر من التفكير ماسرت انام ولو نمت>> نص ساعه وانا صاحيه نومي متقطع وحالتي حاله الله يفرج همكم تكفوووووووووون يابنات لاتطنشوني ردوا لو بكلمه واللي ماعندها حل تدعيلي وبس


وميض:26: