v
v
v
v
v
v
v
v
v
الموضوع اعتقد انه يهم الاغلبيه منكم لانه اغلب اللي يسون رجيم يحاولو يدخلو في اكلهم انواع اكل دايت حتى لو شي بسيط... والبعض اكلهم كله دايت من الالف للياء...
بس اللي خلاني اسوي الموضوع اني دوبي بادئه بالاكل الدايت كنت مسويه رجيم من فتره بس بدون اكل دايت بس احاول اخفف من الاكل وخلاص وكان ماشي حالي...
بس هالمره قلت خليني اجرب الاكل الدايت بماانه صحي مو بس للرشاقه...
الان السؤال اللي ابغى اطرحه لكل واحده جربت الاكل الدايت هل هو مجدي فعلا يعني يساعد في التخسيس؟
ولا لو خففت من الاكل الدسم راح اخذ نفس النتيجه وبنفس الوقت والجهد؟
انا راح اعرضلكم تجربتي القصيره مع الاكلات الدايت وعشان تستفيدو راح اوريكم الاشياء اللي جربتها ورايي فيها بالصور...
نبداء..
اول شي جربته وعجبني كثير هو حليب السعوديه خالي الدسم
بصراحه ادمنته لذيييييذ خصوصا مع الشاهي او تشربيه مع التمر في البدايه ماستسغت طعمه بس بعدين اتعودت عليه
كورن فليكس سبشل كي
لذييييذ حتى لوحده بدون حليب طعم ويشبع بس اللي قاهرني انهم حاطين فيه نسبه بسيطه من السكر
خبز الرغيف الصحي
هو من ناحية صحي فهو صحي مليون في الميه وطعمه مو بطال يعني يجي منه بس الخبز الاسمر المفرود الللي يجي مطبق اطعم منه والاثنين مايشبعو ابدا يعني اللي متعود على العيش العادي بتجيها صدمه عاطفيه في المعده ههههههههه
عصير اناناس كي دي دي
راااااااااااائع لذيذ ومنعش زي مو مكتوب عليه وطعمه قريب من الفرش وطبعا بدون سكر بس ماادري هل له نفس مفعول الطبيعي ياليت جربوه يفيدونا...
شابور العشره حبوب للحميه
حلوه واحلى مافيها انها تشبع لانها كلها الياف ولاتسبب امساك زي باقي الشوابير..
بالنسبه للاجبان مالقيت لها صور بس جربت الاتي..
جبنة قشقوان قليلة الدسم هي اطعم شي بس برضو ماتشبع..
جبنة فلادلفيا قليلة الدسم ماعجبتني طعمها موشي...
جبنة شرائح تشيز ديل قليلة دسم حلوه...
مرتديلا الديك الرومي لذيذ جداا بس مااعرف سعراته..
وبالنسبه للزبادي جربت نادك خالي الدسم طعمه حلو ...
واكتيفيا مو مكتوب عليه لا قليل دسم ولا كامل بس احسه خفيف...
بالنسبه للمكرونه السمرا بصراحه احسها اطعم من البيضا واكيد افود..
نجي للبسكوتات والتشكليت مالقيت صور بس جربت نوعين ...
واحد اسمه جنسنق اللي يجي اصابع عباره عن جنسنق وراقائق الشوفان والرز والقمح ويجي بنكهات متعدده طعمه عذااااب مره عجبني
وجربت شوكلاته تجي وجه شكولاته ووجه بسكوت مررره لذيييييذ
بس مااكثر منها احسها مدام فيها سكر اكيد كثرتها تسمن بس اذا اشتهيت حلو مالي غيرها هي والتمر...
هنا يابنات حابه انوه انه فوزيه الدريع في حلقه من حلقاتها استضافت برفسور واتكلم عن الاكل الغير صحي ومن ضمنها قال( انه كل شي مكتوب عليه دايت او فري شوقر وحتى سكر التحليه البديل للسكر زي تروبيكان كلها تحتوي على مادة الاسبارتم وهي ماده تسبب تلف الخلايا وبعيد عن السامعين تكاثر الخلايا السرطانيه)
وعشان كذا انا ماذكرت سكر التحليه لاني خايفه من استخدامه بعد اللي سمعته بس البسكوت الدايت يحتوي على هالماده ولكن استخدامه يعتبر قليل مقارنة بالسكر... بس حبيت الفت انتباهكم لانه الاحظ الاغلبيه يستعملو سكر التحليه الدايت..
بنات هذه الحاجات تبان بسيطه بس والله انها مكلفه اذا بتشتري منها اللي يكفيكي شهر وفوق كذا ماتشبع ابدااااااااا من بدات فيها وانا حاسه اني جيعانه طول الوقت :icon33:واكيد لو كثرت منها راح اسمن بدال ماانحف....
الان انا قولتلكم على طعم الحاجات اللي جربتها وابغاكم تعطوني نتايجها في الرجيم هل تستاهل الجووووع اللي يجي من وراها واسعارها ولا نوفر فلوسنا ومالها داعي...
اتمنى تاخذو الموضوع بجديه وتعطونا خبراتكم...
على فكره انا الحمدلله مو سمينه عندي زياده 4 كيلو بس... واحب الاكل الصحي مو بس عشان الرشاقه..
اتمنى رفع الموضوع لاني تعبت فيه والله
بانتظاركم
زي الحليب والجبنه واللبنه وفي اشياء حلوه بقسم الدايت بنروح نشوف زي المربى والبسكوت