اكل نفاس

اختي العزيزه سويلها مرقوق عصيده مطازيز فريكه بدجاج او لحم اكلات كثيره

الف مبروك البيبي والحمد لله على سلامتها

انسب شي للنفاس الفطور قرص معجون بعسل وسمن او مصابيب مع حليب

الغدا صينية خضارولحم او شوية رز الي يعجبها وتحط عليه من ادويتها مع عصير

العشا مطازيز او مرقوق

امي الله يطول بعمرها ماكانت تخليني اجوع فكانت تعملي العصر عصيده

او شوربه عدس لانها مفيده جدا للنفاس غير انها مدره للحليب

الله يخليها لنا ويطول عمرها عالطاعه ويشفيها قولي امين

دعواتك غاليتي

الفطور خبز مصابيب فريك عصيده
الغداء كبسات لحم +مرقة لحم مهمه
العشاء شوربات جريش مرقوق

انا نظام امي بالنفاس فطور تنوع لي
بس الغداء لازم لحم ومرقته
والعشاء رز حساوي لما تمل امي مني ومن تغصبي على الاكل تخليني اكل مثلهم (:

وهي مو مقتنعه بس تقول كذا اهلنا اول يسسوون
الله يخليها لي ولايحرمني منها

الحمد لله ع سلامتها والله يجعله من مواليد السعاده
والله حبيبتي لما كنت نفاس امي كانت تسوي لي
الفطور عريكه او مصابيب او خبزه بر بالبيت واكيد مع كاسه حليب وتحط معه شوي من حلبه وماش وفلفل ابيض
والغداء لحم ومرق او دجاج مشوي مرقروق جريش عصيده بر
اهم شي ما يكون شي دسم او رز اوفيه دقيق ابيض كانت تبتعد عنها
والعشاء كل يوم نوع شوربه حريره او شوفان او عدس او الدجاج اللي تجي بيضاء مدري وش اسمها
وما بين الفطور والغداء فاكهه بس مو بارده وما بين الغداء والعشاء صحن كبير سلطه كل يوم نوع وبعد العشاء قبل انام كاسه لبن وتدفيه او زبادي وكانت لما تجيب الفاكهه ما تخليني ابدا بالبرتقال تقول حار ع المعده كولي قبله تفاحه
الله لا يحرمني منها ويشفيها يارب
اتمنى اكون افدتك