حنيني
الله يعافيك تعرفين طريقة كيكة البف اللي حاطة صورتها فكرة جديدة

اذا عرفتي افكار ثانية اتحفينا يالغالية

يا سلام عليكي يا حنيني رهيبة والله.............................تصدقي كنت أحسب البف باستري زي 1 2 3 نفتح وحط وعلى الفرن

لما سويت بحث في المنتدى لقيت البنات عندهم مشاكل واللي ما تستوي من جوا..والله تصير متينة العجينة واللي تنحرق.................خفت قلت يا عيني حسبتها عجينة منقذة الا هي امتحان



بس شكرا والله الموقع خيالي وجاي في وقته لأنه ناوية بس عجاين جاهزة من بف باستري لسبرنق رول بس مافي أمل أعجن وأفرد وأقطع

:26:

بنات

ودي أهديكم وصفة بسيطة لكنها لذيذة جدا والله تاكلوا وماتشبعوا منهم....وهي مناسبة لرمضان

المقادير:
عجينة سبرنغ رولز بالبيض
دجاجة مسلوقة ومقطعة صغير..واذا حبيتي بس الصدور جيبي 3 صدور دجاج واسلقيهم بعدين بالشوكة او يدك قطعيهم صغار
3 حبات بطاطس وسط مسلوقة ومقطعة مكعبات صغيرة
نص كوب كزبرة خضراء طازجة ومقطعة ناعم
حبة فلفل رومي كبيرة أو 2 صغار ومقطعين مربعات صغار جدا
2 حبة بصل صغير مفرومة ناعم
5 ملاعق زيت
ملعقة صغير ملح صيني (أجينو موتو)
نص ملعقة صغيرة فلفل أسود
ملح
زيت غزير للقلي

نجيب مقلاية ونحط ملاعق الزيت ثم نضيف البصل ونشوحه حتى يحمر ثم الفلفل مع التقليب المستمر لمدة 5 دقائق ثم نضع الكزبرة الخضراء والبهارات والملح ونقلب جيدا

نطفي النار ونضيف مكعبات البطاطس والدجاج ونقلبهم

نلفهم في سبرنغ رولز (المربعة الكبيرة اقسميها من النص قسمين متساويين عشان يصيروا اصابع صغيرة) ونغلق الأطراف بخليط دقيق وشوي موية عشان لا تنفتح في القلي

نحمي الزيت جدا ثم نوطيه وسط ونبدأ نقلي

مرة طعمة وتغيير عن الخضار

وبالعافية


طيب نجي حشوة ثانية

خضار أي شي..يا كرنب (ملفوف) وجزر وبصل أو خضار مجمدة مشكلة جزر وبازلا وفاصوليا..وممكن تضيفي ذرة

شوحيهم عادي على النار مع اضافة بهارات وشوية بودرة كاري أو أي شي تحبيه

لفيهم عادي ثم غمسيهم في البيض ثم بقسماط واقليهم....

اللي ماعندها فتات خبز أو بقسماط..عادي جيبوا توست وحطوه في التوستر الى أن يتقمر مضبوط..واطحنيه في الخلاط واحفظيه في علبة قزاز ....

اذا عندك شابورة السعودية أو أي شابورة كمان اطحنيها وحطيها في علبة وخلاص


طيب...

يتبع :)


أيضا للتغيير

نكمل

كفتة تونا

تتفرزن فترة طويلة ولا يتغير طعمها ومرة لذيذة ومحبوبة للأطفال

حبتين بطاطس كبيرة مسلوقة
2 علبة تونا
شوية مرة ملح ليمون
1 ملعقة صغيرة كزبرة ناشفة
ربع ملعقة صغيرة فلفل أسود
نص ملعقة صغيرة ملح
ثوم مطحون ناعم مقدار ملعقة صغيرة مليانة

نسلق البطاطس ونحطها في زبدة ونهرسها بالشوكة..نفتح علب التونة عليها بعد تصفيتها وبالشوكة نهرس ثم نضيف كل البهارات

نخلطهم باليد جيدا ونسويهم كورثم نطبطبها دوائر وهكذا لين تخلصي

غطسيهم في البيض جيدا ثم البقسماط واضغطي عليهم كويس وقت البقسماط عشان لا ينفك وقت القلي..

لو تبغي تقليهم على طول رصيهم في صينية ودخليهم ربع ساعة الفريزر عشان يتماسك البقسماط لو تفرزنيهم خلاص جيبي تبرويل ورصيهم لما تخلصي أول صف غطي بورقة طبخ من السوبرماكرت تلقيها جنب علب القصدير..وكملي وفي الفيزر وعادي بعدها من الفريزر للقلي على طول


اللي تحب الكزبرا الطازجة معاه تطلع روعة بس ما تنفع للفريزر ل،ها تخرب الطعن..اقليها غلى طول اذا حطيتي كزبرة طازجه


نفس الوصفة فوق حطي دجاج وسويهم أصابع عريضة شوي وفرزنيهم



شكن ناقيت

4 صدور دجاج مغسلة ومنظفة ومقطة أصابع رفيعة طولها قد الاصبع الصغير...لما تخلصي حطيهم في زبدية وحطي عصير 2 ليمونة و 5 ملاعق خل ابيض كبيرة وملعقتين كبار ثوم مطحون (كل ما كتر التوم يصير أحسن) وملعقة صغيرة كمون مطحون وكزبرة ناشفة مطحونة وملح وفلفل أسود..قلبيه وغطيه بقصدير ودخليه الثلاجة اقل شي 3 ساعات

البقسماط اخلطي معاه حبات يانسون لا تكتري بس عشان يدي طعم وشوي حبة بركة...

غمسي الدجاج في البيض ثم البقسماط ورصيه في صينية وحطيه ربع ساعة في الفريزر قبل القلي...والباقي فرزنيه في الفريزر يصير بعدها على طول من الفريزر للقلي ما يحتاج تستني يفك الثلج...

النار حارة بعدين حطيها وسط واقلي عشان لا يصير قاسي لو قليتيه على نار حامية

وبالعافية

يتبع

مشكورة يا بشورة

ايش الاكلات الحلوة ................تسلم الايادي

اتحفينا بالمزيد